إضغط لتفاصيل الإعلانات



Results 1 to 7 of 7
Share
  1. #1
    Join Date
    Feb 2008
    Location
    Saudi Arabia
    Posts
    467
    Rep Power
    13

    Thumbs up مشروع مصر أفضل

    يا جماعة انا كانت بتراودني فكرة من زمان ونفسي فعلا اني اعملها بس مكنتش اقدر اعملها وانفذها لوحدي ولما جيت المنتدى ده لاقيت فيه نوعية الشباب اللي فعلا ممكن استعين بيهم علشان انفذ بيه مشروع مش هيكون بتاعي بل هيكون بتاعنا كلنا.

    الفكرة اني عايز اعمل مشروع متكامل يخلي مصر على نفس مستوى الدول المتقدمة زي السويد مثلا.

    ارض المشروع : مدينة السادس من أكتوبر

    فكرة المشروع : نقل جميع الوزارات في البلد الي مكان واحد بحيث تكون قريبة من بعضها البعض.
    وربط جميع الوزارات بشبكة معلوماتيه واحد تصب كلها في مكان واحد بحيث ان اي حد ممكن يعمل اي حاجة في اي وقت.

    النتيجة:

    * الزحام هيخف عن مناطق وسط البلد ومحافظتي القاهرة والجيزة وساعتها هنلاقي مواصلات سهله وطرق سالكة.

    * تمكين المواطن من قضاء جميع مصالحه في وقت قليل جدا وبخطوات بسيطة. يعني مثلا

    عايز يروح يطلع الباسبور بتاعو بدون ما تضطر تروح الهايكستب وتجيب تصريح سفر وتجيب شهادة تقول ان انهيت الخدمة العسكررية. اطلع على مصلحة الجوازات ومن هنا تطلب تطلع باسبور موظف مصلحة الجوازات علطول يدخل يكشف عن اسمك بالرقم القومي ومنه هيعرف كل شيء عن تاريخ حياتك ومنه هيكون يطلعلك الباسبور وبياناتك على الكمبيوتر بتقول انك اديت الخدمة العسكرية ولا مانع من سفرك وده جزء خاص بوزارة الدفاع وطبعا بياناتك بتقول كمان ان مفيش عليك اي احكام قضائية والا مرفوع عليك قضية وانك مش مديون لحد بفلوس وعليك شيكات للبلد وده جزء خاص بوزارتي الداخلية والعدل.

    وبكدة طلعلك الباسبور بدون ان تضطر انك تروح شرق القاهرة علشان تجيب شهادة تجنيد وترجع غرب القاهرة علشان تجيب فيش وتشبيه.

    قيس على كدة دفع فواتير الكهرباء والماء وتجديد رخصة القيادة ودفع المخالفات المرورية وحجز تذاكر الطيران وحجز في المستشفيات الحكومية ومتابعة التأمينات الاجتماعية والمعاشات. يعني كل حاجة بقيت تتعمل اتوماتيك من مكان واحد.

    الموضوع تقيل وعايز تحليل ومهندسين شبكات ومبرمجين قواعد بيانات ومصممين مواقع انترنت ومهندسين كهرباء علشان انظمة اليو بي اس وخلافة. وكمان مهندسين مدني ومهندسين عمارة علشان يصممو الاشكال الجديدة والجميلة للوزارات والمصالح الحكومية. من الاخر كل قطاع الهندسة بجميع مجالاته هتشتغل في الموضوع ده. وأعتقد ان بمشروع ضخم زي ده مصر هتبقى قطعت شوط كبير جدا نحو التقدم.

    واتمنى ان مصر تبقى دائما وابدا أفضل

    أرجو تثبيت الموضوع للإفادة

    تحياتي.
    Last edited by Mr.Mosty; 26-03-2008 at 06:00 PM.


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

    Default

    متشكر ليك يا مصطفى على الموضوع الجميل ده انا عن نفسى موافق على اقتراحاتك لكن الاقتراحات دى منفذه فى دول اوروبا لكن فى مصر عندنا مشاكل دايما فى التنفيذ بسبب بعض اللى معندهومش ضمير اللى نفسهم البلد تفضل متأخره و لا يهمهم الا مصالحهم الشخصيه لكن على النقيض و انا فعلا ارى نماذج محترمه تعطى عملها اكثر من حقه حتى و ان كانوا لا يأخذون حقهم و يعملوا بضمير و بأسلوب اوروبى و لهم هدف بيحاولوا دائما انهم يحققوه لتقدم البلد و دخولها ضمن دول العالم المتقدم ارى ان مشكلات كتير جدا لمصر اكيد حتتحل لو هذه الفئه اصبحت هى الموجوده فى مصر و ستقل جدا بعدها الفساد و الرشاوى و المحسوبيه

  7. #3
    Join Date
    Jan 2008
    Posts
    1,785
    Rep Power
    14

    Default

    فكره رائعه
    واكيد في مهندسي شباب كتتير يقدروا يعملوها بس المشكله مش في كده المشكله في التنفيذ

    ازاي هتعمل حاجه زي ده نقل الوزرات ده عايز سياسه عليا

    مش احنا اللي هنقدر نعملها

  8. Forum Ads:

  9. #4
    Join Date
    Feb 2008
    Location
    Saudi Arabia
    Posts
    467
    Rep Power
    13

    Smile

    يا جماعة انا فكرتي ان المشروع ده يتنفذ على الورق اما عن طريق كيفية تنفيذه في الحقيقة فدي ليها اكتر من طريق.

    احنا هناخد المشروع ده ونسجله في الشهر العقاري انو بإسمنا وانا بعد كدة ممكن اخد الورق بنفسي للدكتور أحمد زويل. أو لرئيس الوزراء اللي اعرف عنه انه راجل بيهتم جدا بتكنولوجيا المعلومات.

    يا جماعة هوه يخلص على الورق الاول علشان يبقى فيه حاجة نقدر نقدمها وبعد كدة كل شيء هيمشي انشاء الله.

    لا يضيع الله اجر من احسن عملاً. واللي هيوصلنا لاننا ننفذ المشروع ده على الورق مش هيوقفنا انشاء الله.

    بلاش احباط دي فرصة علشان كل واحد فينا يبدع ويحط كل افكاره في شيء لو اتحقق بجد مصر هتتقدم قوي واحنا كمان يبقى لينا سمعة طيبة جدا في بلدنا واسمنا مخرجناش براها.

    تحياتي

  10. #5
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    مصطفى مشروع كلنا بنحلم بيه من سنين
    والاقتراح دا موجود بردة من سنين
    و البلد مش هتتغير الا بينا ! بس مسن يسمعك تفتكر مين هيكلف ويدفع بلايين وانا بقلك بلايين علشان حجم المشروع دا
    ولازم نعرف ان مشروع زى دا لازم يكون بحجم ضخم جدا و يبقة محسوب ل 40 سنة قدام علشان ميحصلش نفس اللى بيحصل دلوقتى و كمية الزحمة الغير طبيعية
    تفتكر لما حد ياخد قرار زى دا هيسرق منين!! ما الفلوس كلها هتتصرف على المشروع
    تفتكر هما هيهتموا ليه ببهدلتك و طلعان عينك اذا كان هما فى ثوانى يطلعوا ورف و من غير ورق كمان ينفذوا
    ومين قالك ان وزير الاتصالات فى قدرتة انه يوافق ولا لا

    المشروع انا مستعد ابدأ فيها مع كل المهندسن و نحط الخطة كمان و الاحتياجات
    بس محتاجين نعرف كل الوزراات شغالة ازاى و محتاجة لدراسة مش سهلة و محدش هيدهالك لاننا منعرفش دا فلازم الحكومات اللى تديك المعلومات دى و مدى ارتباط كل عملية بعمليات اخرى سواء فى نفس المصلحة او الوزراة او بوزراة اخرى مين هيديك دة؟

    الموضوع مش سهل فعلا و علشان تعمل المشروع لازم تتوفرلك كل البيانات علشان مش هتقدم مشروع ناقص ابدا لازم يكون فى كل تفصيلة

    انا اخاف انى احبط حد بس بما ان الناس محبطين وعارفين دا من الاول!
    نفكر الاول فى اختيار اللى فعلا يساعدونا فى تنفيد مشروع زى دا و تنفيذ نهضة فى بلدنا بناس يستحقوا التقدير و يحترموا رأى واختياج الشعب

    احنا نقدر ان شاء الله بس محتاجين كتير ومحتاجين نغير و نتغير

  11. Forum Ads:

  12. #6
    Join Date
    Feb 2008
    Location
    Saudi Arabia
    Posts
    467
    Rep Power
    13

    Default

    انا عارف ان الموضوع مش سهل وانه هيتكلف بلايين. وصحيح محتاج دراسة كبيرة وانا شايف اننا لو فعلا حابين نبتدي هتتسهل كل الامور لو احنا عايزين. احنا مش لازم نعمل كل شيء ولكن ممكن نحط الخطوط العريضة للنقاط الريسية عن كل وزارة واحتياجاتها اللي احنا شايفين انها ممكن تكون مهمة. وممكن ان اي حد فينا يروح وزارة معينة ويكلم مدير المصلحة او نائب الوزير في انه بيعمل مشروع تخرج عن تطوير وزارة من الوزارات وانه محتاج شوية معلومات. الموضوع مش معقد وانا عن نفسي ممكن ابتدي بوزارة الداخلية وليا حد يقدر يوصلني ليها انشاء الله.

    اننا نقول احنا نقدر بس مين هيسمحلنا ونحبط نفسينا ومنعملش يبقى احنا كدة بنمثل حال البلد دلوقتي في كل شيء. كل الناس مش قادرة تعمل حاجة لانهم بيقولو نفس الكلام. نعمل ايه ومين هيسمحلنا وعلشان كدة البلد دي عمرها ما بتزحف للامام حتى.

    تحياتي

  13. #7
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    انت عندك وقت يا مصطفى تروح و كمان هتستحمل الكلام اللى هيقالك و اللى هيبصلك ويقلك روح يبنى
    انا مرة دخلت لعميد الكلية و كان معروف انه راجل محترم وكان لسه جديد يا دوبك و حاولت اتناقش معاة دا على سبيل انى سمعت انه راجل محترم لكن فوجئت بانه فى صف الدكاترة ومش عايز يسمع اصلا الكلام و مقتنع 100 فى 100 انهم صح و عمرهم ما هيغلطوا

    احنا نفكر الاول ازاى نختار رؤسائنا و نجبر البلد اننا نختار الاصلح فينا بدل الاسوء و بعدين نبتدى نفكر معاهم و نستفيد يعقولنا وجهدنا و اصرارنا واتمنى ان دا يحصل فعلا لانه اذا محصلش عن قريب هيحصل نيران هتهد البلد فعلا وربنا يستر على البلد دى

Similar Threads

  1. Replies: 4
    Last Post: 25-09-2012, 08:05 AM
  2. الرسول أفضل قدوة لك في حياتك
    By hopy_braya in forum Suna and Hadith
    Replies: 11
    Last Post: 15-06-2009, 11:44 PM
  3. أفضل الاوقات لسماع الأغاني؟
    By نداء الاسلام in forum Suna and Hadith
    Replies: 2
    Last Post: 19-02-2009, 07:41 PM
  4. زنب أفضل من حسنة
    By mariam in forum Suna and Hadith
    Replies: 0
    Last Post: 05-10-2008, 08:00 PM
  5. أفضل شئ الإضراب المنظم لفترات طويله
    By hopy_braya in forum Engineers discussions
    Replies: 2
    Last Post: 05-04-2008, 11:07 AM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب