إضغط لتفاصيل الإعلانات



Results 1 to 8 of 8
Share
  1. #1

    Talking مراتى دكتورة

    إنكـ-تتجوز-دكتورة-مسألة-فيها-نظر-
    أولاً
    هيبقوا فاهميين اوي ان الرجاله اكتر عرضه للأصابة بــ
    إرتفاع ضغط الدم hypertension
    الذبحة الصدرية angina
    يعني خد عندك
    في أي خناقه هتلاقيها بتزود
    علشان إنت تزيد وتزيد ... وفجاة severe hypertension
    وبالسلامة يا برنس
    ثانياً
    إنت لو مش متجوز دكتورة ممكن تشتغلها بالالفاظ
    يعني تقولها إنتي مجرد parasite " طفيلي " يا حبيبتي وهي مزاجها تمام وآخر نعنشة
    لكن بقي لو خناقة مع دكتورة هتلاقي قاموس مصطلحات لا حصر له !
    ثالثاً
    حد يجيب ليا دكتورة بتعرف تطبخ !
    تطبخ منين وإزاي وهتتعلم إمتي وهي طول الوقت ع الكتاب !
    يبقي مفيش إلا إنت يا كميل يا أمور.
    هتتعلم فيك يعني هتتعلم فيك.. !
    زيك زي المريض اللي بتتعلم فيه في إستقبال الجراحة ، اللي بيسوط تحت إديها من قلة البنج وهي ولا هى هنا !
    إنت كذلك يا دكتور هتسوط بس مش من ألم الخياطة !
    إنت بعد الأكل هتسوط في حتة تانية من acute diarrhoea " إسهال حــــــاد "
    ولو كنت من هواة قراءة القصص البوليسة وتريد معرفه سبب ما حدث لك بالامس كل ماعليك فعله أن تدخل بهدوء إلي الشقه في فترة إعداد الأكل .
    ولك أن تتخيل
    شقه مليانة دخان مع إنك مركب 3 شفاط توشيبا العربي في المطبخ ماركة
    " هويني هويني دي مراتي مطلعه عيني "
    ومروحه سقف 4 ريش !
    وياسلام لو فكرت تدخل المطبخ تطمن عليها ..!
    يعني من بعيد كده ممكن تشوف وسط الضباب والسحب والأدخنة واحدة واقفة بعيد لابسه بالطو أبيض وكمامة علي وشها وبطرف صوابعها ماسكة السكينة وبتحاول تتوصل بعد 3 ساعات من وضع الفرخة علي النار ... هل الفرخه استوت ولا لسه ؟؟!!
    رابعاً
    علي السفرة بقي مش هقولك
    متاكل يا أحمد ولا إنت عندك anorexia " فقدان الشهية " ؟؟
    لا أبداً ما أنا باكل أهو دا أنا حتي مش قادر أقاوم الجمال والحلاوة بتاعت الأكل بس خايف من اللي حصل امبارح !
    وتضطر تاكل مجامله علشان اليوم يعدي ويحصل اللي حصل امبارح ... وهكذا !
    خامساً
    لو حصل في يوم وتعبت بدور برد مثلاً
    لو واحدة مش دكتورة و إنت كنت ممثل قدير وعشت في دور الميت من التعب !
    هتلاقي جنبك برتقال وعصير وشاي بليمون أخضر وكل شوية كمادات ميه ساقعة تنزل علي الدماغ السليم تتعبه ....
    الدكتورة بقي
    هتلاقيها عاااااااادي خالص مش قلقانة مش مضطربة ما هي عارفه آخرها كام يوم أو أسبوع وهتقوم تاني زي القرد !
    وياريت علي قد كده بس لا يا جماعة
    دا خد عندك بقي كل شويه
    متقوم يا أحمد دول شويه common cold " برد عادي "
    أما لو فيروس شديد شويه زي acute hepatitis "إلتهاب كبدي حاد " أو .....
    كفااااااااااااااااااااااااااااية يا مني
    كفاااااااااااااايه أنا قايم
    أروح المستشفي أرحمـ !
    سادساً
    الهزار بقي هيبقي إزاي ؟
    خليك كده في يوم طلبت معاك تتفرج علي التلفزيون
    وإذ فجأة لقيت قناه المولودي " melody سابقاً "
    ولقيت أغنية (الواد قلبه بيوجعه وعايز حد يدلعه)
    تلاقي بقي خفة دم محصلتش منها
    الواد قلبه بيوجعه أكيد دي main complaint " الشكوي الرئيسية "
    طيب تفتكر يا أحمد هو كده محتاج ايه" digitalis" ولا تفتكر كفاية " " beta blocker
    هاهاهاهاهاهاهاها
    ولو محصلش هزار يبقي أكيد الاغنيه هتفكرها بمريض heart failure مات تحت إديها وخد عندك بقي سرد بالتفصيل وللمرة المليون لنفس القصة !
    وتحاول تقنعك بعد 15 سنه جواز إنها مكنتش غلطانة
    وانت بكل مواساة
    أيوه أنا عارف يا مني
    إنك مش غلطانة خلاص خلاص خلااااااااص !!!
    يخرب بيت ... بهاء سلطان اللي قلب عليكي المواجع.
    قلب ؟؟ .. فكرتني نسيت أقلب المكرونة ثواني وجاية إوعي تغير المحطة !
    تقلب إنت بقي علي قناة للطرب الأصيل وتلاقي في وشك علي طول أم كلثوم بتقول
    " من فرحتي لا بنام ولا بصحي "
    وإنت سرحان بقي وبتفتكر الذكريات !
    تلاقي صوت غريب من تحت الأرض ... آه صحيح ياأحممد المرحلة دي من coma "الغيبوبة " اسمها إيه بقي ؟
    المريض لا هو نايم ولا صاحي!
    قومي وانتي طــــــــــ ... طلعتي عيني
    سابعاً
    لو خلاص انت ناوي بقي تتجوز دكتورة وهانت عليك نفسك !
    يبقي نصيحه إبعد عن تخصص النساء و الأطفال !
    ليه بقي ؟؟حد يقولي ليه ؟؟!!
    مبدئياً كده في النساء هيطلع عينك
    كل شوية .. أحمد تفتكر المغص دا عادي ولا في مشكلة ؟
    أي نعم أنا درست نساء
    بس إنت عارف بقي التخصص يا أحمد بيديك خبرة أكتر!
    أحمد اصحي أحمد اصحي أنا محتاجه أشوف baby في وضعه السليم ولا لاء
    دلوقتي يا مني الساعة 3 الفجر !
    أمال إنت متخصص نساء ليييييييييييييييه اه قول لييييييييييييه !
    وطول 9 شهور بقي متابعةمن النوع اللي يطلع العين ويقرف اللي ما يتقرف 1
    وطبعا إنت مطالب تفهمها كل حاجة وهي بكل رخامة ... تصدق أول مره أعرف الكلام داإحنا مكنش حد بيقول لينا الكلام دا في الروند !
    وكذلك تخصص الاطفال مع إختلاف الفتره ومن تهتم به
    يعني في الاطفال هتهتم بطفل أو اتنين انت وحظك بقي وربما يمتد الإهتمام الي تغيير البامبرز !
    **********

    Just For Fun

    :82:


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Jan 2008
    Posts
    1,785
    Rep Power
    14

  7. #3

    Default

    اه والله يا بندقة مراتى دكتورة بس مش كده خالص الحمد لله
    هو الجواز من دكتورة صعب جدا بس الحمد لله انا مبسوط ودى نعمة
    الحمد لله

  8. Forum Ads:

  9. #4

    Default

    ربنا يكون في عونك يا محمد
    وفي عون اي بني ادم تكون مراتة دكتورة زي المدام اللي فوق دي

  10. Default

    لا يا عم انا خلاص مش هتجوز دكتورة انا غيرت رايى هههههههههههههههههههههههههه . لذيذة فعلا منك يا محمد و مستنين بقية قصصك اللذيذة
    Eng Ahmed El-Desoki
    Network and System Engineer
    FCI Graduated
    CCNA + MCSE (Security + Messaging)

    لو بطلت احلم اموت
    لو عاندت اقدر افوت


    شرف عظيم و رفيع المستوى لاى مصرى ان يكون خريج او طالب بكلية الحاسبات والمعلومات

    يرخص الغالى ليك يا حبيبى يا مالك حالى انت يا حبيبى
    يا كلية الحاسبات و المعلومات

    FCI = Faculty of Computers and Informatics



    الحمد لله رب العالمين الذى اكرمنى بنعمة الحج . اللهم يارب لا تخرجنى من السعودية ابدا لكى استطيع كل عام ان احج الى بيتك الحرام
    اللهم يارب لن استحى ان ادعوك كل عام ان احج الى بيتك العظيم فلو قطعت رزقى من الحج فاقطع رزقى من الحياة قبل ان تاتى هذة اللحظة
    اللهم يارب اكرم كل المسلمين و المسلمات بحج بيتك الحرام . يارب انك سميع قريب تجيب دعوة الداعى اذا دعاك . الحمد لله رب العالمين


    من مواضيع ahmed_desoki :


  11. Forum Ads:

  12. #6

    Default

    بجد قصة لذيذة يامحمد والله يكون في عون هذا الزوج وحج مبرور وذنب مغفور يااحمد ويارب ماتنسناش في الدعاء عند زيارة البيت الحرام والصلاة في المسجد الحرام

  13. Default

    ربنا يخليكى يا زينة . انا والله دعيت لكل مهندسين مصر و انا فى الحج بصالح الدعاء و ربنا يوفقكم كلكم
    Eng Ahmed El-Desoki
    Network and System Engineer
    FCI Graduated
    CCNA + MCSE (Security + Messaging)

    لو بطلت احلم اموت
    لو عاندت اقدر افوت


    شرف عظيم و رفيع المستوى لاى مصرى ان يكون خريج او طالب بكلية الحاسبات والمعلومات

    يرخص الغالى ليك يا حبيبى يا مالك حالى انت يا حبيبى
    يا كلية الحاسبات و المعلومات

    FCI = Faculty of Computers and Informatics



    الحمد لله رب العالمين الذى اكرمنى بنعمة الحج . اللهم يارب لا تخرجنى من السعودية ابدا لكى استطيع كل عام ان احج الى بيتك الحرام
    اللهم يارب لن استحى ان ادعوك كل عام ان احج الى بيتك العظيم فلو قطعت رزقى من الحج فاقطع رزقى من الحياة قبل ان تاتى هذة اللحظة
    اللهم يارب اكرم كل المسلمين و المسلمات بحج بيتك الحرام . يارب انك سميع قريب تجيب دعوة الداعى اذا دعاك . الحمد لله رب العالمين


    من مواضيع ahmed_desoki :


  14. #8

    Default

    جزاكم الله خيرا على المرورر
    وعلى فكة يا احمد ان شاء الله لو تزوجت دكتورة
    هاتكون مبسوط جدا لان فعلا مخهك متفتح ودى ميزة كبيرة
    ومشكلة فى نفس الوقت بس ان شاء الله الدكاترة ستات زى كل الستات
    وشكرا يا زينة واهلا بيكى معانا ومنتظرين مشاركاتك

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب