إضغط لتفاصيل الإعلانات



Results 1 to 3 of 3
Share
  1. Default هل انت مهندس سيرتفيد ام غير سيرتفيد ؟؟

    السلام عليكم . كل سنة وانتم طيبين كلكم . رمضان كريم . ربنا يكرم كل الامة الاسلامية ويغفر لها ويسامحها وينصرها على القوم الكافرين الظالمين . طبعا رمضان السنادى جة فى توقيت درجة الحرارة فية عالية والكل مخنوق و زهقان و ربنا يقدرنا كلنا ويجازينا الاجر و الثواب . عاوزين نتكلم انهاردة فى موضوع اعتقد انة موضوع يمس كل مهندسين الاى تى سواء مهندسين شبكات او مهندسين برمجيات او مهندسين امن معلومات او غيرها . الموضوع دة يتلخص فى كلمتين . هل انت كمهندس تعتقد ان السيرتفيد بتفرق و بتخلى للمهندس قيمة اعلى وبتزودة فى المرتب او الوضع . بمعنى ان مهندس معاة سيرتفيد هيكون احسن من مهندس تانى سمع شرح للكورس او اتعلمة من واحد زميلة او اخد خبرتة فى شغلة وهل برضو تعتقد ان لو واحد خريج تجارة او حقوق او طب عن مهندس مش سيرتفيد . احنا عاوزين نتناقش فى موضوع السيرتفيد فى النقاط التالية

    اهمية السيرتفيد ؟؟

    اية اللى بتضيفة السيرتفيد للشخص ؟؟

    اية الفرق بين مهندس سيرتفيد ومهندس مش سيرتفيد بس خبرة فى مجال معين ؟؟

    هل السيرتفيد بتميز الغير مهندس زى خريج تجارة عن المهندس ؟؟

    لو انت كمهندس بقيت مدير للاى تى فى شركة معينة هتختار الشخص السيرتفيد عن
    الشخص الغير سيرتفيد مهما كانت درجتة العلمية و الخبرة والعملية ؟؟

    بما انك مهندس هل ترى ان كورس او سيرتفيد من شركة فى مجال معين تساوى الدراسة الهندسية فى كليات الهندسة والحاسبات و المعلومات او افضل منها ؟؟

    بما انك مهندس هل تفضل ان تاخد سيرتفيد فى مجال عملك ام تحضر دراسات عليا دبلومة او ماستر . بمعنى ادق هل الدراسات العليا اعلى من السيرتفيد ام العكس صحيح ؟؟

    اخيرا ما رايك فى دور الدولة فى فتح المنح العلمية سواء معهد تكنولوجيا المعلومات او منحة وزارة الاتصالات لكل التخصصات و كل الكليات وبتديهم سيرتفيد كمان . هل انت موافق على ذلك ام غير موافق ؟؟ ولا تنسى تعليل السبب

    اتمنى نقاش حاد فى هذة الجزئية الهامة فى مجال تكنولوجيا المعلومات و شكرا
    Last edited by ahmed_desoki; 13-08-2010 at 10:27 PM.
    Eng Ahmed El-Desoki
    Network and System Engineer
    FCI Graduated
    CCNA + MCSE (Security + Messaging)

    لو بطلت احلم اموت
    لو عاندت اقدر افوت


    شرف عظيم و رفيع المستوى لاى مصرى ان يكون خريج او طالب بكلية الحاسبات والمعلومات

    يرخص الغالى ليك يا حبيبى يا مالك حالى انت يا حبيبى
    يا كلية الحاسبات و المعلومات

    FCI = Faculty of Computers and Informatics



    الحمد لله رب العالمين الذى اكرمنى بنعمة الحج . اللهم يارب لا تخرجنى من السعودية ابدا لكى استطيع كل عام ان احج الى بيتك الحرام
    اللهم يارب لن استحى ان ادعوك كل عام ان احج الى بيتك العظيم فلو قطعت رزقى من الحج فاقطع رزقى من الحياة قبل ان تاتى هذة اللحظة
    اللهم يارب اكرم كل المسلمين و المسلمات بحج بيتك الحرام . يارب انك سميع قريب تجيب دعوة الداعى اذا دعاك . الحمد لله رب العالمين


    من مواضيع ahmed_desoki :



  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Feb 2008
    Posts
    532
    Blog Entries
    2
    Rep Power
    13

    Default

    شكرا يا ابو حميد على المووضوع ده لانه بصراحه موضوع مهم جدا جدا
    وانا يهمنى فيه السؤا ل الاولانى اكتر



    اهمية السيرتفيد ؟؟

    اولا بالنسبه للشركات
    شركات كتير بتطلب سرتيفيد بس مش علشان تكون واثقه من الشخص المتقدم للعمل
    لا لانها بتكون بارتنر او انها عاوزه تكون بارتنر او لما تيجى تتكلم فى السى فى بتاعها تقول ان كل العاملين عندها ناس سرتيفيد وده حقها بصراحه

    ثانيا بالنسبه للاشخاص
    اظن كلنا عارفين ان اغلبنا دخل الامتحانات دى بالحفظ من التيست كنج او الباس فورشور او غيره
    كان مهمته انه ياخد الشهاده
    ده طبعا غير ان فيه ناس متعرفش ايه هوه الكورس اساسا وبتدخل علشان تاخد الشهاده وبعدين تاخد الكورس على مهلها

    والغريبه ان لو انت عندك خبره ومش معاك سرتيفيد والشركه عارفه كده
    ممكن متاخدكش وتاخد واحد معاه سرتيفيد وميعرفش الجهاز بيفتح منين اساسا


    بس انا شايف فى الاول والاخر ان كل ده بزنس ودوامه كبيره وقعتنا فيها الشركات صاحبة البرامج دى علشان تتربح وبالفعل هيه نجحت نجاح مبهر فى كده


    اية اللى بتضيفة السيرتفيد للشخص ؟؟

    ولا حاجه غير انها بتقوى السى فى بتاعته

    اية الفرق بين مهندس سيرتفيد ومهندس مش سيرتفيد بس خبرة فى مجال معين ؟؟

    زى الفرق بين الجاهل اللى معاه فلوسس من غير عقل والعالم اللى معاه علم من غير فلووسس
    واظن ان مهما حصل الاخير هوه اللى بيكسب دائما

    هل السيرتفيد بتميز الغير مهندس زى خريج تجارة عن المهندس ؟؟

    لا خالص
    المهندس مهندس فى بلدنا بس

    بره بلدنا مش بيبصوا للكلام ده اوى
    واظن انت عارف

    على راءى عادل امام بلد شهادات صحيح


    لو انت كمهندس بقيت مدير للاى تى فى شركة معينة هتختار الشخص السيرتفيد عن
    الشخص الغير سيرتفيد مهما كانت درجتة العلمية و الخبرة والعملية ؟؟

    على حسب سياسة الشركه بس انا لو مدير ناجح هاخد الخبره وانا من جوه الشركه الزمه انه ياخد السيرتيفيد يبقى كده ضربت عصفورين بحجر

    انما مش هاخد واحد معاه سرتيفيد ومش معاه خبره
    اخده اعمل بيه ايه ده

    طبعا لو معاه الاتنين يبقى ممتاز

    بما انك مهندس هل ترى ان كورس او سيرتفيد من شركة فى مجال معين تساوى الدراسة الهندسية فى كليات الهندسة والحاسبات و المعلومات او افضل منها ؟؟


    للاسف فى مصر لا ليييه
    لان المناهج عندنا حتى لو تطورت بس مش بالشكل الكافى

    وهل تعتقد انهم ممكن يدولك كورس سيسكو ده بالكامل جوه الجامعه
    طب الناس هتطبق على ايه
    طب فين المعامل اللى هتاخد كل دول
    فين الدكاتره اللى اساسا فاهمه سيسكو مثلا مثلا يعنى زى واحد درسها صح
    دول قليلين جدا

    او خبرتهم قليله فى العملى



    بما انك مهندس هل تفضل ان تاخد سيرتفيد فى مجال عملك ام تحضر دراسات عليا دبلومة او ماستر . بمعنى ادق هل الدراسات العليا اعلى من السيرتفيد ام العكس صحيح ؟؟

    والله يا ابو حميد انا عملت الاتنين الحمد لله بس الماستر فعلا ليها قيمه كبيره جدا جدا جدا
    مفيش وجه مقارنه بينها وبين السرتيفيد بصراحه




    اخيرا ما رايك فى دور الدولة فى فتح المنح العلمية سواء معهد تكنولوجيا المعلومات او منحة وزارة الاتصالات لكل التخصصات و كل الكليات وبتديهم سيرتفيد كمان . هل انت موافق على ذلك ام غير موافق ؟؟ ولا

    انا مش موافق ان الدوله تعمل المنح زيها زى مكتب التنسيق الفاشل
    وبم اننا فى دوله فاشله اساسا
    فا هيه طبقت بالفعل الموضوع ده
    وعلى العكس ان ناس خريجين كليات غير الهندسه اثبتوا جدارتهم الف مرهعن خريجين هندسه

    يابنى التنسيق ده ظلم للطالب

    يعنى ايه تجبر طالب انه يدخل كليه معينه
    باى حق
    مممممم
    ربنا يهدى
    إذا كان عندك ملل من الدنيا وضيق في النفس وقلق وتفكير زائدين وخوف من المستقبل وعدم راحة في العيش ،، قل لا إله إلا الله محمد رسول الله ...
    فلديك نقص في الدين وستجده إن شاء الله بالصلاة والاستغفار وطاعة أوامر الله سبحانه وتعالى .

    Best Regards,
    MOHAMMED ELJOKER
    Security Engineer

    من مواضيع eljoker70000 :


  7. #3
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    شكرا يا احمد على طرحك هذا الموضوع وخلينا نتكلم فى النقاط اللى بتناقشها


    اية اللى بتضيفة السيرتفيد للشخص ؟؟

    الشهادات طبعا بتبقى اضافة زيها زى شهادة هندسة مثلا هل ينفع نقول طيب ماهو درس سنوات هندسة و راجل كويس وبيفهم و نقله خلاص مش لازم تمتحن ومش هنديك شهادة؟
    اكيد تلك الشهادة تعنى انها تشهد بان الشخص الفلانى نجح وعدى هذا الاختبار


    اية الفرق بين مهندس سيرتفيد ومهندس مش سيرتفيد بس خبرة فى مجال معين ؟؟

    كل واحد منها عامل مختلف وضرورى
    الخبرة مهمه والشهادة زى ما قلنا هى الدليل ان الراجل دة امتحن وعدى واللى ذاكرة وفهمة دى نتيجتة

    الشهادة عند أغلب الشهادات مهمة جدا خاصة لو هى شركة اى تى لان شركات الاى تى لما يبقى عندها مهندسين سيرتفايد دا معناه انه عندها مهندسين اقوياء فى المجال الفلانى

    واللى يفرق بين شخص والتانى هو مجموع الاتنين مع بعض
    يعنى نفترض ان فى اتنين نفس المستوى وتساوا فى كل شئ حتى سيكلوجيا واجتماعيا وهكذا وواحد منهم بس اللى سيرتفايد
    اكيد هتاخد السيرتفايد


    هل السيرتفيد بتميز الغير مهندس زى خريج تجارة عن المهندس ؟؟

    فى احيان كتير ممكن لان للاسف كتير بقى بيحفظ الاجابات و بيدخل الامتحان وبينجح والبعض تركيزة كله اصبح فى انه ياخد شهادات كتير و مش مهم ينفع وفى ناس كتير بتفكر كدة
    بس التمييز اللى بيحصل بيحصل فقط عندما تكون الوظيفة المطلوبة لناس ليس عندهم خبرة عملية واللى سيرتفايد اكيد هو اللى هيكسب


    لو انت كمهندس بقيت مدير للاى تى فى شركة معينة هتختار الشخص السيرتفيد عن
    الشخص الغير سيرتفيد مهما كانت درجتة العلمية و الخبرة والعملية ؟؟

    مش شرط ابدا ودا هيتوقف على احتياجات الشركة يعنى اذا كان هيتعامل مع عملاء فاكيد السيرتفايد مهم بس الاهم انه يكون فاهم و خبرة
    والشهادة ماهى الا دليل وليس الهدف
    الاهم هو اسلوب التفكير و اسلوب حل المشكلة و الادب و التفاهم والتواصل مع الناس والصبر و الخبرة والدراية بالتكنولوجيا حاجات كتير جدا


    بما انك مهندس هل ترى ان كورس او سيرتفيد من شركة فى مجال معين تساوى الدراسة الهندسية فى كليات الهندسة والحاسبات و المعلومات او افضل منها ؟؟

    بكل تأكيد لا
    دا حاجة ودا حاجة واستحالة يتساو الا القليل جدا جدا

    لانى مقتنع طبعا ان فى كتير كان نصيبهم ميدخلوش هندسة لاسباب ما بسبب سوء الحياة المعيشية وممكن اى حد حصلوا ظروف وبسببها مدخلش اللى كان نفسى فية

    وفى كل كلية فى عقول ذكية و كبيرة اوى

    و العقل الذكى واللى ربنا وهبة المهارة يقدر يعمل كتير فمفيش كليه احسن من كلية و لا تقدير يوحى بذكاء المهندس عن الاخر لان التعليم سيئ ولا يستطيع ابراز العقول الذكية الموهوبة ولكن كلها حفظ
    والكثير منها فهم وفكر كبير لكن كتير جدا بيحفظ وبس وبتمشى معاه الامور مع الكوسة وخلافة

    طبعا على حسبب التخصص لكن هتكلم على تخصصاتنا كهندسة حاسبات او اتصالات

    فتقريبا كل اللى بندرسة ملوش اى علاقة بشغلنا اللى موجود فى مصر

    اللى درسناه سواء بشكل صحيح او خطأ هو فكر وعلم كبير جدا وقوى جدا لكنه مش موجود فى سوق العمل فى مصر ولكن موجود برة مصر فللأسف ملوش مبقاش ليه لازمة فى بلدنا الا لما بلدنا تنتبة لاهميتة وتدخل صناعة الحاسبات وتكنولوجيا الاتصالات اللى هى الامل فى ان مصر تكبر وتتقدم

    واللى خرج من هندسة بدماغة مش بحفظة فحقيقى بيرتب دماغة بشكل كبير و بيتطورها و بيتطور اسلوب تفكيرها ودايما المهندس اسلوب تفكيرة وذكائة بيختلف عن الناس التانية
    فعلشان كدة هو بيتميز
    مع الوضع فى الاعتبار ان فى ناس دخلت هندسة وربما اتظلموا انهم دخلوها
    بس احنا قلنا النظام فى التعليم فى مشاكل كتير للاسف


    بما انك مهندس هل تفضل ان تاخد سيرتفيد فى مجال عملك ام تحضر دراسات عليا دبلومة او ماستر . بمعنى ادق هل الدراسات العليا اعلى من السيرتفيد ام العكس صحيح ؟؟

    شخصيا ودا كان مجال حوار ساخن بينى وبين بعض الاصدقاء من اسبوعين كدة

    انا شايف ان فى مجالى الاهم هو السيرتفايد والدراسات العليا ملهاش اى لازمة لانها مش هتفيد فى المجال ابدا

    ورأى الناس انها برستيج وبتفرق اوى فى المناصب الكبيرة

    وانها بردة بتدى مرتبة اكبر من التفكير من هندسة وبس

    اكيد اه هتدى مرتبة اعلى فى اسلوب التفكير بس هتضيع 5 سنين او اكتر من الحياة بدون اى داعى فى هذة البلد

    لكن ممكن الارتقاء باسلوب التفكير مع العلم فى نفس المجال بدراسة مواد جديدة فى مجال النتوورك والشبكات ومايركوسوفت واخد الشهادت وكمان الماستر من هذة الشهادات ودراسة مواد جديدة تكنولوجية وادراية
    كل دة اكيد هيرتقى بالفكر والعلم وبدل ما الواحد يروح يرقى التفكير بدراسات عليا ما اعمل الشبية ليها فى مجالى و يبقى استفد اكتر بانها فى مجال شغلى

    فى بعض الاقسام التانية انا شايف انها ضرورية زى كهرباء باور و ميكانيكا و مدنى وبترول انما الحاسبات او الاتصالات المجال خارج الجامعة اوسع واقوى بكتير

    لكن لما نبقى فى مصر صناع حاسبات وتكنولوجية وبتحترم العلم والعلماء و التطبيقات والابحاث العلمية ساعتها انا هتفرغ لدة لانى طول عمرى بحلم بدة

    بس لا وجود له فى مصر للاسف ودى رؤية نظام ولازم هو اللى يغيرها


    اخيرا ما رايك فى دور الدولة فى فتح المنح العلمية سواء معهد تكنولوجيا المعلومات او منحة وزارة الاتصالات لكل التخصصات و كل الكليات وبتديهم سيرتفيد كمان . هل انت موافق على ذلك ام غير موافق ؟؟ ولا تنسى تعليل السبب اهمية السيرتفيد ؟؟


    والله خطوة رائعة و دى حاجة فعلا ممتازة انهم عملوها انهم هياخدوا هذا المجال لانه هيكون المنقذ لهذة البلد

    المنح مهمة جدا لتطوير المهندسين و غير المهندسين

    بس هناك تقصير كبير للاسف فى اسلوب التنفيذ والمتابعة والادارة

    واعتقد ان الفلوس دى عبارة عن منح من الخارج فى الاصل

    لكن هى مفيدة لكن فى مشاكل كبيرة اوى فى التنفيذ والادارة و الرقابة


  8. Forum Ads:

Similar Threads

  1. مهندس اتصالات
    By midomaadi in forum Communications and Electronics, Electrical power
    Replies: 6
    Last Post: 23-03-2013, 10:16 PM
  2. Replies: 57
    Last Post: 12-10-2011, 09:50 AM
  3. مهندس شبكات
    By m.monsef in forum Networks
    Replies: 7
    Last Post: 10-11-2010, 10:56 PM
  4. مهندس اتصالات
    By eng.mostafasamir in forum Communications and Electronics, Electrical power
    Replies: 9
    Last Post: 13-07-2010, 06:53 PM
  5. مهندس حاسب آلي
    By hopy_braya in forum Networks
    Replies: 0
    Last Post: 28-04-2009, 07:56 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب