إضغط لتفاصيل الإعلانات



Results 1 to 10 of 10
Share
  1. #1
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Exclamation تنبية ونصيحة عدم شراء اى موبيل سامسونج من مصر بسبب فشل توكيلها وهو يونيون جروب

    انا حبيت انبة الكثيرين اللى ممكن يقعوا فى نفس المشكلة اللى حصلت معايا انا اشتريت موبيل سامسونج
    b5722
    والمفروض انه اجدد موبيل بخطين وتاتش و بعد شراءة بشهريين فقط ظهرت مشكلة فى الشاشة و بقى التاتش مش شغال ومن اول يوم لاحظت ان فى مشكلة فى السوفت وير فى اوبشن التغيير بين الخطين وتجاهلت الموضوع وحليتة لانه بسيط بس طبعا مشكلة التاتش لا يمكن التجاهل فيها لانها قتلت الموبيل وايه بعد شهريين فقط؟؟
    المهم وديت الجهاز التوكيل وقالة هيغيروا الشاشة وبالمرة هينزل سوفت وير جديد علشان موضوع الاوبشنز اللى بتتنقل ما بين الخطين وبيخللى الجهاز يعمل ريستارت

    المفروض استلام الموبيل اسبوع واحد و حاولت أكد على الراجل متأكد انه اسبوع؟ لانى لقيت كتير موجودين فى الشركة اللى هى فى ميدان الحجاز قدام عمر افندى بيشتكوا ان بقالهم 3 اسابيع واسبوعين وشهر مش عارفين ياخدوا الموبيل كل واحد ومشكلتة فقلقت قلت معلش ل ووصلت اسبوعين هحاول استحمل

    المهم عدى شهريييين كاملين وكل ما اكلمهم يقولوا مستنين البارت من برة مصر و شوية اصل فى مشكلة فى الشحنة وكلمنا كمان يومين وهكذا
    كلمت حماية المستهلك معملوش اى حاجة
    كلمت 155 عملوا شكوى و حسيت انهم هيعملوا حاجة وفى نوع من النظام فى اخد الشكوى وكلامهم ان بحد اقصى 14 يوم لازم يكونوا ردوا وحلوا المشكلة
    وقالولى ان من حقى مدام الموبيل قعد 14 داخل الصيانة وفى الضمان يتم استبدال الوحدة الداخلية وطبعا المعلومة دى مكنتش اعرفها ويا ريت تفتكروها

    المهم قعدا اكتر من 22 يوم ورقم 155 معملوش اى حاجة
    فاض بيا بقى كلمت الشركة تانى قالولى اه الموبيل اتصلح طيب كويس انتوا عملتوا فيه ايه؟
    قالولى نزلنا السوفت وير
    طبعا استغربت قلت سوف وير بس؟ قالوا اه
    ازاى انتوا بقالكم شهريين والمفروض هتغيروا الشاشة يبقى ازاى قالى لا دا اللى مكتوب قدامى وانا كول سنتر مليش دعوة روح الفرع وشوف
    روحت الفرع وفوجئت ان فعلا بيقولوا نفس الكلام؟؟؟؟

    طبعا اتجننت شهرين علشان سوفتوير؟ زقعت فيهم مع انى من النوع اللى صعب اتعصب بس حقى بقى شئ ينرفز المهم بتناقش معاه وطبعا عمالين يقولوا كلام شغل اطفال وبيضحكوا بيه على الناس على اساس انى مش فاهم حاجة
    المهم انتوا قلتوا هتغيروا البارت ومحصلش المهم اتكلمنا كتير و مخدتش منهم اى شئ مفيد ورفضت اخد الجهاز لان كمان 155 قالولى متستلمش الجهاز لو مكنش غيروا البارت؟ دا بعد ما كلمتهم وقلتلهم ان الشركة قالتلى انهم صلحوا الموبيل وركنونى 4 ايام و 155 معملتش اى جديد
    المهم عملت محضر فى الشركة علشان يغيروا البارت او يدونى جهاز جديد زية لان دا من حقى وكمان دا غش ونصب شهريين ويقللى سوفتوير؟
    المهم طبعا ساعة ونص على ما البوليس جة
    ودى اول مرة اتعامل مع النجدة قلت اشوف حقنا فى البلد دى ايه واللى توقعتة حصل ساعة ونص على ما جه واحد على موتوسيكل مش فاهم اصلا يعنى ايه موبيل
    و بقى فاتح بقة وانا بتناقش مع الراجل اللى فى الشركة والشد والجذب اللى كان موجود

    طبعا مع الظروف المحيطة و الانهيار فى عدك الحفاظ على حقوق المواطن اكدت لنفسى اننا فى مصر لا حق لاى فرد الا اللى واصل زى ما بيتقال او لاصحاب النفس الطويل و اللى مستعد بقى يرفع قضية وكمان يطلب تعويض صحيح دا اسمة موبيل فى الاخر بس دة حق مواطن وشئ طبيعى ان الحقوق ترد لاصحابها بس مش طبيعى فى مصر
    وطبعا القضاء وخلافة فيها شهور و سنين و طبعا الشركات دى بتستغل الموضوع ان الواحد مش فاضى ولا فايق للكلام دة

    يمكن دا اكتر شئ ضايقنى ان فعلا لا حقوق لاى مواطن فى مصر
    ويمكن اضايقت انى اتنازلت فى الاخر و اضطريت اخد الموبيل بس بشرط انه اضافلى على الضمان شهريين زيادة اللى هو عطلنى فيهم دا الشئ اللى استفدت منه لكن طبعا ضاع حقى فى انى اخد تقرير فنى مكتوب فيه ان تم تغيير الشاشة وفى احتمال كبير انهم غيروا الشاشة بس مش عايزين يكتبوها طيب ليه؟

    لان لو نفس العيب حصل تانى وغير شاشة لازم يتم تغيير الموبيل ودا من شروط الضمان فهو الكسبان طبعا

    والمفاجأة اللى نسيت اوضحها انهم ميغيروش السوفت وير لانى لقيت كل حاجة موجودة حتى اللوج اخر النمر اللى كلمتها وكدة!!!!!!!!!!!!!!!!!

    طبعا لما قلتلة كدة قالى احنا عملنا باك اب وريستور
    وطبعا دا مش بيحصل لانك ببيبقى فى موافقة مبدئية ان لما يتم تحديث السوفت وير الشركة غير مسئولة عن بيانات العميل
    وعمرهم ما بيفكروا فى موضوع الباك اب ولا غيرة!!!!

    انا حبيت انبه الكتير عن تجربتى مع شركة يونيون جروب التوكيل الرسمى لموبايلات سامسونج فى مصر الفاشلة من وجهة نظرى

    ودى كانت حكاية اول واخر موبيل سامسونج ان شاء الله


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2

    Default

    Please try to contact Samsung it self and make sure to report that to them... they have manay policies about the quality for their local distributors

  7. #3
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

  8. Forum Ads:

  9. #4
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

    Default

    للأسف يا محمد خدمات الصيانه لأجهزه كتير فى مصر بقت صعبه جداً و معظم العيوب بتبقى عيوب فى صناعه المنتج لكن الشركه بتماطل عشان الفلوس انا زمان عانيت مع توكيل ثلاجه ايديال لغايه لما خدنا حقنا و خليناهم يصلحوها بعد خناقات كتير حصلت للأسف مبقاش فى احترام و لا اعتراف بالخطأ كله همه المكسب فقط بدون كسب سمعه كويسه لزياده المكسب الحقيقى

  10. #5
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    للاسف فعلا ولكن هما بيخسروا سمعة واضحة لان شوف فى كام واحد بيشتكى وكام واحد هيقلك لا متشتريش من الشركة دى و الافضل هو اللى بيبقى
    وبردة توكيلات السيارات فيها مشاكل مشابهة كتير للاسف وعايز اقلك انظف العربيات كمان مرسيدس يعنى شئ لا يعقل

  11. Forum Ads:

  12. #6

    Default

    شكرا يا محمد على النصيحة لأنى كنت رايح اشترى موبايل سامسونج الأسبوع اللى جاى بس كده انا غيرت رأيى

  13. #7

    Default

    thank you for sharing ,i planned to share the same model but nice to get your experience now

  14. #8
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

  15. #9

  16. #10
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    Quote Originally Posted by mohamadoz View Post
    IF they do not answer I would recommend you to send to newspapers
    ما بلاش تسخنها

    والله فكرت يا محمد انا عدتها مدام الموبيل جربتة ومدوا شهرين ضمان لكن لو انا كنت رايح وناوى اعملهم محضر ولو كنت شفت ان المحضر زية زى 155 اللى معملوش حاجة كنت هعمل كدة فعلا
    بس اتعلمت حاجة ان هما على الاقصى 14 يوم واذا الموقف اتكرر هعمل كول ل 155 للاثبات ومحضر و شويةوابعتها للاخبار ومعايا رقم المحضر والاثباتات
    طبعا دا نصيحة للناس كلها انها تاخد مواقف سريعة ومتكسلش زى مانا كسلت

Similar Threads

  1. مطلوب شراء أجهزة سيسكو
    By momen46 in forum Cisco
    Replies: 5
    Last Post: 03-08-2010, 08:55 PM
  2. كل سنه وانتم طيبيين يا احلى جروب فى مصر
    By eljoker70000 in forum Engineers discussions
    Replies: 17
    Last Post: 21-08-2009, 12:53 AM
  3. توبة فتاة بسبب حشرة!!!!!!!
    By hopy_braya in forum Suna and Hadith
    Replies: 4
    Last Post: 22-10-2008, 10:37 PM
  4. بسبب «الغلاء»
    By RamyTwo in forum Engineers discussions
    Replies: 4
    Last Post: 19-05-2008, 07:08 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب