إضغط لتفاصيل الإعلانات



Page 1 of 2 12 LastLast
Results 1 to 15 of 20
Share
  1. #1

    Smile الغربـــــــــــــــــــــــــــــــــــــــــــــ ــــة

    كتير بيحلموا انهم يسافروا للعمل

    لكن ليه يسافر البعض اذا كانوا فعلاً بيشتغلوا؟
    طب ينفع انك تقول انك مسافر لمجرد التجربة؟
    طب و ايه تمن الغربة؟
    هل فيه فرق بين الشاب و الفتاة في التفكير في الغربة؟
    و ليه؟
    هل هو قرار خاص بالشخص نفسه و لا يجب أن يشرك فيه الأخرين خاصة اذا كان خاطب أو مخطوبة؟

    ايه رأيكم في الموضوع ده على مااظن مثير للجدل


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Feb 2008
    Location
    Saudi Arabia
    Posts
    467
    Rep Power
    13

    Default

    عزيزتي المهندسة مريم...

    أسئلتك ليها رد بس المشكلة ان الرد ده هيكون طويييييييييييل قوي وهياخد وقت وحل المشكلة محتاج ايام كتيرة تفكير علشان في الاخر نوصل لقرار ان القادة واصحاب المناصب في مصر لازم يولعو بجاز.

    تفتكري ايه ممكن يكون دافع للشخص انه يسافر ويتغرب ويعيش بعيد عن اهله وناسه وحبايبه واصحابه؟ احنا هنا عايشين في بلد بنحبها قوي ونضحي علشانها بدمنا بس متهانين فيها الاسعار بقت نار والرواتب بقت تحت التراب والناس عايزة تعيش فبقى فيه اولويات وكل شيء على حساب شيء اخر.

    عايز تتغرب يبقى هتعيش كويس وبمرتب كويس بس هتبعد عن ناسك واهلك وتشوفهم مرة كل سنة. هوه ده تمن الغربة.

    عايز تعيش في بلدك ماشي بس هتعيش فقران ومطحون والفساد الاداي في اي حته هتروحها هيمص دمك. وهة ده تمن البقاء

    وانت بقى تختار انت عايز ايه؟

    ما بالنسبة للمشاركة في القرار فمفتكرش ان ده شيء محتاج مشاركة لانه شيء مفروغ منه . واحد عايز يتجوز ويفتح بيت ويفرش شقة ويجيب اساسا شقة وعربية ويعيش محترم وميمدش ايده لحد يبقى المنطقي انه يسافر والا يقعد؟

    اما بقة الخطيبة او الزوجة اللي عايزة راجلها يقعد جمبها لمجرد انه ونس في البيت فدول هيعيشو حياة مش هتكون سهلة نوعا ما. يا انسة مريم اصعب حاجة على الراجل انه يحس في عين مراته بالاحتياج لشيء وهو زي العاجز مش قادر يوفره حتى لو مراتو متكلمتش مجرد الاحساس بالشيء ده بيجرح الراجل. فمهما كان قرار السفر والغربة مؤلم بس في الأخر هنعرف نعيش ونعمل بيت.

    وطبيعي يكون فيه فرق بين تفكير الراجل وتفكير الست لان اللي اعبائه ومسؤلياته كبيرة مش زي اللي اعبائه ومسؤلياته قليلة يعني الراجل لازم يوفر شقة البنت لاء, الراجل لازم يوفر شبكة البنت لاء, الراجل لازم يوفر عربية البنت لاء, ولو فيه عيال يبقى الراجل لازم يوفر بامبرز كمان الأم لاء.
    Last edited by Mr.Mosty; 23-03-2008 at 02:32 AM.

  7. #3
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    الحقيقة انا مع مصطفى فى كلامة وفى نقطة مهمة ان صعب ان اسيب مراتى فى بلد وانا ابقى فى بلد دا فى حدة ظلم ليها!!!!!!!!!

    وكمان بشكل شخصى انا كنت بفكر ميت الف مرة قبل ما افكر انى اسافر واسيب اهلى طبعا اللى ملهمش غيرى بس الاحتياج الى انك تكون نفسك مهم يعنى لو تضحى سنة ولا اتنين فى سبيل ان يبقى فى مبلغ محترم يوفرك حياة معقوله لغاية ما تكبر فى شغلك فممكن بس فى الاخر بردة بتفكر مييييييييت مرة
    وربنا يفك كربنا فى بلدنا ونفضل مع اهلنا

  8. Forum Ads:

  9. #4
    Join Date
    Jan 2008
    Posts
    1,785
    Rep Power
    14

    Default

    صحيح المعيشه في مصر بقت صعبه بس الغربه من وجهة نظري اصعب كتير وضريبتها كبيره

    انا عن نفسي كنت متربيه في الغربه ووالدي مسافر لحد دلوقتي بجد الغربه شئ وحش جدا كفايه انك هنا عايش في وسط اهلك مابتسمعش كلمه من حد انك جاي بلدهم تشتغل عندهم وتاخد فلوسهم هي ده نظرة الناس اصحاب البلد وفي دول الخليج
    بالتحديد

    ومافيش حد بيسافر سنه واتنين يامحمد وبيرجع الا نادر ولو رجع يبقى هايرجع يعيش زي ماكان قبل مايسافر

    اللي بيباخد قرار الغربه بيبقى صعب انه يرجع فيه لانه بيبقى اسرته اتعوت على مستوى معيشه معين مش هايقدر يحققه ليهم لو رجع مصر

    انا في راي ان الغربه ليها مزايا ماديه بس ضريبتها غاليه جدا


    وانا مش مع مصطفى انه قرار مش مفروض يشاور فيه الطرف التاني
    لانه مابيدفعش ضريبة الغربه لوحده اسرته كلها بتدفعها معاه سواء كانوا معاه في الغربه او سابهم وسافر هو وده الاصعب طبعا

  10. #5
    Join Date
    Feb 2008
    Location
    Saudi Arabia
    Posts
    467
    Rep Power
    13

    Default

    اختي بندقة انا اتولدت في دولة خليجية واخواتي كمان ووالدي اشتغل هناك لمدة كبيرة ورجعت مصر .وبعد التخرج بفترة بشتغل تاني حاليا في دولة خليجية.

    حضرتك بتفكري برضو من وجهة نظر الطرف اللي مش عليه مسؤليات كبيرة فالتفكير العاطفي واخد حيز اكبر من العقلاني في الموضوع ده.

    انا قلت في وسط كلامي اني اقدر اجيب مراتي واولادي معايا في المكان اللي انا فيه وقلت ان ده مقيد بشروط برضو ولكن صدقيني المزايا مش بس مادية لاء ومعنوية كمان

    يعني انا لما برجع مصر معاملت الناس ليكي بتكون اكثر احتراما وتملقا انا مش بشجع ده ولكن بيتفرض نوع من انواع الاحترام اللي كلنا جعانين ليه في هذا البلد. ده بالاضافة للمزايا المادية اللي بقت اساس كل شيء في الحياة الان. شاوريلي على شيء واحد في الدنيا الان لا يمكن شرائه بالفلوس يا اختي دا حتى ذمم الناس بقت على المشاع وسلعة تندرج تحت بند العرض والطلب.

    انا بكلم حضرتك في واقع انا عشته مش بتخيله وانا نايم تحت بطنيتي ومشغل التكييف.

    وهدي مثال بسيط واحد معهوش فلوس وواحد تاني معاه مين اللي بتترفعلوا الايادي ؟

    صحيح الاتنين بتترفعلهم الايادي بس واحد بتترفعلوا الايادي لتعظيم السلام والتاني بتترفعلو الايادي للتلطيش.

    تحياتي

  11. Forum Ads:

  12. #6
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    اخى مصطفى بالطبع كلامك واقعى ومفهوم وان كان هذا السائد فاللى بيتلطشلة دا اذا كان فقير و معندوش دين اوك لكن اقلك حاجة
    افكركم بالشيخ الشعراوى هو كان معاه فلوس؟
    طيب كان بيعمل ايه فى حياته غير خدمة الاسلام و المسلمين
    انت نفسك لو قابلتة هترفعله الايادى ولا لا!!
    اهو راجل مات كما ولد!!! معندهوش مال و لا ساب مال لاهلة مع ان علمه لو استغله و باعة زى دعاة الايام دى كان زمانه معاة ملايين
    لكن ريس البلد المبجل
    اذا قابلة كان غصب عنه هيرفعله القبعة لان احترام الشيخ الشعراوى يفرض على كل شخص و ان كان انه يحترمة وافتكروا جملته الشهيرة اللى قالها للريس!!
    وربنا يكرمنا و نبقى مع رسولنا و شيخنا الشعراوى فى الجنه اللهم امين

    واخيرا انا عمرى ما افكر اسيب بلدى طول عمرى صعب جدا الفكرة دى ممكن سنة اتنين ولا اكتر لكن مش طول عمرى خاصة انى مرتبط بحاجات كتير فى البلد دى بالرغم ان فعلا العيشة هنا فظيعة بس دا بلاء احنا السبب فيه و قبل ما انسيب البلد دى نصلح لاننا فى الاصل السبب

  13. #7
    Join Date
    Jan 2008
    Posts
    1,785
    Rep Power
    14

    Default

    انا معاك يامحمد برضو في اني عمري ما افكر اسيب بلدي برضو فعلا في حاجات كتير مش هتلاقيها في اي مكان في الدينا حتى ولو كانت العيشه صعبه فيها


    ماشربتش من نيلها طب جربت تغنيلها جربت في عز ماتحزن تمشي في شوارعها وتشكيلها مامشتش في ضواحيها
    طيب ماكبرتش فيها
    دور جواك تلقى هي الصحبه وهي الاهل يمكن ناسي لانك فيها مش واحشاك ولا غبت عليها بس اللي مجرب وفارقها قال في الدنيا مفيش بعديها
    ان غبت بحنلها وانسى الدنيا واجيلها وان جيت انسى تفكرني بمليون ذكرى قلبي شايلها
    غاليه بلدنا علينا ومادام بنحب بلدنا تبقى هاتتغير بينا
    احنا اللي نعليها بادينا نخليها اجمل لينا ولولادنا مهما العمر يعدي علينا
    انا عارفه ان كتير هيدحكوا ويقولوا كلام اغاني بس والله فعلا ده اللي بحسه في الاغنيه ده فعلا في حاجات كتير عمرك ماهتحسها ولا تلاقيها غير في بلدك وفعلا لو بنحبها هنغيرها بجد

  14. #8
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

    Default

    انا عن نفسى ليا تفكير مختلف شويه فى موضوع السفر

    انا عن نفسى اتعرض عليا السفر للسعوديه مشيت فيه فى الأول بس بعد كده مبقيتش جاد فيه
    على الرغم من ان المرتب هناك فى الشهر كان مثلا قد مرتب 4 شهور هنا فى مصر

    لكن انا عن نفسى بصيت لظروفى انا والدى و والدتى متوفيين و مليش حد غير اخت واحده
    فقولت طبعا مستحيل انى اسيبها لوحدها غير كده قولت يا ريت الاقى فرصه هنا حتى لو المرتب
    اقل كتير عن هناك لأن الحمد لله انا مش محتاج فلوس على قد ما انا محتاج خبره
    انا حروح هناك خبرتى قليله ممكن يبيعوا و يشتروا فيا لكن لو اخدت خبرتى من هنا
    و طلعت هناك حاجه كبيره حيبقى طبعا احسن بكتير بالنسبه ليا فطبعا قررت انى ادور هنا و ركزت لغايه ما الحمد
    لله لقيت شغلى اللى فى 57357 و ان شاء الله السفر فى دماغى لكن بشروط اهمها انه ميأثرش على
    اسرتى لأنى فى الأول و الأخر بشتغل عشان اكون اسره فمش معقول انى اكون انانى و اسيبهم
    يتعبوا فى الحياه و ابعتلهم فلوس ابقى مجرد بنك بالنسبه ليهم

  15. #9

    Default

    شكرا يا جماعة على تفاعلكم مع الموضوع
    عايزة بس أقول لمصطفى أنا مش مهندسة زي ما نادتني في الأول أنا خريجة كلية الألسن و معايا
    MCDBA
    و كورسات تانية
    منها CCNA
    لكن أنا
    DB admin

    عايزة ألفت نظركم لسؤال يمكن كلكم مجاوبتوش عليه و هو

    هل فيه فرق بين الشاب و الفتاة في التفكير في الغربة؟
    و ليه؟

  16. #10
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

    Default

    هل فيه فرق بين الشاب و الفتاة في التفكير في الغربة؟
    و ليه؟

    اعتقد ان الفتاه صعب انها تفكر فى الغربه الا لو معاها عائلتها او زوجها حتى يحميها و يحافظ عليها

    لكن الشاب من الممكن ان يخاطر و يستطيع ان يكافح فى الغربه و طبعا بيستحمل اكتر من البنت

  17. #11
    Join Date
    Mar 2008
    Location
    tanta
    Posts
    7
    Rep Power
    0

    Default

    بسم الله
    انا لسه اول مره اشارك معاكم لكن الموضوع شدنى بجد علشان كده حبيت اقول رأيي
    يمكن لانى اتعرضت لموضوع السفر رغم انى فتاه لكن طبعا الاغراء كان جامد و ما كانشى فى قلق لوجود مرافق بس صدقينى يا مريم مجرد التفكير فى انك هتسيبى اهلك و تبقى علاقتك بيهم مجرد تليفون كل فتره و لو قريبه و بعدك عنهم و دخولك مجتمع ممكن يعتبرك دخيله و ناس مختلفين عن جوهرك و حياتك اللى عيشتيها و كل ده و لوحدك صعب جدا يا مريم يمكن الموضوع بالنسبه للشباب بتبقى و جهة نظرهم من ناحيه المسؤليات اللى بيشيلوها تخليهم ممكن ما يواجهوش النقطه دى بس اللى هم مش عارفينه ان اللى بيسافر لفتره قصيره مش هيحس بالافاده الماديه و لو المده طالت بيلاقى انه اتعود على مستوى معيشى معين لو رجع بلده مش هيلاقيه و بالتالى المده هتطول اكتر يعنى كتير نلاقى الشاب بيقول هاسافر سنه علشان اتجوز و بعده طب الشقه التمليك و لسه العربيه و البيت علشان الاولاد و المدارس الخاصه و المشروع اللى عايز اعمله علشان لما ارجع اعيش بدخل كويس و دوامه
    انا عارفه ان الموضوع محير بس انا لو مش مع السفر للشاب بنسبة 80 فى الميه فبالنسبه للبنت بنسبه 150 فى الميه
    و بالتوفيق للجميع

  18. #12
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

  19. #13

    Default

    شكرا يا روزا بس نسبة 150 في المية دي نسبة كبيرة أوي
    و رغم اني معاكي في كل كلمة قولتيها لكن سفر الفتاة وحدها للعمل في مكان آمن مش حرام
    طبقاً لحديث مش فاكرة نصه بالظبط
    توشك الظعينة أن تسافر من مكة إلى صنعاء لا تخاف الا من الله و من الذئب على غنمها
    فأجاز
    بعض الفقهاء بسبب هذا الحديث سفر المرأة بدون محرم بشرط الأمان في السفر و مكان الاقامة

  20. #14
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

  21. #15

    Default

    العفو يا محمد

    و ده جزء من فتوى خاصة بنفس الموضوع--

    الأصل في سفر المرأة أن تسافر مع ذي محرم ؛ لحديث ابن عباس رضي الله عنهما : " لا تسافر المرأة إلا مع ذي محرم ، ولا يدخل عليها رجل إلا ومعها محرم " متفق عليه ، على أن بعض الفقهاء من المالكية وغيرهم قد أجاز لها السفر وحدها إذا كان الطريق آمنًا وكانت الديار التي تذهب إليها آمنة ؛ لحديث عدي بن حاتم رضي الله عنه أن النبي صلى الله عليه وآله وسلم قال له : " فإن طالت بك حياة لترين الظعينة ترتحل من الحيرة حتى تطوف بالكعبة لا تخاف أحدًا إلا الله " أخرجه البخاري ، وفي رواية الإمام أحمد : " فوالذي نفس بيده ليتمن الله هذا الأمر حتى تخرج الظعينة من الحيرة حتى تطوف بالبيت في غير جوار أحد " ، وعللوا النهي في الحديث الأول بحالة خوف الطريق وعدم الأمن ، ويمكن الأخذ بهذا القول لما فيه من التيسير والسعة ، إلا أن ذلك مرهون بموافقة زوجها إن كانت ذات زوج أو بموافقة وليها إن لم تكن متزوجة .

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب