موضوع حساس يخص الزواج

[ahmed_desoki]

السلام عليكم . الموضوع اللى انا هتكلم فية كتير منكم هيشوفوا الموضوع تافة او موضوع للتسلية لكن انا شايف ان الموضوع مهم واصبح خطر على المجتمع ككل و ياريت لو نتناقش فى الموضوع دة بكل شفافية . الموضوع دة هو موضوع الزواج الثانى . طبعا كلنا عارفين ان العنوسة والعزوبية كترت بين الشباب والبنات لاسباب اقتصادية واجتماعية وغيرها و وكذلك حالات الطلاق والترمل سواء شباب او بنات . فهل من رايكم ان الزواج الثانى حل لكى يقضى على العنوسة ام يعتبر خيانة زوجية و هل فعلا الزواج الثانى هيحل ازمة العنوسة ام لن يحل شىء و ما هو نظرة الزواج الثانى فى عيون البنات و الشباب . عاوزين نتناقش فى الموضوع دة يا مهندسين مصر ونعرف اراء المهندسين والمهندسات . وشكرا

[Mohamed Fouad]

والله يا احمد
انا ارى انه شرعى تماما طالما لا يكون فيه غش و تسلية ومراهقة
وموضوع عدم تقبل المرأة ان زوجها يتجوز عليها انا شايف ان دى ثقافة ضد الشرع
والشرع حلل الزواج لاربع فى ظروف معينة
وربنا سبحانه وتعالى حثنا ان الرجل لو فكر يتجوز تانى يبقى لازم يعدل بينهم ولو خاف يعدل بينهم وهو مش هيعدل بينهم يبقى كفاية واحدة
وطبعا الست عمرها ما هتبقى مرتاحة ابدا ولا عمرها هتقلك انها مبسوطة وواخدة حقها وكل واحدة فيهم هتحاول انها تحتلك و تاخد حق التانية دى الثقافة الموجودة للاسف
بالنسبة لموضوع العنوسة فانا شايف كلمة عنوسة دى كلمة بايخة ملهاش اى معنى الموضوع موضوع نصيب ونصيحتى لاى بنت انها متستعجلش وتخاف من وهم السن اللى اهاليهم بيزنوا على دماغهم انهم يتجوزوا وهما صغيرين الا لما يجيلها عريس ذو خلق ودين
و للاسف فى بنات كتير بتتجوز بسبب تخويفهم من موضوع السن وتانين بيتجوزا على مزاج اهاليهم وكل واحد لسبب
كل دا بيؤدى لمشاكل زوجية بعد كدة لان هيفضل موجود جوة البنت عدم رضا لالزواج دة وهيخلق المشاكل اللى تخلى الزوج ممك نيفكر انه يتجوز او حتى يطلق
فنصيحتى هو الزواج من سابق معرفة وحب و ارتياح من الطرفين
مش لازم حب الافلام اللى اغلب البنات بتعيش هذا الوهم الفظيع فارس الاحلام
اقصد الحب الطبيعى يعنى الارتياح النفسى الكامل وعدم التشكك فى الطرف الاخر انه ممكن ميبقاش مناسب
يعنى لو بعد الاستخارة و القلب مش مرتاح واديت فرصة واتنين وقعدات 2 و3 و4 و فى عدم ارتياح يبقى بلاش بجد
عموما موضوع الزواج الاول او التانى الزواج كله بشكل عام مشكلة فعلا لان حتى فى فترة التعارف او الخطوبة او بعد الزواج كل فترة وبيظهر فيها الطرف بشكل مختلف و فعلا الموضوع نصيب وقدر ويا سعدة اللى ربنا يكون راضى عنه والعكس صحيح

[hopy_braya]

بسم الله الرحمن الرحيم

اولا طالما اسمه زواج حتى لو اسمه زواج ثانى وطبعا اكيد على سنة الله ورسوله
يبقى أكيد حلال ولا يعتبر خيانة لانه لا يصح انه يكون حلال الا بعلم الزوجة الاولى
واذا لم تعلم الزوجة الأولى يبقى الزواج الثانى بااااااااااااااااااااطل
والله اعلم ورسوله
ثانيا بالنسة لموضوع انه ممكن يقضى على نسبة العنوسة
بالنسبة للبنات اه ممكن لكن اعتقد ان مش كل البنات بتوافق بالرجل المتزوج
لأن الرجل دائما فى النهاية بيحن للزوجة الأولى
أم العيال زى ما بيقولوا
وللاسف الزوجة التانية عنده بتبقى عاملة زى التحفة الجديدة
فى البداية ليها زهوتها وجمالها
لكن بعد مدة بيرجع لمراته الأولى بعد أن افاق من الحلم الجميل المؤقت اللى كان عايش فيه
لكنه اوقع نفسه فى مشكلة جامدة جدااااااااا
انه اصبح عنده بيتين مفتوحين وممكن كمان يكون انجب اطفال من الزوجة الثانية
يعنى قائمة الطلبات زادت وثقلت بأعباء زواج ثانى
فأكيد مش أى حد هيقدر يقبل على حل الزواج الثانى
لكن بالنسبة للعنوسة عند الشباب مش عارفة بقة هل هيحل المشكلة بردة ولا لا
لأن مش كل الشباب ممكن يوافق يتزوج بمطلقة او ارملة
اعتقد ان ممكن بعض الشباب يوافقوا لكن اهلهم وخصوصا امهاتهم ترفض تماما
لأن كل ام تحب لابنها انه يكون سعيد فى زواجه
لكن بشرط أن تكون الزوجة بنوتة صغيرة ولم يسبق لها الزواج مطلقا
ورأيى فى النهاية إن الزواج
قسمة ونصييييييييييييييييب

[Eng.Amany]

السلام عليكم ورحمة الله وبركاته
يمكن ديه المشاركة الأولى ليه لكن الموضوع استفذنى جدا
أولا: يعنى إيه ظروف اقتصاديه ؟ وفى ذات الوقت يمكن للرجل أن يعدد الزوجات ... كلام غير منطقى.
إلا إذا كان يريد أن يسكنوا فى نفس المنزل وأه يوفر برده
أو دعوة لعدم القادرين على فتح منزل أن لا يفكروا فى هذه الأشياء عشان ميتعبوش نفسهم ودعوة فى ذات الوقت للمقتدر ماديا أن يعدد كما يحلو له.
ثانيا : ما الهدف من التعدد فى وجه نظر الرجال؟
فهل هى لحل أزمة العنوسة كما يشاع مؤخرا
أم لإنها سنة كما سمعت من البعض منكم
أم تختارونها أرملة أو مطلقة كما وصاكم الرسول صلى الله عليه وسلم
أم تختارونها بنت لتكون أول رجل بحياتها
مش لاقيه أى سبب يجعل الرجل يعدد على زوجته الأولى سوى إرضاء نفسه فقط ثم نفسه ثم نفسه
أخيرا : وجة نظرى كفتاة فى الزواج الثانى
لا أرى سوى أنها هوى نفس من الرجال فقط.
فقد أقبل بالزواج من أرمل أو مطلق (مع التأكد أنه لن يعود لزوجته) ولكن لا أقبل الزواج من متزوج
يمكن كلامى حاد بعض الشئ لكن قلت من قبل هذا الموضوع يستفزنى جدا

[ahmed_desoki]

السلام عليكم ورحمة الله وبركاته
يمكن ديه المشاركة الأولى ليه لكن الموضوع استفذنى جدا
أولا: يعنى إيه ظروف اقتصاديه ؟ وفى ذات الوقت يمكن للرجل أن يعدد الزوجات ... كلام غير منطقى.
إلا إذا كان يريد أن يسكنوا فى نفس المنزل وأه يوفر برده
أو دعوة لعدم القادرين على فتح منزل أن لا يفكروا فى هذه الأشياء عشان ميتعبوش نفسهم ودعوة فى ذات الوقت للمقتدر ماديا أن يعدد كما يحلو له.
ثانيا : ما الهدف من التعدد فى وجه نظر الرجال؟
فهل هى لحل أزمة العنوسة كما يشاع مؤخرا
أم لإنها سنة كما سمعت من البعض منكم
أم تختارونها أرملة أو مطلقة كما وصاكم الرسول صلى الله عليه وسلم
أم تختارونها بنت لتكون أول رجل بحياتها
مش لاقيه أى سبب يجعل الرجل يعدد على زوجته الأولى سوى إرضاء نفسه فقط ثم نفسه ثم نفسه
أخيرا : وجة نظرى كفتاة فى الزواج الثانى
لا أرى سوى أنها هوى نفس من الرجال فقط.
فقد أقبل بالزواج من أرمل أو مطلق (مع التأكد أنه لن يعود لزوجته) ولكن لا أقبل الزواج من متزوج
يمكن كلامى حاد بعض الشئ لكن قلت من قبل هذا الموضوع يستفزنى جدا

يعنى حضرتك تقصدى من كلامك انة دة هوى للرجال و ليس من اجل حل لمشاكل اقتصادية او اجتماعية فى المجتمع . بس فى حاجة مهمة ربنا لما شرع ذلك شرعها لكى تحل مشاكل معينة واعتقد ان مجتمعنا الحالى بة هذة المشاكل . يوجد سؤال يطرح نفسة ان دة شرع ربنا و ربنا شرع الامر دة لكى نستخدمة لانة فائدة لنا ولانة يحل مشاكل ستتقابل البشرية فلماذا يرفضونة الناس ويبعدون عنة برغم انة شرع من الله ولما ترفض الزوجة شريكة لها مع ان الله احل ذلك سؤال يطرح نفسة بجد

[bondo2h]

موضزع تعدد الزوجات امر شرعه ربنا
لكن بشروط وللاسف رجال كتير بيرددوا المقوله الشهيره الشرع حلل اربعه من غير مايبصوا للشروط اللي ربنا فرضها
وهي العدل في كل تصرف واعتقد ان صعب اوي انه يعدل وده حاجه مش سهله
ربنا شرع عشان المطلقه والارمله لكن للاسف مفيش رجل بيبحث عالتعدد عشان يعول ارمله او مطلقه وابتغاء رضا ربنا بس
ده بيبقى بيدور على زوجه جديده يعيد بيها شبابه وفعلا دايما بيرجع يحن لمراته الاولى وام العيال وخصوصا لو كان متجوز من وراها ومراته عرفت
يبقى الزوجه التانيه تتركن وقتها عشان يشتري رضا ام العيال
ويبقى ظلم الاتنين معاه
الموضوع مش سهل ان اي حد يقدر عليه وعاوز يبقى عنده خوف من ربنا وايمان
اما عن رايي الشخصي فانا لا اقبل ان اكون زوجة تانيه واتجوز واحد متجوز ولا احب ان لما اتجوز زوجي يتجوز عليا
هو شرع ربنا بس ده اختبار ومش اي حد يقدر على الاختيار ده
واحنا بشر وبطبيعه الست مابتحبش ليها شريك زي ما الراجل مايقبلش يكون ليه شريك
شكرا عالموضوع وربنا يوفق الجميع

[نداء الاسلام]

السلام عليكم ورحمة الله وبركاته

اسمحوا لى بالمشاركة بس قبل ما اقول اى كلمه هحكى لكم حكايه من الواقع ...حكاها لنا الشيخ محمد شحاته اثناء دراستى فى دورة الثقافة الاسلاميه فى جمعية المحافظه على القران الكريم ...الشيخ محمد شحاته هو مدرس مادة فقه الاسرة

كان فى شاب مسلم عايش فى دوله غربيه ...هذا الشاب تزوج إمراة غربيه هذه المراه أسلمت وحسن إسلامها ...ولكن لما رجع الشاب دة الى بلده تزوج زوجه تانيه (يعنى الاصل ان المراة الغربيه التى اسلمت وحسن اسلامها هى الزوجه الاولى ) تزوج زوجة تانيه من غير مايقول للزوجه الاولى ودة يجووووووووووز شرعا وزواجه صحييييييييييييييح
المهم كان فى ناس حبوا انهم يوقعوا بين الشاب دة وبين زوجته الاجنبيه التى اسلمت وحسن اسلامها ...وحسن اسلامها تخيلوا معاى عارفين عملوا ايه؟؟راحوا للزوجه الاجنبيه وقالوا لها ان زوجها لما رجع على بلده تزوج زوجة تانيه بدوووووووووووون علمها
وهنا بقى كانت المفاجاه
عارفين ردت عليهم المراة الاجنبيه التى اسلمت وحسن اسلامها قالت ايه؟؟؟؟؟؟؟؟؟؟؟؟؟؟
سالتهم سؤال :قالت لهم هل زوجى دة عمل حاجة حرام تغضب ربنا؟؟؟؟؟قالوا لها لالا دة تزوج زواج شرعى صحيح على سنة الله ورسوله
قالت لهم طيب انتم زعلانين لى؟؟؟؟الحمد لله ان زوجى ماشى بما يرضى الله وعلى سنه رسوله

بالبلدى كدة المراه دى عارفين عملت ايه؟؟كبستهم

كلمة اخيرة للشيخ محمد شحاته ...المرأة المسلمه التى حسن اسلامها ميضرهاش ان زوجها يعمل حاجة حلال وعلى سنة الله ورسوله ...على العكس تماما المراة المسلمة التى حسن اسلامها يضرها ويجننها ان زوجها يأتى الحرام

بصوا ياجماعه ابو بكر الصديق رضى الله عنه كان متزوج اربع زوجات بدون اى اسباب وغيره وغيره من الصحابه رضوان الله عليهم

يعنى الخلاصه ان التعدد حلاااااااااااااال شرعا ويجوز للزوج ان يتزوج زوجة تانيه بدوووووووووووووووووون علم الزوجة الاولى والزواج بيكون صحيح وطبعا الشرع زى ماكفل للرجل هذا الحق كفل ايضا حق الزوجات وفرض على الزوج انه يعدل بين زوجاته والا يبقى أثم وعليه وزر

طيب انا احب اوضح نقطه اخرى ...لما كلنا بنقرأ القرأن الكريم وتمر علينا أيات الجنه والنعيم الذى اعده الله للمؤمنين فى الجنه محدش اخد باله من حاجة مهمه؟؟هى ان ربنا دايما يذكر انه اعد للرجال حور عين ؟؟والسبب انه سبحان الله هذه طبيعه فى الرجل
ولكن للاسف قلة الوعظ الدينى لدى الرجال والنساء والشباب والبنات وفى المجتمع عموما هى السبب ...وهنروح بعيد لى ؟؟احنا اهو ربنا انعم علينا باننا ولدنا مسلمين ولكن انظروا للمراة الاجنبيه التى اسلمت على كبر ولكن حسن اسلامها ...لقت حد يفهمها دينها كويس

والزواج قسمه ونصيب...ربنا يصلح حالنا وحال المسلمين جميعا

اعتذر على الاطاله

[bluerose_z]

السلام عليكم و رحمة الله و بركاته
الحقيقة دي اول مرة اشارك في موضوع عام بس الموضوع استفزني لدرجة الاستشاطة غضبا, هو خلاص مفيش حاجة هتحل مشكلات المجتمع غير تعدد الزوجات للاسف الرجالة مش بتشوف الا اللي ليها لكن اللي عليها لا
اولا ربنا سبحانه و تعالى مش ظالم عشان يجعل طرف مقهور و مهمش عشان الطرف التاني يتجوز و يعيش حياته حتى من غير ما يعلمها ولا يسال فيها , ولا عشان الزوجة الاولى الغلبانة تفضل تشقى و تتعب و تصبر على ضيق ذات اليد و على اهل الزوج ولما يتيسر شوية يروح يجيب لها شريكة في تعبها و شقاها وغالبا بتكون كتكوتة في نصف عمره عشان تبسطه.
انتم متاكدين ان التعدد اتشرع باسباب قوية جدا و بعلم الزوجة الاولى و برضاها ولما تحس انها محترمة مش مهانة ولا هي مجرد جارية تتعب و تشقى و تتمنى رضى الزوج والرد يكون الجحود و الاهمال ( ولهن مثل الذي عليهن بالمعروف)
ولا دي كمان نسيتوها
وليه مش بتفكروا اصلا ان ثقافة الرجال عندنا منذ نعومة اظفاره ان هو دايما الاول و الاخير يعني المقدم على الزواج بيدور على الصغيرة الحلوة لا بيدور على الكبيرة ولا الارملة ولا المطلقة ولو عمل كده مامته مش بتسيبه ولا بتتساهل معاه, يبقى لما هيتجوز تاني هيختار ارملة او كبيرة في السن او مطلقة
اما الطامة الكبرى بتكون على الاولاد اللي بيحسوا بالاهمال و عدم الامان اصل الاب سابهم وراح لحد تاني يديله اهتمامه و حبه وهو اصلا مش مكفي بيته الاصلي رعاية وحب ولا حتى ماديا
ليه مش بتفكروا ان الرسول عليه الصلاة و السلام قال:"استوصوا بالنساء خيرا" وانه اتجوز باوامر من ربنا ولاسباب سياسية عشان استقامة الدولة وقتها وكان الصحابة بيعملوا كده لنفس السبب.
بدل ما نخرب بيوت عمرانة و مستقرة بوهم ملهوش علاقة بواقعنا ياريت نفكر ازاي نحل مشاكل من لم يسبق لهم الزواج و ازاي نغير فكرة المجتمع و الامهات بالاخص عن البنات التي لم يسبق لها الزواج و اتاخرت اصلها مش مصابة بالجرب ولا عندها عاهة وكذلك المطلقة و الارملة ممكن يبتدوا من جديد مع حد لم يسبق له الزواج.
اتقوا الله في البيوت العمرانة و المستقرة و خلي تفكيركم في البناء مش في الدمار

[Eng.Amany]

السلام عليكم ورحمة الله وبركاته

مفيش إنسان على وجه الأرض بيتزوج بدون سبب سواء أعلن عن السبب أم لم يعلن عنه

القصة اللى حضرتك حكيت عليها يا أخ نداء الاسلام بطلتها واحدة أجنبية فمش فاهمة العرب بيفكروا إزاى وبالأخص الراجل الشرقى

وكمان قبل ما تسلم كانت عايشة فى مجتمع أجنبى يعنى عندهم إنحلال خلقى شوية إلا من رحم ربى

فموضوع زواجه من أخرى لا أعتقد أنه يجرحها

لكن القصة اللى حضرتك بتتكلم عليها حدثت مع شخص أيضا أعلمه كانت إنسانة نصرانية

وأسلمت وتزوجت ووصاه الشيخ بعد إعلان إسلامها بعدم الزواج عليها خشية فتنتها ورجوعها إلى دينها مرة أخرى

ورضيت بالحياة معه على الرغم من الفرق الطبقى بينها وكان لصالحها وتركت كل شئ لأهلها لى تسلم ما عدا السيارة ولكنه هو من استولى عليها

وبعد ذلك أراد ان يتزوج من أمرأة أخرى وعرفت بالصدفة

فسؤال واحد : هل يجب على الزوج إبلاغ زوجته الأولى أنه سيتزوج عليها أم لا ؟

لا أقول أن عدم الابلاغ يبطل الزواج . لا قطعا

ولكن زى ما يقال إنهم بمركب واحدة فى الحياة وعندما يريد أن يزيد شخص بداخل المركب

فمن حق البنى أدمة اللى عايشة معاها تعرف وإلا يبقى ملهاش لازمة

عندما عدد الرسول عليه أفضل الصلاة والسلام جميع زوجاته علمن

عندما عدد أصحابه جميع زوجاته أيضا علمن

كون بقى إن الرجل لا يريد إعلام الأولى يبقى ملهاش غير معنى واحد إن اللى بيعمله لا يرضيها

حتى وإن رد واحد وقال إنه هيخاف على زعلها يبقى مش فاهم إنها هتعرف هتعرف

للخوف من الإطالة : أنا أعلم أن التعدد شرعى جدا جدا
لكن شايفة كمان إن الرجال تستخدم هذه الرخصة لإرضاء أنفسهم فقط أو لا يطبقوها بالوجه الذى يرضى الله

ومن يعلم أى حالة تعدد وجميع الأطراف فيها سعداء يبلغنا

[hopy_braya]

أحب أولا اتأسف إنى ذكرت معلومة بدون التاكد من صحتها
وهو اللى ذكرته فى مشاركتى السابقة فى هذا الموضوع

واذا لم تعلم الزوجة الأولى يبقى الزواج الثانى بااااااااااااااااااااطل

وكنت سمعت هذا الرأى وليس عن بحث وتنقيب لكنى دلوقتى بحثت وعثرت على هذه الاراء
بالنسبة لسؤال هل يجب على الزوج استئذان زوجته عند رغبته في الزواج بأخرى؟

رأى أول
[Only registered and activated users can see links. فقط الأعضاء المسجلين والمفعلين هم من يستطيعوا رؤية الروابط إضغط وإنضم لمهندسي مصر ]

جاء في الأثر إن سيدنا علي
(رضي الله عنه)
أراد أن يتزوج على فاطمة بنت رسول الله
(صلى الله عليه وسلم)
، وكان علي قد رغب في الزواج من بنت أبي جهل ، فلم يرضَ النبي صلى الله عليه وسلم وبيّن النبي السبب وهو ألا يجتمع تحت رجل واحد بنت رسول الله وبنت أبي جهل عدو الله ،
ولكن عندما توفيت السيدة فاطمة تزوج علي بأكثر من امرأة ، وجمع بينهن: لأن المبرر لم يعد قائما ، ومن هذه القصة نعلم أن عليا لم يقم بالزواج إلا بعد الاستئذان ، ويعلق العلماء على هذه الواقعة بقولهم إن هذا من باب حسن السلوك ، وليس واجبًا ، ولا فرضًا شرعيًا ، ولكن تأسيًا بعلي
(رضي الله عنه)
ومن مثل هذه الواقعة ندرك أنه يحسن للزوج أن يبين لزوجته وأن يخبرها بالأسباب:
لتعينه على أن تستمر معه ، ولكن ليس حقًا لها ، ولا تملك منعه،.

ومع هذا ، يقول الشيخ عبدالله الجبرين في موقعه حول هذا المعنى ، في جوابه على سؤال حول حكم استغلال البعض لإباحية تعدد الزوجات بالزواج والطلاق كل حين ، والتفريق بين الزوجات والأبناء في المُعاملة والمُجاهرة بذلك ، إن الله عز وجل أباح للرجل أن يتزوج أكثر من واحدة بشرط العدل في القسم والنفقة والمؤانسة وجميع ما تحتاجه المرأة ،
ثم قال تعالى:
"فَإًنْ خًفْتُمْ أَلَّا تَعْدًلُوا فَوَاحًدَةً" ،
ثم إن القصد من النكاح هو الإعفاف للزوجين والذرية الصالحة ، فلا يجوز أن يكون القصد هو قضاء النهمة البهيمية ، وقد ورد ذم الذواقين والذواقات وهم الذين يقصدون مجرد قضاء الشهوة مرة ثم يطلب الفراق ، فيكثر الزواج والطلاق أو المرأة تقصد الدخول به مرة ثم تطلب الطلاق ، فإن في ذلك ضررا على الزوجة إذا طلقت لأول نكاح وفيه إساءة الظن بها ، وإذا تزوج الرجل اثنتين أو أكثر فعليه ان يسوي بين زوجاته في جميع ما يقدر عليه ويحرم عليه التفريق بينه

وراى ثانى
[Only registered and activated users can see links. فقط الأعضاء المسجلين والمفعلين هم من يستطيعوا رؤية الروابط إضغط وإنضم لمهندسي مصر ]

ليس رضى الزوجة شرطاً للتعدد ، وليس بفرض على الزوج إذا أراد أن يتزوج ثانية أن يرضي زوجته الأولى ، لكن من مكارم الأخلاق ، وحسن العشرة أن يطيِّب خاطرها بما يخفف عنها الآلام التي هي من طبيعة النساء في مثل هذا الأمر ، وذلك بالبشاشة وحسن اللقاء وجميل القول وبما تيسر من المال إن احتاج الرضى إلى ذلك
ويجب على الزوج إذا تزوج امرأة ثانية أن يعدل بين زوجاته بقدر ما يستطيع ، فإنه إذا لم يعدل فإنه يعرض نفسه للوعيد ،
فعَنْ أَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :
" مَنْ كَانَ لَهُ امْرَأَتَانِ يَمِيلُ لإِحْدَاهُمَا عَلَى الأُخْرَى جَاءَ يَوْمَ الْقِيَامَةِ أَحَدُ شِقَّيْهِ مَائِلٌ "
رواه النسائي
( عشرة النساء/3881)
، وصححه الألباني في صحيح سنن النسائي

الدين الاسلامي يشترط لصحة الزواج الثاني اعلام الزوج الاولى ...... ودعوني اكرر اعلام الزوجة الاولى وليس أخذ إذنها
الزوجه لو اشترطت في عقد النكاح ان زوجها لا يتزوج الا بأذنها وجب على الزوج الالتزام بذلك العقد و الا فسخ العقد..
كما ان الاسلام قيد التعدد بالقدره على العدل , وقصره على اربع , فقد جعل من حق المرأه او وليها ان يشترط الا يتزوج الرجل عليها , فلو شرطت الزوجه في عقد الزواج على زوجها الا يتزوج عليها صح ولزم , وكان لها حق فسخ الزواج اذا لم يف لها بالشرط , ولا يسقط حقها الا اذا اسقطته , ورضيت بمخالفته
والى هذا ذهب الامام احمد , ورجحه ابن تيميه , وابن القيم

سبحانك اللهم وبحمدك أشهد أنه لا إله إلا إنت أستغفرك وأتوب اليك

[ahmed_desoki]

سلام عليكم . اولا انا مقصدتش ان استفز حد بالموضوع او استفز اخواتى البنات بالموضوع و كمان ردودى مقصدتش استفز حدو لكن كلنا بنتناقش فى موضوع يهم كل الشباب و البنات و كمان انا هدفى من الموضوع الوصول لهدف معين فى نهاية الموضوع و خصوصا ان فى كثير من الشباب والبنات كل هدفهم فى الزواج هو الاعفاف مع ان دة غلط لان الانسان خُلق لاعمار الارض . لكن السؤال اللى بيفرض نفسة لية البنت المصرية حاسة ان دة اهانة ليها او لكرامتها او احساسها بانها بقيت درجة تانية او اهميتها بوجود زوجة ثانية و كمان دلوقتى بنشوف لو الزوج اتجوز باخرى بتروح الزوجة تخلعة فهل تهدم الست بيتها بايدها لمجرد تطبيقة لشرع الله و زواجة من اخرى بحلال الله . اعتقد التفكير لازم مراجعة من البنات

[Mohamed Fouad]

رسالة للمهندسة امانى و بلو روز
اعزائى احنا كلنا بنتفهم موقف البنات من فكرة تعدد الزوجات وعارفين انه زى الشبح
موضوع الازمة الاجتماعية دى انا معاكم فيها اكيد تعدد الزوجات مش حل انما التبسيط فى الامور ومطلبات الزواج هى اللى تكون هينه واحنا كبشر والاهالى بتصعبها انما لو سهلتها الامور هتمشى

ومعلش انا ارى ان نداء وعلى فكرة هى بنت ماشاء الله اهتمت بدراسة امور الدين و هى مشرفة على القسم الاسلامى
لما حكتلنا قصة الاجنبية انا شايف انها قصة هايلة جدا ليه؟
اولا البنت اسلمت يعنى زيها زى اى مسلمة ومدام اسلمت يبقى بيطبق عليها الشرع زى ما بيتطبق علينا
وعايز اقلك كمان حاجة احنا كعرب اضعف منهم التزاما بدينا بالرغم ان احنا اعلم منهم فى امور ديننا لكنهم لما بيسلموا سبحان الله بينزل فى قلوبهم سكينة وايمان غير عادى بيدفعهم للتعلم والتدرس فى الدين وبيوصلوا لدرجة انهم بيقرأوا القرأن افضل منا كثيراااا و بيعروفوا كيفية الصلاة الصحيحة و تخيلوا وشوفوا فى المساجد الناس قد ايه مش عارفين طريقة الصلاة بشكل صحيح وهما ما شاء الله اغلبهم عرفوا دا متأخر وبقوا احسن مننا وبيطبقوا وبيلتزموا بالاسلام بشكل كبير

ربنا سبحانه وتعالى شرع هذا التشريع لحكمة وكل شئ ربنا شرعه فى كتابة له حكمة وحتى اذا لم نعلم ما هى حكمتة فنحن ملتزمون بتأدية الشرع
ومش من المفروض اننا نقول حكمتها ايه معنى انى مسلم هو انى اسلم امرى لله سبحانة وانفذ كل اوامره بدون اى نقاش او محاولة معرفة هذة الحكمة وانما كل الشيوخ والعلماء يجتهدون فى معرفة هذة الحكم و معرفة وربط العلم بالدين والاعجاز فيه زى د زغلول النجار ما بيعمل انما دا لتثبيت ايمان المسلمين و دا بيساعد ان غير المسلمين يشوفوا معجزات الله التى ذكرت فى كتابة من مئات السنين ولم يعلم حكمتها اى بشر الا دلوقتى وعن طريق اكتشافات خلافة و هذة الاكتشافات تأتى اكثرها من غير المسلمين ولما بيلاقوها ذكرت فى كتاب الله بيبقوا على يقين ان كتاب الله من عند الله ولا تحريف فيه وان الاسلام هو دين الحق.

طيب نرجع تانى لفكرة الزواج من اكثر من زوجة
ربنا شرع دة وحط شروط لدة وهو العدل بين الزوجات والمعاملة الحسنة للاتنين او الاربعة ولا يفرق بين احداهن ولا يهملهن؟
وربنا قال انك لو خشيت انك تعدل بينهم فواحدة و انت مش هتعدل بينهم عدل تام
وربنا سبحانه وتعالى خلق الرجل والانثى كل بطباعة و عارف كويس ان الزوجة لا تشتهى الا زوجها ولا ترى اى رجل الا رجلها و الرجل يشتهى اكثر من امرأة و ربنا شرع له ان ينكح اكثر من امرأة لكن بالشروط المذكورة

يبقى انا مينفعش اتبع الهوى اللى فى قلبى او عزة نفسى ضد احكام الله وتشريع كتابه يبقى انا بغلط غلط كبير جدا وكمان مقدرش اختار الحكم او الشرع اللى يتفق معى وامشى عليه واللى مش عاجبنى اسيبة كدة انا ممكن اطلع برة المله و اعوذ بالله من هذا.

يا بنات موضوع الاجنبية دة فى بلاد زى طاجكستان وغيرها دول مسلمين و كتير منهم نراهم هنا فى مصر بجوارنا ووالله الواحد بيبقى مذهول من ايمانهم والتزامهم و على فكرة كتير جدا من الشباب بدؤا من الزواج منهم والاكتر من كدة فى دلوقتى مكاتب للزواج من النوع دة والاكتر من دة ان الرجل بيسافر للبلاد دى علشان يشوف عروستة ويتزوج منها و العروسة دى مبطلبش الا انها تتزوج ويتكفل بيها زوجها و مبتطلبش اى شئ مغالى فيه زى ما بيحصل فى بلدنا
احنا طبيعة بناتنا و امهاتنا قوية وتريد الدنيا وما فيها و لها حمية غير طبيبعية واحساس بالظلم دائم ولا تتوقع الحسن لدرجة انها ربما تتعدى على الزوج زى ما بنسمع اليومين دول من كتر ما هى توحشت.

الله سبحانه وتعالى اوصى بالنساء خيرا وقال رفقا بالقوارير
وخلينا نتكلم بعقلانية اكتر
الرجال منهم الكثير بيهين المرأة و مش بيلتزم بالشرع ولذلك البنات بيحسوا انهم متاخد حقهم
بس بردة نقول دى مشكلة عدم توعية وتعليم امور الدين بشكل صحيح وكامل و المهم اننا نتفق اننا ننفذ الشرع زى ما تقال يعنى الرجل يقدر يتزوج اكثر من زوجة
والزوجة لها كل الحق فى احترامها واعطائها حقوها النفسية و اعطائها حقها زى غيرها وانه يعدل منها
وخلينا نقول حاجة
هو مين اللى ممكن يعرف يتجوز اكتر من زوجة فى ظل هذة المعيشة الصعبة

حقيقه الموضوع محتاج كلام كتير اوى اكتر من كدة
بس اتمنى الموضوع يكون وصل ببساطة
الرجل يجب ان ينفذ الشرع والمرأة تجب ان تنفذة و هو الحكم
يجب ان نلتزم بتعاليم دينا و نحترم الاخر و لتعلموا ان الزوجة هى سكن الرجل
يعنى مهياش حرب انما بالتفاهم والحب و التزامهم بالشرع تكتمل الحياة

[questionman]

رسالة للمهندسة امانى و بلو روز
اعزائى احنا كلنا بنتفهم موقف البنات من فكرة تعدد الزوجات وعارفين انه زى الشبح
موضوع الازمة الاجتماعية دى انا معاكم فيها اكيد تعدد الزوجات مش حل انما التبسيط فى الامور ومطلبات الزواج هى اللى تكون هينه واحنا كبشر والاهالى بتصعبها انما لو سهلتها الامور هتمشى

ومعلش انا ارى ان نداء وعلى فكرة هى بنت ماشاء الله اهتمت بدراسة امور الدين و هى مشرفة على القسم الاسلامى
لما حكتلنا قصة الاجنبية انا شايف انها قصة هايلة جدا ليه؟
اولا البنت اسلمت يعنى زيها زى اى مسلمة ومدام اسلمت يبقى بيطبق عليها الشرع زى ما بيتطبق علينا
وعايز اقلك كمان حاجة احنا كعرب اضعف منهم التزاما بدينا بالرغم ان احنا اعلم منهم فى امور ديننا لكنهم لما بيسلموا سبحان الله بينزل فى قلوبهم سكينة وايمان غير عادى بيدفعهم للتعلم والتدرس فى الدين وبيوصلوا لدرجة انهم بيقرأوا القرأن افضل منا كثيراااا و بيعروفوا كيفية الصلاة الصحيحة و تخيلوا وشوفوا فى المساجد الناس قد ايه مش عارفين طريقة الصلاة بشكل صحيح وهما ما شاء الله اغلبهم عرفوا دا متأخر وبقوا احسن مننا وبيطبقوا وبيلتزموا بالاسلام بشكل كبير

ربنا سبحانه وتعالى شرع هذا التشريع لحكمة وكل شئ ربنا شرعه فى كتابة له حكمة وحتى اذا لم نعلم ما هى حكمتة فنحن ملتزمون بتأدية الشرع
ومش من المفروض اننا نقول حكمتها ايه معنى انى مسلم هو انى اسلم امرى لله سبحانة وانفذ كل اوامره بدون اى نقاش او محاولة معرفة هذة الحكمة وانما كل الشيوخ والعلماء يجتهدون فى معرفة هذة الحكم و معرفة وربط العلم بالدين والاعجاز فيه زى د زغلول النجار ما بيعمل انما دا لتثبيت ايمان المسلمين و دا بيساعد ان غير المسلمين يشوفوا معجزات الله التى ذكرت فى كتابة من مئات السنين ولم يعلم حكمتها اى بشر الا دلوقتى وعن طريق اكتشافات خلافة و هذة الاكتشافات تأتى اكثرها من غير المسلمين ولما بيلاقوها ذكرت فى كتاب الله بيبقوا على يقين ان كتاب الله من عند الله ولا تحريف فيه وان الاسلام هو دين الحق.

طيب نرجع تانى لفكرة الزواج من اكثر من زوجة
ربنا شرع دة وحط شروط لدة وهو العدل بين الزوجات والمعاملة الحسنة للاتنين او الاربعة ولا يفرق بين احداهن ولا يهملهن؟
وربنا قال انك لو خشيت انك تعدل بينهم فواحدة و انت مش هتعدل بينهم عدل تام
وربنا سبحانه وتعالى خلق الرجل والانثى كل بطباعة و عارف كويس ان الزوجة لا تشتهى الا زوجها ولا ترى اى رجل الا رجلها و الرجل يشتهى اكثر من امرأة و ربنا شرع له ان ينكح اكثر من امرأة لكن بالشروط المذكورة

يبقى انا مينفعش اتبع الهوى اللى فى قلبى او عزة نفسى ضد احكام الله وتشريع كتابه يبقى انا بغلط غلط كبير جدا وكمان مقدرش اختار الحكم او الشرع اللى يتفق معى وامشى عليه واللى مش عاجبنى اسيبة كدة انا ممكن اطلع برة المله و اعوذ بالله من هذا.

يا بنات موضوع الاجنبية دة فى بلاد زى طاجكستان وغيرها دول مسلمين و كتير منهم نراهم هنا فى مصر بجوارنا ووالله الواحد بيبقى مذهول من ايمانهم والتزامهم و على فكرة كتير جدا من الشباب بدؤا من الزواج منهم والاكتر من كدة فى دلوقتى مكاتب للزواج من النوع دة والاكتر من دة ان الرجل بيسافر للبلاد دى علشان يشوف عروستة ويتزوج منها و العروسة دى مبطلبش الا انها تتزوج ويتكفل بيها زوجها و مبتطلبش اى شئ مغالى فيه زى ما بيحصل فى بلدنا
احنا طبيعة بناتنا و امهاتنا قوية وتريد الدنيا وما فيها و لها حمية غير طبيبعية واحساس بالظلم دائم ولا تتوقع الحسن لدرجة انها ربما تتعدى على الزوج زى ما بنسمع اليومين دول من كتر ما هى توحشت.

الله سبحانه وتعالى اوصى بالنساء خيرا وقال رفقا بالقوارير
وخلينا نتكلم بعقلانية اكتر
الرجال منهم الكثير بيهين المرأة و مش بيلتزم بالشرع ولذلك البنات بيحسوا انهم متاخد حقهم
بس بردة نقول دى مشكلة عدم توعية وتعليم امور الدين بشكل صحيح وكامل و المهم اننا نتفق اننا ننفذ الشرع زى ما تقال يعنى الرجل يقدر يتزوج اكثر من زوجة
والزوجة لها كل الحق فى احترامها واعطائها حقوها النفسية و اعطائها حقها زى غيرها وانه يعدل منها
وخلينا نقول حاجة
هو مين اللى ممكن يعرف يتجوز اكتر من زوجة فى ظل هذة المعيشة الصعبة

حقيقه الموضوع محتاج كلام كتير اوى اكتر من كدة
بس اتمنى الموضوع يكون وصل ببساطة
الرجل يجب ان ينفذ الشرع والمرأة تجب ان تنفذة و هو الحكم
يجب ان نلتزم بتعاليم دينا و نحترم الاخر و لتعلموا ان الزوجة هى سكن الرجل
يعنى مهياش حرب انما بالتفاهم والحب و التزامهم بالشرع تكتمل الحياة

الصراحة الموضوع لذيذ وتقريبا البنات هيموتوا احمد الدسوقى لانة فتح الموضوع . ربنا يسترها عليك يا عم احمد هههههههههه و الله انا بهزر معاكوا يا بنات . بس انا الصراحة عاجبنى رد محمد فؤاد و هو كلامة مزبوط و انا بصراحة نفسى اتجوز اتنين ولو ربنا ادانى اموال وصحة واستقرار هتجوز ثلاثة بصراحة هيبقى احساس رائع انك ليك كذا زوجة ومسئول عنهم . بجد نفسى اتجوز اتنين . انة لاحساس رائع واعتقد يا جماعة انة ربنا يهزود حسناتى باذن الله لانى هستر اتنين من نساء المسلمين . ربنا يستر كل شبابنا وبناتنا يارب

[mohamadoz]

فى الحقيقة التعدد موضوع يطول الجدل وتتنوع الآراء فيه ما بين مؤيد ومعارض ،من الرجال والنساء على حد سواء، فالرجال يرون أنه حق مكتسب وقد شرعه الله لهم ، وأن الشرع حلل لهم أربعة - لا يا سيدى وأنا أزيد عليك وأيضا ً وما ملكت- أيمانكم - ،وحجتهم فى ذلك قوله تعالى " فى سورة النساء " فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ"

هنا الرجل الزوج لا يراعى حق زوجته التى عاشرته بالمعروف بل يريد أن يستغل رخصة رخصها له الإسلام.. ولكنه نسى أن الإسلام أعطاه هذا الحق بشروط.. ومعه وقفة أخيرة

وهنا نجد الوقفة.. المحذرة ..فَمَنْ خَافَ مِنْ ذَلِكَ فَلْيَقْتَصِرْ عَلَى وَاحِدَة خير دليل على قولى هذا ..فالشرع مع تحليله لهذه الرخصة وضع شروط لها

ولكن لو نظرنا لموضوع التعدد بعين فاحصة وبنظرة محايدة ، سنرى أن لكل منهم دوافعه وأسبابه سواء فى المعارضة أو القبول ،

عن البخارى عن مسور بن مخرمة قال: سمعت رسول الله صلى الله عليه وسلم يقول وهو على المنبر: (إن بني هشام بن المغيرة استأذنوا في أن ينكحوا ابنتهم، علي بن أبي طالب، فلا آذن، ثم لا آذن، ثم لا آذن، إلا أن يريد ابن أبي طالب أن يطلق ابنتي وينكح ابنتهم، فإنما فاطمة بضعة مني، يريبني ما أرابها ويؤذيني ما آذاها..)..

أي إن رسول الله صلى الله عليه وسلم يرى ان الزواج الثاني بدون سبب فيه أذى للزوجة الأولى

فعن النبي صلى الله عليه وسلم : (من كانت له امرأتان فمال إلى إحداهما جاء يوم القيامة وشقه مائل ) فضع ذلك أمام أعينك وأنت تتقدم نحو هذا المشروع

أيضاً .. ولا ننسى هنا شىء مهم وهو طبيعة المرأة وتقبلها لهذا الوضع فهى لا تحتمل مقاسمة الغيرلها فى زوجها . والسيدة عائشة رضى الله عنها خير دليل على ذلك وغيرتها على النبى روى عنها الكثير فى هذا الصدد.. فأين نساء اليوم من السيدة عائشة ؟؟

على العاقل أن ينظر في حال أهله ومدى استعدادهن لقبول التعدد ، وأن يوازن بين حياته المستقرة الآن ، وبين ما يمكن أن يكون عليه في المستقبل ، وأن يقدر تقديرا صحيحا - بعيدا عن العاطفة – مدى حاجته للزوجة الثانية ، ومدى قدرته على القيام بمسئولية بيتين ، وأسرتين ، وأن يستخير الله تعالى قبل الإقدام على أمر الزواج ، وأن يحسن الاختيار ، حتى لا يعود بالندم ، ويدرك بعد فوات الأوان أنه يبحث عن شيء لن يدركه ، ولو تزوج من النساء من تزوج .

ولكم تحيتى

[Only registered and activated users can see links. فقط الأعضاء المسجلين والمفعلين هم من يستطيعوا رؤية الروابط إضغط وإنضم لمهندسي مصر ]

[bondo2h]

بحيي البشمهندس
mohamadoz
على رايك بجد
وانا ارى ان استحاله رجل هايقدر يعدل بين زوجاته اذا كان بدون علم الزوجه الاولى وهايبقى بيكدب عيها وبيقصر في حقها وفي حق اولاده

[Eng.Amany]

ربنا سبحانه وتعالى شرع هذا التشريع لحكمة وكل شئ ربنا شرعه فى كتابة له حكمة وحتى اذا لم نعلم ما هى حكمتة فنحن ملتزمون بتأدية الشرع

بجد الكلمة ديه بسطتنى أوى ملتزون بتأدية الشرع

التعدد من الأمور المباحة فى الشرع فليس معناها أنكم ملتزمون فى تأديتها وإلا كان يأثم كل من تركها

مثل الصلاة فهى واجب شرعى فيجب تأديتها ويأثم من يتركها

أظن المفهوم وصل .

ومجمل كلام حضرتك فى قصة المرأة الأجنبية مش هقتنع بيها لان برده ليهم ثقافتهم حتى لو أسلمت فلها ثقافة تربت عليها

يا بنات موضوع الاجنبية دة فى بلاد زى طاجكستان وغيرها دول مسلمين و كتير منهم نراهم هنا فى مصر بجوارنا ووالله الواحد بيبقى مذهول من ايمانهم والتزامهم

مذهول برده إزاى عشان النقاب اللى بيلبسوه هو فيه فى مصر بنات مش منتقبة أو بنات مش بتدرس علوم شرعية زيهم ولا معندناش بنات

ملتزمة !!!!!!!!!!!!!!!!!!!!!!!!

جايز حضرتك بتشوف حاجات تانية إحنا مش بنشوفها.

حضرتك أنا مشيت فى جوازات كتير وزى ما اهالى العروسة بيغالوا فى طلباتهم زى ما حضراتكم بتغالوا فى شكل الفتاة المطلوبة للزواج فهى

معادلة ومحسوبة .

أخيرا

يبقى كده اتفقنا إن في سببين للزواج من أخرى إما عفة أو إعمار الأرض بالذرية

موضوع إعمار الأرض وسعة شوية إنكم بتحاولوا الوصول إليها وخصوصا مع الظروف الإقتصادية

والسبب الأخر هو العفة ويمكن يكون ده سبب الزواج من الأولى
يبقى فاضل إيه حب نفس مش أكتر أو إنك اشتريت تى شيرت لبسته شوية لحد ما قدم شوية فحبيت إنك تشترى واحد جديد برده أهو تغيير .

المشكلة الحقيقية إن حضراتكم مش بتطبقوا الشرع صح عشان أى حد يقدركوا يعنى لما حد بيفكر إنه يتزوج بأخرى هل يفكر فى أحد هؤلاء

( أمرأة أرملة - أمرأة مطلقة - أمرأة كبر سنها بدون الزواج )

وأعلم عدد كبير من الثلاثة أنواع من النساء ولا يلتفت لهن أى رجل

وعندما يفكر أحد فى خطبتهن هو من يطلب منها طلبات كثيرة فى الزواج وكأنه بيجبر بخاطرها إنه تقدم لها وهى اللى المفروض تجيب كل حاجة

الشقة تكون جاهزة كمان كفاية إن البيه هيطل عليها بطلته البهيه بصراحة فيه كملة مش عاوزة أقولها من بدرى بس خلاص لاززززززززززززم

أقولها ( مبقاش فيه نخوة ) وبعتذر لأنى أكيد لا يجب أن أجمع

أطلت الحديث لكن مش عشان أنا مش قتنعة بالزواج الثانى أو الثالث أو ............ لكن عشان فكرة الهدف من الزواج ليس إلا

لو رأيناكم تطبقون الشرع وحريصين عليه لوقفنا إلى جواركم ولكن كل شخص ينظر إلى نفسه ليس إلا ويتخذ الشرع شماعته فى الوصول إلى ما

يريد فلذلك لن نتفق على رأى واحد . وجزاك الله خيرا

[Mohamed Fouad]

شوفى يا باشمهندسة
مبدئيا واضح انك جواكى رفض غير طبيعى و اسلوبك ليس بنقاش و من صفة المرأة هدوء الطبع والحياء فى الكلام والمعاملة
ثانيا ملتزمون بالشرع اللى حضرتك علقتى عليها لا تعنى الالزام (وهناك فرق شاسع بين كلمتين "الالزام والالتزام شرعا") بالزواج التانى او بالتعددية لكل رجل انما بالشروط اللى وضحها الشرع و لا داعى لترجمة الكلمات حرفيا الرسالة واضحة فى معناها ومجمل معنى الكلام لا يخالف الشرع
ومدام هى مباحة فلما الاعتراض الصارخ!

ثالثا اذا رأيت بنفسك تجارب حقيقة فمن الخطأ الحكم على كل الناس او النوع الاخر كما هى نظرتك
لا يوجد قوانين ثابتة فكيف تسمحين باقناع نفسك بقانون ثابت خاص بكى

موضوع ان حضراتنا مش بنطبق الشرع فدة اتهام جزافى واخشى انك تندمى يوم لقاء رب كريم لانك اتهمتى اتهام لكل الرجال

اه ولازم اكون مذهول لانى فى منطقة سكنية فيها كتير جدا من الاتنين الرجال منهم والنساء من هذة الدول اللى نفتخر بهم ولا داعى للتقليل من شأنهم لانهم مسلمين والاسلام لا حدود له ولا يتطبع بطباع البلاد انما الاسلام قانون يسرى على كل البشر وهم من يتطبعوا بالإسلام وتعاليمة وقيمه وهؤلاء الرجال والنساء محترمين الى أبعد حد ولا اسمع صوت امرأة منهم فى مكان عام او فى الشارع و الحياء يملئهم تماما وهو الذى لا اراة فى كثير من البنات فى بلادنا خاصة هذة الايام والدلائل قدامنا كل يوم وفى كل وقت فى الشارع والعمل و حتى على الانترنت!


انا معرفش ايه المغالاة فى شكل الفتاة المطلوبة وبردة دة رأيك وكل واحد له ذوق ولولا اختلفت الاذواق كان زمان فى بنات كتير جدا متجوزتش

غير كدة دى نقطة جديدة وردها بسيط

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

وهذا تفسير معنى الجمال فى الحديث ,فالمراة التي ينبغي نكاحها هي التي يتحقق فيها استكمال هذين الغرضين و هي التي اتصفت بالجمال الحسي و المعنوي.
فالجمال الحسي: كمال الخلقة لان المرأة كلما كانت جميلة المنظر عذبة المنطق قرت العين بالنظر إليها و أصغت الإذن إلي منطقها فينفتح إليها القلب و ينشرح إليها الصدر و تسكن إليها النفس و يتحقق فيها قوله تعالى: (( ومن آياته أن خلق لكم من أنفسكم أزواجا لتسكنوا إليها و جعل بينكم مودة و رحمة))-( الروم-21).
الجمال المعنوي: كمال الدين و الخلق فكلما كانت المرأة أدين و أكمل خلقا كانت أحب إلي النفس و اسلم عاقبة فالمراة ذات الدين قائمة بأمر الله حافظة لحقوق زوجها و فراشه و أولاده و ماله، معينه له على طاعة الله تعالى، إن ذكرته و أن تثاقل نشطته و أن غضب أرضته و المرأة الأدبية تتودد إلي زوجها و تحترمه و لا تتأخر عن شئ يحب أن تتقدم فيه و لا تتقدم في شئ يحب أن تتأخر فيه و لقد سئل النبي صلي الله عليه وسلم أي النساء خير؟ قال: (( التي تسره إذا نظر و تطيعه إذا أمر و لا تخالفه في نفسها و لا ماله بما يكره))- رواه أحمد والنسائي .

[Eng.Amany]

أنا مكنتش ناوية أرد تانى فعلا لكن للأسف

أنا لما رديت رديت فى صلب الموضوع ومش اتهمت حد إنه مش عنده حياء .... ربنا يباركلك عالكلمة ديه فعلا

انا لم أقلل من شأن أى مسلمة على وجه الأرض كل مسلمة على راسى من فوق وزى ما حضرتك بيعجبك شكلهم أنا كمان بيعجبنى شكلهم لكن أنا قلت فيه زيهم كتير هنا للأننا بلد مسلم

أنا جوايا رفض للموضوع تمام كلام حضرتك ومش لوحدى إللى جواه الرفض ده والموضوع ده اتفتحت لمعرفة سبب رفض النساء للزوجة الثانية فده اللى حاولت أوصله لكن اتفهم على إنه قلة حياء .... جزاك الله خيرا

أنا مش هرد تانى لأن وجه نظرى أو وجه نظر كتير من البنات نقلتها لكم وكتر الحديث لا فائدة منه

سامحونى إن أساءت انتقاء الكلمات فى أى رد من ردودى وجزاكم الله خيرا على حسن الاستماع.

[ahmed_desoki]

اولا هرد بسرعة . اولا الاخت امانى بتتكلم من نظرة الحياة الدنيا بمعنى ان الراجل مش هيعدل ومش بيتجوز الا بمن صغيرة بس خلى بالك دة مش بيحصل لان حضرتك قولتى كدة انى ماقبلش ان انى اتجوز راجل متجوز ودة حال كل البنات وبالتالى يبقى الرجل بيتجوز مطلقة او ارملة ودة الحقيقى و زى ما الام مش بترضى ان ابنها يتجوز الزوجة الاولى مطلقة او ارملة برضو الام والاب مش بيرضوا يجوزوا بنتهم لرجل متزوج . اما النقاش التانى فانا رايت اشخاص تزوجوا فعلا من اجل ارضاء الله اتجوزوا نساء مطلقات و ارامل لوجة الله ليس لطمع فى شىء و لكن لكسب الثواب وللاسف زوجاتهم عارفين كدة و رغم ذلك رفضوا وحاربوا الموضوع بشدة كمان . فى حاجة كمان احب اقولهالك واحب ان الناس تفهمها ان الراجل لو بص برة البيت سواء حلال او حرام ( استغفر الله العظيم ) يبقى دى مشكلة الطرف الاخر و هى الست وكذلك لو الست بصيت برة البيت ( استغفر الله العظيم ) يبقى برضو التقصير من الراجل و احنا بشر . فربنا جعل هذة الرخصة الزواج الثانى لكى يعتصم الزوج بالاستقامة . لكن للاسف ثقافة الشعوب العربية سيئة والتفكير حدودى جدا . ولكن السؤال يطرح نفسة لو يا امانى جوزك اتجوزك عليكى هيكون رد فعلك اية او حتى جة قالك انا عاوز اتجوز تانى . السؤال لكل البنات على فكرة مش امانى بس .

[نداء الاسلام]

السلام عليكم ورحمة الله وبركاته

أحب أنى احكى لكم قصه أخرى ...ولكن هذه المره قصه أبطالها مسلمين ولدوا على الاسلام ...وكمان عرب (مش اجانب) ولكن اولا احب انى اعرف معنى الاحسان....الاحسان: هو أن تعبد الله كأنك تراه فإن لم تكن تراه فإنه يراك

كان فى رجل مسلم متزوج امره مسلمه وعنده ولد...رجل عادى جداااا معندوش اى مشاكل مع زوجته او مع ابنه ...وكان فى امرأة فقيرة تسكن بجوار السوق هذه المرأة توفى عنها زوجها وتركها وحيده ...فما كان من هذا الرجل الا ان تزوج هذه المرأة بعد انقضاء عدتها ...تزوجها سرا بدون علم الزوجه الاولى ..ومكنش بيمكث عندها فى بيتها غير ساعه واحدة فى النهار ..وحقيقة هذه المراه لم تكت تريد اكثر من ذلك ...المهم شكت الزوجه الاولى فى زوجها ...فتتبعته حتى علمت انه تزوج زوجة ثانيه على سنة الله ورسوله ..فما كان من هذه الزوجه الاولى الاانها تكتمت الموضوع تمااااااااااااااااما ولم تخبر احدا ولا حتى ابنها ولا حتى اخبرت زوجها انها عرفت بامر زواجه باخرى ...المهم بعد فترة من الزمن مات هذا الرجل ...وبعد تقسيم الميراث اخدت الزوجه الاولى نصيبها من الورث وقسمته نصفين متساويين ونادت على ابنها واخبرته ان والده قد تزوج امراه اخرى وطلبت من ابنها ان يذهب الى هذه المرأة ويعطيها حقها فى الميراث بما يرضى الله ...ولما ذهب الولد الى زوجة ابيه (الزوجه الثانيه) واخبرها بوفاة زوجها واعطاها نصيبها من الميراث ...كانت المفاجاة ...قالت هذه المراة للولد ..اذهب واخبر امك ان زوجها قد طلقنى قبل وفاته بعدة ايام وعليه فانا لا يحق لى ان اخذ شيء من الميراث

دى قصة حقيقية حكاها لنا الشيخ محمد عبد الباقى مدرس مادة العقيدة الاسلاميه ...لما كان بيشرح لنا معنى الاحسان

اعتذر عن الاطاله ولكن للامانه العلميه احب ان اوضح امر مهم اعلم انه يجهله كثير من الناس

يوجد فى عقد الزواج شروط...هذه الشروط تنقسم الى شروط محققه يجب الوفاء بها وشروط غير محققه لا يجب الوفاء بها

يعنى مثلا : اذا اشترطت الزوجه فى عقد الزواج على زوجها حسن المعاشرة والانفاق عليها بالمعروف ...فهذه شروط محققه ويجب الوفاء بها

ولكن اذا اشترطت الزوجه فى عقد الزواج ان يعلمها الزوج بانه سيتزوج زوجه اخرى فهذا الشرط يعتبر من الشروط الغير محققه والتى لا يجب الوفاء بها ولا يصبح عقد الزواج باطل ...وعلى فكرة لما درسنا فقه الاسرة كانت المفاجاه بالنسبه لنا كلنا اننا وجدنا اختلافا فى اقوال الامة الاربعه فى بعض الاحكام..ودة امر وارد لذلك بنأخذ برأى جمهووووووووووور العلماء..و يمكنكم الرجوع الى كتاب فقة السنه لسيد سابق , وهو كتاب يسير ومتوفر فى جميع المكتبات واعتذر عن الاطاله ولا اقصد بذلك اى شيء غير انى اخشى ان يحاسبنى الله على العلم الذى وفقنى لتعلمه

وعلى فكرة يابنات علشان محدش يكرهنى ههههههههههه قبل لما ربنا يوفقنى للإلتحاق بدورة الثقافه الاسلاميه كنت اجهل كثيييييييييييييييييييييير من الامووووووووووووووور وعلى فكرة انا سعيدة بالمناقشه دى جداااااااااااا لانى انا شخصيا على فكرة ناقشت الشيخ محمد شحاته (مدرس مادة فقه الاسرة )ناقشته فى هذا الموضوع وعلى فكرة لما حكى لنا قصة المراه الاجنبيه كان تعليقى انى انا اللى قلت له ياشيخ محمد هى كدة كبستهم...عارفين رد على قالى ايه؟؟قال لى انا عايزك انتى اللى تكبسي ...وقالى تخيلى دى امرأة لم تولد على الاسلام وانتى ربنا رزقك الاسلام منذ ولدتى وقال كمان الكلمه اللى انا نقلتها لكم ..ان المراة المسلمه لا يضرها ان زوجها يعمل حاجة حلال على سنة الله ورسوله ..ولكن يضرها ويجننها ان زوجها يأتى الحرام

وعلى فكرة انا مش بقول خالص ان المراة المسلمه من غير مشاعر وانها مش هتغير على زوجها ولا هتضايق ؟؟مين قال كدة والديل على ذلك السيدة عائشه رضىة الله عنها كانت بتغير على سيدنا وحبيبنا محمد صلى الله عليه وسلم ..والدليل على كدة القصه المشهورة لما دخل الرسول صلى الله عليه وسلم على امنا عائشه وكان صلى الله عليه وسلم معه اناء من بيت زوجه من زوجاته الاخرى ...اخذت امنا عائشه الاناء وكسرته...فضحك رسول الله صلى الله عليه وسلم وقال غارت عائشه ..واخذ رضوان الله عليه اناء من عند امنا عائشه وقال عليه الصلاة والسلام إناء بإناء

ولكن يا أخوتى ويا أحبتى فى الله ...هناك فرق بين الزعل والغيره وبين الرضاء بقضاء الله والإمتثال لحكمه ولأوامره

وأحب أقول كمان ان الرجل الذى له أكثر من زوجه فى الجنه ان شاء الله ربنا يرزقنى واياكم وكل المسلمين الفردوس الاعلى

من كانت أكثر تقوى لربها وامتثالا لأوامر ربها فى الدنيا بتكون سيدتهم فى الجنه

وانا اتمنى بجد بجد ان كللللللل بنات وشباب المسلمين ربنا يسعدهم ويرزقهم الازواج والذريات الصالحه واتمنى ان ربنا يصلح حال المجتمع الاسلامى

[ahmed_desoki]

جزاكم الله خيرا يا نداء . بس احنا عاوزين نوصل من الموضوع للصحيح . يعنى زى ما فية ستات بتعدى الموضوع عادى برضو فية ستات مش بتعدية فعاوزين نعرف فين الصح و ازاى نتبعة لو حد حصلة كدة و ازاى يتصرف صح حسب الشرع و الدين والعقل والحكمة . بس كلامك دة يا نداء محسسنى انك هتروحى تخطبى لجوزك وتجوزية بنفسك وقدام عينك هههههههههههههههههه .

[hopy_braya]

والله انا أشك إن أى بنت مسلمة مؤمنة

هتوافق بكل رضا إن زوجها يتزوج عليها

يعنى حتى لو وافقت عشان تنفيذا للشرع و إرضاءا لله

هتبقى أكيد حزينة وهتعيش ايامها القادمة فى حزن وبؤس

وأكيد هتموت من الغيرة كل ما تفتكر ان زوجها بيقضى بعض الوقت مع إمرأة أخرى غيرها هى

وانها أحق بهذا الوقت هى واولاده

وهتفضل تفكر ليه هو عمل كدة وهتحاسب نفسها مليون مرة عن التقصير اللى ممكن ما يكونشى هى السبب فيه

ياجماعة العادل الوحيد هو الله سبحانه وتعالى

هل ممكن تتحقق صفة العادل فى البشر وهى صفة الله عز وجل فقط

والله انا أشك إن ممكن راجل فى الدنيا يتزوج اكثر من زوجة ويعدل بينهم

لازم قلبه هيميل لواحدة منهم وغصب عنه ودى طبيعة النفس البشرية هيفرق فى المعاملة بينهم

يبقى مش حرام فعلا ان زوجة تكون عايشة مبسوطة وسعيدة ومع زوجها اللى بتعشقه

يجى هو بكل سهولة يهد السعادة دى ويروح يتجوز عليها

ولا يمكن والله واحدة تكون بتحب جوزها وبتعشقه

هتوافق يتجوز عليها فى أيامانا دى

ولو وافقت يبقى مش بتحبه أكيد ومش بتغير عليه ويبقى كدة كان عنده حق

إنه يتجوز غيرها

ولو كان رجال اليوم من نفس نوعية الرجال اللى عاشوا

زمن الرسول صلى الله عليه وسلم أو زمن الصحابة

يبقى كان لازم نساء اليوم تكون من نفس نوعية نساء هذا الزمن

عشان ترضى بالتعدد بنفس راضيه

وبكل سعادة وترحيب

وسؤال أخير للرجال
طالما الرجل يريد تنفيذ الشرع
ليه ينفذه بعد زواجه الاول بفترة ويدخل فى حوارات اذا كان يقول ولا ما يقولشى
لمراته الاولانية
طب ما ينفذ الشرع يوم ما ينوى الزواج من البداية
يعنى يتجوز اتنين مع بعض وفى نفس اليوم ويريح دماغه من الاول
لان بكدة هيكون الزوجتين عارفين فى نفس الوقت وأكيد هيكونوا موافقين
على هذا الوضع من البداية
ياريت حد يجاوبنى ايه الفرق اذا تم الزواج الثانى من البداية او بعد فترة؟؟
وهل هذا يصح او حد يتقبله فى زماننا هذا مع انه مازال تنفيذا للشرع بردة؟؟؟

[Mohamed Sabir]

صعب جداً موضوع الزواج من 2
اولاً فى المصاريف نفس المصاريف
ثانياً فى الخلفة لازم يكون نفس العدد
ثالثاً فى المعاملة لازم تكون ثابتة مع الاتنين

انا شايف ان الموضوع صعب جداً تحقيقة فى الوقت الحالى
لأن محدش معاه فلوس يصرف على بيتين اياً كان غنى او مرتبة كبير

لأنك لو بتقبض 8,000 حنية
هتصرف 4 فى بيت و4 فى بيت تانى

وبكده انت مستواك المعيشى هينخفض
يعنى لو انت متعود انك بتاكل اكل معين او بتخرج مع مراتك فى اماكن معينه هتلاقى حياتك اتغيرت

طيب لية كل المواويل دية
انت من الاول تتجوز واحدة كويسة وطيبة وتعيش معاها وتتمتع بفلوسك انت وولادك

الرسول علية الصلاه والسلام لما حلل تعدد الزوجات كان فية ظروف مختلفة عن دلوقتى

كان فية حروب وناس بتبقى ارامل ومحتاجين مأوى
كانت فية شهوة جنسية عند العرب ولا زالت حتى الان لأن الحياة كانت لا تحتوى على وسائل الترفية الموجودة حالياً
ثالثاً كان فية جوارى والموضوع كان سايح على بعضة
لكن دلوقتى فية شروط لعملية التعدد

وعلى فكرة هى مش حل لمشكلة العنوسة
لأنك عاجلاً ام اجلاً لازم تطلق واحدة

وبكده بدل مابقت بنت عانس بس
بقت مطلقة كمان
ومش بعيد تنحرف بعد الطلاق

انت عارف اننا بنستخدم الحاجة المحللة لينا بطريقة نهمة ومستفزة
وانا بعترف انها مستفزة للبنات
لأنها لو اتكلمت معاك هتقولها ان الشرع بيسمح
ومثنى وثلاث ورباع

راعى برضة ان الست بتبقى محتاجة للراجل على طول يفضل جنبها
وبتبقى قلقانه علية وغيورة جداً

وبعدين انت مش عايش فى بيئة تسمح للتعدد
لأنك لو عايش فى قرية او ارض هتبقى عندك مهنة ثابتة جنب البيت
وهتبقى عايش مع زوجاتك فى بيت واحد
لكن انت راجل مهندس يعنى كثير الحركة والتنقل
هتتنقل بمين ولا مين

وانا متفق معاك كلياً ان الموضوع لذيذ للرجال بس مش لذيذ بالمرة للمرآه

كان فية مثل بيقول
المرأة المثالية هى التى تحتوى على
عقل رجل
جمال وانوثة امرآه

حاول تدور على واحدة بالمواصفات دية وفكر كويس جداً قبل ما تاخد خطوة زى دية

[نداء الاسلام]

السلام عليكم ورحمة الله وبركاته

انا وضحت وعرضت كل ما درسته اثناء دراستى فى دورة الثقافه الاسلاميه , لان دة يعتبر علم وانا خشيت ان يحاسبنى الله عليه

وعلى فكرة اناسألت سؤال مهم جدااااا للشيخ محمد شحاته وقلت له : انا عرفت خلاص حكم الشرع ودلوقتى اذا تقدم لخطبتى رجل متزوج وانا هكون الزوجه الثانيه ورفضته هل بذلك أكون آثمه وربنا يحاسبنى؟؟قال لى لا طبعا

وانا حبيت فعلا اعرض كل مادرسته وعرفته من ناحية الشرع (وانااعلم جيدا ان ما درسته قليل) ولكن دة حتى اوضح ازاى يكون التصرف السليم من ناحية الشرع وان التصرف الصحيح لاى واحدة تتحط فى الموقف دة هو

الرضا التام وعن اقتناع بان هذا شرع الله وتتأكد تماما ان الله لن يضيع لها حقها ؟؟هل ممكن ان من يرضى بقضاء الله وشرعه يعتقد ان ربنا هيضيع حقه؟؟بالعكس اسمحوا لى اقول لكم ان من يرضى فعلا ربنا بيرضيه وبيرزقه

سعادة فى قلبه لا يعلمها ولا يشعر بيها احد غيره ...وهو دة كان قصدى لما رديت وعرضت كل اللى عرفته من خلال دراستى ...وعلى فكرة يابشمهندسين ان بتكلم بلسان الشرع (لانى درست هذا الامر وليس لانى فقيهه) وليس بلسان نداء البنت المصريه

واحب اذكر نفسي واذكركم جميعا بقول رسول الله صلى الله عليه وسلم عندما قال هذا الحديث حديث مشهور؛ وذلك لكونه في كتاب التوحيد، قال -عليه الصلاة والسلام-: لا يؤمن أحدكم، حتى يكون هواه تبعا لما جئت به وهذا حديث حسن، كما حسنه هنا النووي، بل قال: حديث حسن صحيح، وسبب تحسينه أنه في معنى الآية، وهي قوله -جل وعلا -: فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا وتحسين الحديث، بمجيء آية فيها معناه.

وان اللبيب بالاشارة يفهم

وعلى فكرة فى رجال ميسورين الحال ومتزوجين زوجتان وعادى جداااااا عايشين فى سعادة بس لازم طبعا نقول ان لكل قاعدة شواذ ...وزى مافى رجال مش بتتقى الله فى زوجاتهم فى ايضا نساء مش بيتقوا الله فى ازواجهم الرجال ولكل قاعدة شواذ ...وايضا فى رجال بيعددوا ومش بيعدلوا ودة عادى جدااا على مر العصور والزمان دايما زى مافى الشر والوحش فى الكويس والخير والا ازاى يبقى فى جنه ونار وتبقى الجنه كمان منازل

وأنا كدة من خلال ما تعلمته وعرفته عرضت الرأى الشرعى وحكم الشرع فى مسألة التعدد
وحاولت قدر المستطاع تجنيب هوى نفسي
فإن أحسنت فمن عند الله وإن أسأت فمن نفسي
اعذرونى على التقصير والاطاله

[Mohamed Fouad]

أنا مكنتش ناوية أرد تانى فعلا لكن للأسف

أنا لما رديت رديت فى صلب الموضوع ومش اتهمت حد إنه مش عنده حياء .... ربنا يباركلك عالكلمة ديه فعلا

انا لم أقلل من شأن أى مسلمة على وجه الأرض كل مسلمة على راسى من فوق وزى ما حضرتك بيعجبك شكلهم أنا كمان بيعجبنى شكلهم لكن أنا قلت فيه زيهم كتير هنا للأننا بلد مسلم

أنا جوايا رفض للموضوع تمام كلام حضرتك ومش لوحدى إللى جواه الرفض ده والموضوع ده اتفتحت لمعرفة سبب رفض النساء للزوجة الثانية فده اللى حاولت أوصله لكن اتفهم على إنه قلة حياء .... جزاك الله خيرا

أنا مش هرد تانى لأن وجه نظرى أو وجه نظر كتير من البنات نقلتها لكم وكتر الحديث لا فائدة منه

سامحونى إن أساءت انتقاء الكلمات فى أى رد من ردودى وجزاكم الله خيرا على حسن الاستماع.

انا على علم ان فى بنات كتير زيهم زى البنات الاجانب المسلمات اللى بنتكلم عليهم و لا تفهمى كلامى بشكل غير صحيح عزيزتى انا اوضح ليكى اننا فى صدد نقاش وليس حرب اراء فانا احترم واناقش الاراء كلها ولكن بهدوء واعرض رأيى بصوت منخفض
وعفوا اذا فهمتى خطأ فانا لا اتهمك ابدا لكنى حاولت لفت نظرك للاسلوب فى الحوار لا اكثر والحياء مطلوب للرجل كما المرأة و تختص بها المرأة اكثر من الرجل
كلنا اخوة ونقاشنا مهم و لازم هتردى لاننا يهمنا رأيك والنقاش لا يفسد ابدا الود بين الاخوة
وعفوا اذا فهمتى قصدى بشكل خاطئ فلا اعطى صفة لمن لا اعلم لكن صياغه الكلام نفسها يجب ان تغلب عليها الفكرة والنقاش وهل تعلمى ان الامور تحل دائما بالصوت الهادئ

شوفى يا باشمهندسة انا ادافع عن فكرة شرعية وحقيقى كتير من البنات بيتبعوا اهوائهم و بيتناسوا احكام الشرع فانا ادافع عن هذة الفكرة اننا لازم نتفق ان هذا شرع ولا جدال فيه
انما احاسيس المرأة تجاه فكرة الزوجة التانية اعلمها تماما واقدر هذه المشاعر والله بس ليه انا بدافع عن ان تعدد الازواج اختيار مباح لكل رجل لان الشرع يقدم دة ولكن بالشروط وباحترامها
هلحدل كل الرجال يحترموا هذة الشروط ذكرت فى كلامى انه لا لان منهم بيتعدوا وبيستغل هذا التعدد فى انه يتجوز كذا مرة ويطلق ويتزوج وهكذا وهذا تحايل بديل عن الزنا فهذا مرفوض تماما و لما الشرع اباح تعدد الزوجات لان طبيعة الرجل تؤهلة انه يتجوز اكثر من مرة والله سبحانه وتعالى اتاح ذلك لانه سبحانه خلق الرجل على هذا النحو

يا عزيزتى انا بدافع عن شرع والله ولا يعنى ذلك انى هستغل هذة الرخصة بشكل شخصى فاكثر الرجال لن يستخدموها ابدا فى هذا الزمن لكن لا يجب ابدا ان ننهرهم على فعل ذلك وان اراده فلهم لأنه حلال واذكر بشروط محاولة العدل بينهم واعطاء كل منهم حقه ولا يميل لواحدة على اخرى.

عارفة اغلب الرجال العقلاء لايطلبوا اكثر من زوجة صالحة عاقلة تسكن فى الرجل والرجل يسكنها ولن يطلب الرجل شئ بعد ذلك لانه سيشعر انه تملك الدنيا وما فيها اذا المرأة التزمت بالشرع وارضته و اطاعته كما امرها الله سبحانه
اذا المرأة اعطت وهى مميزة بالعطاء وكان الرجل صالحا فسيعطى اكثر مما تتوقع و بدون اى تفكير لان الرجل اذا ارتاحج فى بيته فعلا يشعر بتملك الدنيا كلها ولا يطلب المزيد سواء زوجة ثانية او مال او غيرة

والله انا أشك إن أى بنت مسلمة مؤمنة

هتوافق بكل رضا إن زوجها يتزوج عليها

يعنى حتى لو وافقت عشان تنفيذا للشرع و إرضاءا لله

هتبقى أكيد حزينة وهتعيش ايامها القادمة فى حزن وبؤس

وأكيد هتموت من الغيرة كل ما تفتكر ان زوجها بيقضى بعض الوقت مع إمرأة أخرى غيرها هى

وانها أحق بهذا الوقت هى واولاده

وهتفضل تفكر ليه هو عمل كدة وهتحاسب نفسها مليون مرة عن التقصير اللى ممكن ما يكونشى هى السبب فيه

ياجماعة العادل الوحيد هو الله سبحانه وتعالى

هل ممكن تتحقق صفة العادل فى البشر وهى صفة الله عز وجل فقط

والله انا أشك إن ممكن راجل فى الدنيا يتزوج اكثر من زوجة ويعدل بينهم

لازم قلبه هيميل لواحدة منهم وغصب عنه ودى طبيعة النفس البشرية هيفرق فى المعاملة بينهم

يبقى مش حرام فعلا ان زوجة تكون عايشة مبسوطة وسعيدة ومع زوجها اللى بتعشقه

يجى هو بكل سهولة يهد السعادة دى ويروح يتجوز عليها

ولا يمكن والله واحدة تكون بتحب جوزها وبتعشقه

هتوافق يتجوز عليها فى أيامانا دى

ولو وافقت يبقى مش بتحبه أكيد ومش بتغير عليه ويبقى كدة كان عنده حق

إنه يتجوز غيرها

ولو كان رجال اليوم من نفس نوعية الرجال اللى عاشوا

زمن الرسول صلى الله عليه وسلم أو زمن الصحابة

يبقى كان لازم نساء اليوم تكون من نفس نوعية نساء هذا الزمن

عشان ترضى بالتعدد بنفس راضيه

وبكل سعادة وترحيب

وسؤال أخير للرجال
طالما الرجل يريد تنفيذ الشرع
ليه ينفذه بعد زواجه الاول بفترة ويدخل فى حوارات اذا كان يقول ولا ما يقولشى
لمراته الاولانية
طب ما ينفذ الشرع يوم ما ينوى الزواج من البداية
يعنى يتجوز اتنين مع بعض وفى نفس اليوم ويريح دماغه من الاول
لان بكدة هيكون الزوجتين عارفين فى نفس الوقت وأكيد هيكونوا موافقين
على هذا الوضع من البداية
ياريت حد يجاوبنى ايه الفرق اذا تم الزواج الثانى من البداية او بعد فترة؟؟
وهل هذا يصح او حد يتقبله فى زماننا هذا مع انه مازال تنفيذا للشرع بردة؟؟؟

عندك حق فى كلامك هذا احساس المرأة سواء شرقية او غربية
ربنا خلق المرأة بهذة الصفة ونحترمها ونقدرها لكن تقبلها للموضوع يجب ان ينبع من شكل شرعى فيجب تقبلها ذلك اذا ما كان حلال

موضوع انه الرجل يتجوز 2 فى نفس الوقت دا كلام مش معقول ابدا
لان الرجل لا يعدد زواجته الا باسباب ولا سبب انه يتجوز 2 فى نفس الوقت بدون اى داعى هذة اهانه للمرأة ولا نقبلها لان المرأة يجب ان تصان وتحترم لان الاسلام وصى واحترم المرأة

وربنما هناك حالات مستسناه اذا ما كان الرجل سيتزوج 2 فى نفس الوقت لغرض نبيل وليكن ليحميهم من ظلم ما او بطش ما كما يحدث فى الحروب او فى بعض ظلم البشر للبشر!

[hopy_braya]

ياسبحان الله
يعنى تبقى إهانة للمرأة لو اتجوز اتنين فى نفس الوقت
وتبقى تطبيق للشرع لو اتجوز زواج ثانى بعد فترة من الزواج الاول
مش فاهمة ازاى ده؟؟؟

[Mohamed Fouad]

ايه يا هوبى انتوا مش عاجبكم حاجة خالص ولا ايه
لا كدة ولا كدة

لان هو ايه السبب اللى هيخلية يتجوز 2 فى نفس الوقت؟ كدة معناه انه بيتجوز بط مش بنات

كلامنا كله بنقول فيه ان لما حد بيتجوز وجة تانية بيبقى لسبب ما
لكن ايه السبب انه يتجوز 2 فى نفس الوقت وهل شفتى حاجة زى كدة حصلت قبل كدة؟؟؟ طيب وليه؟

[ahmed_desoki]

يعنى يا هوبى انتى هترضى لو رجل جة يخطبك و يقولك هخطب واحدة تانية وهنتجوز فى ليلة واحدة هتوافقى ؟؟؟؟

[nesma saad]

انا اول مره اشوف الموضوع ده ياشباب
وبشكر الباشمهندس احمد الى فتح النقاش
والله ان شايفه ان الموضوع ده فيه تفاوت
هو طبعا شرعا ان الراجل يتجوز 4
بس فعلا لو جينا نبص زمان ايام الرسول عليه الصلاه والسلام والصحابه جميعا عليهم رضون الله
كان سبب تعدد الزوجات ان هى ارمله او عجوزه او غيره
بس الى انا شيفاه فى مجتماعنا الوقتى وكلنا اكيد حسين بيه لان الموضوع فعلا انتشر حولينا جدا
ان الرجاله معلش بتتجوز نوع من التغيير تلاقى الراجل عنده 60 سنه ورايح يتجوز واحده عندها 25 سنه
واساسا عنده عيال اكبر من عروسته الجديده وفى معظم الاحوال الزوجه الاولى مش بتوافق وبتتطلق وتكون ياعينى عليها خسرت عمرها كله
انما انا راضيه ضمير كل واحد فيكم حد يقلى مثل من واقعنا الحالى ده واحد اتجوز على مراته واحده تانيه علشان مثلا هى ارمله او مطلقه
واما هو شهم قوى كده ممكن من الاول كان اتجوز وهو لسه شاب واحد مطلقه او ارمله او عجوزه
الرسول عليه افضل الصلاه وسلام مع تعدد زوجاته زى ما كلنا عارفين زوجه واحده فقط هى الذى تزوجها وهى بنت
اما باقى ازواجه جميعا عليهم رضوان الله كانوا اما اكبر منه او ارامل او غيره


فا انت ما تجيش تطلب منى كازوجه والله انى انا اتجوز واحد واعيش معاه متعاب الحياه على حلوها ومرها وفجأه كده يجيبلى بنت قد عيالى ويقولى انا هاتجوز دى قال ايه علشان العنوسه
وانا زنبى ايه
وانا كمان ليا الحق وقتها انى اطلب الطلاق لان ربنا حلل الطلاق بالظبط زى ما أحل تعدد الزوجات للرجال
وبكده اكون هديت بيتى ما هو برده الطلاق حلال
ولا اييييييييييييييييييييييييييييييييييييييييييييه؟؟؟؟ ؟؟؟؟؟؟؟؟؟؟؟
فياريت الرجال تفكر الف مره قبل القبول على الزواج التانى ده
لان فيه زوجه غلبانه هاتضيع فى الموضوع ده وكمان عيالها وبيتها الى هى تعبت فى تكوينه

[Mohamed Fouad]

شكرا يا نسمة على رأيكم الطيب
بصراحة انا مشوفتش اى حد اعرفة اتجوز اتنين لغاية دلوقتى وموضوع ان رجل عندة 60 سنة اتجوز واحدة عندها 25 وهو متجوز مشفتهاش الا فى افلام

بس اكيد فى امثلة زى كدة بس اعتقد انها مش كتير
وفعلا صعب اى واحد يفكر يتجوز مرة تانية اصلا خاصة فى ظل الظروف المعيشية دى هو فى حد عارف يتجوز مرة علشان يعملها تانى مرة

بس احنا بنتكلم على حاجة شرعية وبنؤكد انها حلال ومن حق الرجل يتجوز مرة تانية مدام هيراعى الزوجة الاولى زى التانية

[ahmed_desoki]

[COLOR="rgb(255, 140, 0)"]يا جماعة انا فتحت الموضوع دة مش عشان نتكلم من حيث الشرع والدين لان كلنا عارفين الشرع و الدين لكن انا فتحت الموضوع عشان نعرف اسبابة اية و مميزاتة و عيوبة وهل مميزاتة اكتر ولا عيوبة اكتر و كمان فى حاجة اهم لو جة الزوج و قال للزوجة انا عاوز اتجوز فالوقت دة الزوجة هتتصرف ازاى و و كمان انا هفتح موضوع قادم عن مشاكل الراجل ( الزوج ) . احنا عاوزين راى اخواتنا البنات لازم يجاوبوا على الاسئلة دى لان شىء مهم جدا [/COLOR]

عاوزين نجاوب على الاسئلة دى

اسباب الزواج الثانى
عيوب الزواج الثانى
مميزات الزواج الثانى
ايهم اكثر المميزات ام العيوب
ازاى تتصرف البنت لما زوجها يقولها انا عاوز اتجوز او هى تحس ان جوزها بعد عنها وعن الاسرة وحاسة انة مش مرتاح او عاوز يتجوز

دى اسئلة غاية فى الاهمية نرجو الاجابة

[hopy_braya]

ايه يا هوبى انتوا مش عاجبكم حاجة خالص ولا ايه
لا كدة ولا كدة

لان هو ايه السبب اللى هيخلية يتجوز 2 فى نفس الوقت؟ كدة معناه انه بيتجوز بط مش بنات

كلامنا كله بنقول فيه ان لما حد بيتجوز وجة تانية بيبقى لسبب ما
لكن ايه السبب انه يتجوز 2 فى نفس الوقت وهل شفتى حاجة زى كدة حصلت قبل كدة؟؟؟ طيب وليه؟

انا مايعجبنيش الحالتين
انا عشان كدة سألت سؤالى
وحطيتكم امام انفسكم كرجال
عشان تعرفوا ان الحالتين متساويين بالنسبة لكم
وسواء اتجوز اتنين فى الاول او بعد فترة من زواجه الاول
هيبقى فعلا بيتجوز بط مش بنات
مش هو ده التعدد اللى عايزينا احنا البنات نقبل بيه ونتقبله
مش الراجل يحل له الزواج باربعة
اخدهم بقة كلهم فى الاول اخدهم واحدة واحدة وعلى فترات
جميع الحالات متساوية فى رايى
لانه بيتجوز عشان نفسه ومزاجه فقط
مش عشان تطبيق الشرع ولا حاجة

[hopy_braya]

يعنى يا هوبى انتى هترضى لو رجل جة يخطبك و يقولك هخطب واحدة تانية وهنتجوز فى ليلة واحدة هتوافقى ؟؟؟؟

انا بكرر كلامى مرة اخرى
انا لا اقبل هذه المهزلة اصلا تحصل لا يوم الجواز ولا بعد الجواز
انا كنت بسألكم كرجال عشان تشوفوا الموقف بصورة تانية وبنفس المنطق والحجة وهى تطبيق الشرع
وانا موافقة جدا على رايى نسمة فى طلب الطلاق يوم ما زوجى يفكر بس انه يعمل كدة
لان فعلا زى ما ربنا حلل تعدد الزوجات للرجال
ايضا الطلاق أبغض الحلال عند الله
وشكراااااااا

[ahmed_desoki]

البناات شكلها متشدد جدا او واخدة الموضوع على انة مزاج . طيب انتى مش جاوبتى على اسئلتى اسباب الزواج الثانى و اضرارة و مميزاتة و ازاى هتتصرفى لو جوزك قالك عاوز اتجوز تانى . لازم توضحى اسباب القبول او الرفض لاننا عاوزين نوصل للهدف و كمان كل البنات لازم تجاوب

[نداء الاسلام]

السلام عليكم ورحمة الله وبركاته

ان شاء الله هجاوب على الأسئلة

اسباب الزواج الثانى
يوجد أسباب متعدده فى المجتمع للزواج الثانى ولكن شرعا يجوز للرجل التعدد بدووووووووووووون أى أسباب طالما يملك الاستطاعه وهذا شرع الله وفطرته عزوجل فى خلق الرجال وقدراتهم

عيوب الزواج الثانى

تظهر عيوب للزواج الثانى طالما أن الرجل مش بيتقى الله والدليل قوله تعالى "فلا تميلوا كل الميل فتذروها كالمعلقه" وعلى فكرة مش الراجل بس لا المشكله الحقيقيه فى رأى هى قلة الوعظ الدينى فى مجتمعنا

مميزات الزواج الثانى

لم يشرع الله سبحانه وتعالى امرا إلا وفيه صلااااااااااااااااح للمجتمع الاسلامى اذا طبق بما يرضى الله ,والزواج الثانى اولا صيانه للرجل من الوقوع فى الزنا وده لان فطرة الرجل تختلف عن المراة وهذا شرع الله وايضا الزواج الثانى صيانه للمراة المسلمه المطلقه أو الارمله أو حتى البكر
ايهم اكثر المميزات ام العيوب

فى راى الشخصى أن العيوب أكثر خاصة وأن المجتمع والناس مش فاهمين دينهم بشكل صحيح ودى المشكله الكبيرة يامهندسين ...انا طبعا بشكر المهندس اللى فتح الموضوع دة وفرحت جداااااااا لان اخيرا أوتيحت لى الفرصه انى أنقل ما تعلمته للناس, ولكن أنا قبل ما ربنا يرزقنى العلم دة مكنتش أقدر أتكلم فى الامور اللى زى دى ومحدش يفهمنى غلط ياجماعه انا مش أحسن من حد ولكن مش من الافضل اننا نتعلم الامور التى نجهلها فى ديننا أولا ثم نفتح مواضيع ونرد عليها ثانيا؟؟؟على فكرة انا سبق وعلقت على ردى وقلت انى بتكلم بلسان الشرع لانى خشيت ان ربنا يحاسبنى , ولكن بجد أنا اتمنى ان ربنا يفقهنا ويعلمنا فى ديننا ...اذا مكناش احنا المهندسين والمهندسات الشباب والبنات نتعلم ديننا بشكل سليم ونرد ونحاور الناس بهدوء وعلى أساس علمى سليم ننتظر دة بقى من مين؟؟؟
يعنى يابشمهندسين ينفع نقول هنبنى العمارة ويلا بقى نتناقش فى عدد ادوارها ووووو وكللللللل تفاصلها واحنا معندناش أساس ليها اصلا؟؟؟
مع أحترامى للجمييييييييييييييييييييييييع ينفع نتكلم ونتعصب ونقول بيحصل كذاوكذا وكذا واحنا مش فاهمين أصول فقه الأسرة ؟؟
الكلام موجه للرجال والنساء والشباب والبنات
يعنى زى ماهو مينفعش يجى راجل مش فاهم الأصول والحقيقه وراء التعدد ويجى يقول دة حلااااااااااااال انا هتجوز مثنى وثلاث ورباع
وبرضه مينفعش تيجى بنت تقول لااااااااااااااااا مش ممكن نقبل بحاجه زى دى ومينفعش والرجاله مش بيعدولوا ووووو
الحوار له أساس يبنى عليه وأساس الحوار فى الامور الفقهيه هو الدرااااااااااااااااااااااااسه
وأنا الحمد لله رب العالمين مش بقول كدة من فراغ ودة لانى انا كنت كدة قبل ما ربنا يرزقنى الالتحاق بدورة الثقافه الاسلاميه ومش بقول كدة من كبر او غرور والله ابدا ربنا يعلم انا بقول كدة لان ربنا رزقنى الفهم اللى بعتبره قليييييييييييييييل لاننا طول ماحنا عايشين طول ماحنا بنتعلم وانا بتمنى بجد من كل مهندس ومهندسه انه يروح ويدور على دورة ثقافه اسلاميه زى دى ويلتحق بيها ويتعلم الاصول قبل ما نتكلم ونتناقش فى الفروع
وعلى فكرة دورة الثقافه الاسلاميه دة مختلفه تماما عن معهد اعداد الدعاة ..انا مش داعيه أنا واحده بنت عاديه جداااااااااااااا بس محتاجه انى افهم اصول دينى جيداااا علشان اعبد الله حق عبادته

ازاى تتصرف البنت لما زوجها يقولها انا عاوز اتجوز او هى تحس ان جوزها بعد عنها وعن الاسرة وحاسة انة مش مرتاح او عاوز يتجوز

البنت المسلمه اللى فاهمه أمور دينها ودنيتها صح ومقضيه حقوق زوجها على أكمل وجه وبتتقى الله فى تربيه اولادها لا يقلقها أبدا هذا السؤال
وان اللبيب بالاشارة يفهم

اسمحوا لى أختم خاتمه بسيطه
عن جابر رضي الله عنه أن رسول الله صلى الله عليه وسلم قال
«إن المرأة تقبل في صورة شيطان، وتدبر في صورة شيطان، فإذا رأى أحدكم امرأة فأعجبته فليأت أهله، فإن ذلك يرد ما في نفسه » رواه مسلم.
قال النووي: معنى الحديث أن المرأة تذكر بالهوى والفتنة والشهوةلما جعل الله تعالى في نفوس الرجال من الميل إليهن والالتذاذ بالنظرإليهن، ولذا فإنه ينبغي لها ألا تخرج بين الرجال إلا لضرورة، وكذا فإنه ينبغي للرجل الغض عنها وعن ثيابها، والإعراض عنها مطلقا" شرح صحيح مسلم للنووي
طبعا الكلام مش محتاج شرح ربنا يهدى بنات المسلمات اللى بتخرج متبرجه وسط الرجال ويصلح حال الشباب والرجال وحالنا وحال جميع المسلمين ...اعتذر عن الاطاله واتمنى ان محدش يزعل من كلامى

[Mohamed Sabir]

لان هو ايه السبب اللى هيخلية يتجوز 2 فى نفس الوقت؟ كدة معناه انه بيتجوز بط مش بنات

هههههههههههه
ممكن تكون بطة وغزالة

مميزات التعدد

• هتجرب طعمين مش طعم واحد
  
• هتخلف عيال كتير لو انت ناوى تعمل ذرية كبيرة
  
• هتحس انك عنتر زمانك ومتفوق عن بقية الرجال
  
• عمرك هيزيد ب 12 فى المية عن المتزوج بواحدة فقط ودية دراسة بريطانية
  
• انت ممكن تستر واحدة غلبانه او يتيمة او ارملة بدافع انه عامل انسانى
  

عيوب التعدد

• هيتخرب بيتك بعد كذا سنه
  
• مش هتقدر تعدل بينهم حتى وان شئت ذلك
  
• مستواك المعيشى هينخفض جداً
  
• لو جبت من الاتنين عيال هيكرهوا بعض
  

المميزات طبعاً اكتر من العيوب بالنسبة للراجل
لكن بالنسبة للمرآة العيوب اكتر

ازاى تتصرف البنت لما زوجها يقولها انا عاوز اتجوز او هى تحس ان جوزها بعد عنها وعن الاسرة وحاسة انة مش مرتاح او عاوز يتجوز

تضربة بالقلم على وشة عشان يفوق وبعدها على طول تطلب الطلاق
انا لو كان ليا اخت كنت هخليها تضرب جوزها على وشة بالقلم على ما اجيلة انا اكمل علية

الموضوع كلة بيرجع للاسرة فى الاخر
يعنى انا مثلاً لا ارضى ان اختى يكون ليها ضرة
وفى نفس الوقت لن احضر ضرة لزوجتى
وهخلى اختى دية حلم لأى واحد انه يتجوزها
يعنى مش هجوزها لأى بأف هههههههه

هى واحدة كفاية جداً تشاركك حياتك وتعيش معاها فى ثبات ونبات

اسباب الزواج الثانى

فى المقام الاول هو نهم جنسى للرجل
وعلاجة الشرعى هو الزواج بدلاً من الزنا
بس السؤال هو انت عندك نهم جنسى للدرجة دى ؟ يعنى مش قادر تمسك نفسك للدرجة دية

المقام الثانى هو ستر للمسلمات
والستر المفروض يكون للارامل او المطلقات
مش يكون لواحدة صغيرة انت اشتهيتها لنفسك

الغرض من الموضوع انك ما تستخدمش الحق فى فعل الباطل

يعنى انت دلوقتى لو اتجوزت واحدة عندها 9 سنين بس بالغة وجاهزة للمعاشرة
هل هذا حرام ولا حلال ؟
حلال طبعاً لأن مفيش سن محدد للزواج صح؟
بس هل انت قلبك يطوعك انك تعمل جريمة زى ديه ؟

[ahmed_desoki]

بص يا عم ترما كلامك على عينى و على راسى بس انا عاوز اوضح كذا نقطة قابلتها وليس راى شخصى انى عاوز اتجوز اتنين او اكثر . اولا مش لازم يكون الزواج الثانى من اجل المتعة او النهم الجنسى و لكن هناك اسباب تانية و خصوصا فى البنت المصرية اولا احساسها بالامتلاك بعد ما تجيب اطفال تقولك بالبلدى انا ربطتة فتلاقيها بتهمل فى نفسها وفى البيت ومتطلباتة و كمان النكد يزيد بقى والاهمال يزيد و كمان الرحمة و المودة تقل . فاكيد مش لازم الراجل يكون عندة شهوة او اشتياق جنسى او غيرها لكن ممكن يكون هناك اسباب تانية و داوفع اخرى يعنى انا قرايت مرة مشكلة فى اهرام الجمعة ان زوج بيحكى ان زوجتة كانت قاسية جدا وجبارة جدا ومتعصبة جدا و اسلوبها صب جدا وكانت بتعملة معاملة مفهاش رحمة ولا مودة ولا حنية و كان الراجل بيفكر انة يتجوز تانى فاكيد فى حالات زى دى وشكرا

[Mohamed Refaat]

ماشاء الله موضوع ونقاش جميل جداااااا وردود اجمل والله بجد
انا الحقيقة خلاص إتثبت ومش عارف ارد
تقريبا كل حاجة كنت ممكن أقولها اخوانى البشمهندسين والبشمهندسات قالوها
1 التعدد فى الزوجات شرعى وحلال ولكن بشروط اعتقد يمكن تحقيقها
2 إمكانية العدل موجودة ... صعبة لكن مش مستحيلة
3 شعور المرأة تجاه الزوجة التانية معروف مسبقا فى جميع الأحوال والأسباب سواء كان سبب الزواج هوى او مساعدة لأرملة او مطلقة
4 طبيعة الرجل تختلف عن طبيعة المرأة بهذا الشأن
5 الراجل ممكن يحب كذا واحدة فى نفس الوقت وبنفس المقدار ولكل واحدة مميزاتها وعيوبها
6 التقصير من الزوجة ممكن يكون هو السبب لو الراجل مرتاح فى بيته ومعاه زوجة جميلة ومريحاه فى كل شىء اعتقد مش هيفكر فى الزواج من اخرى
7 الراجل ممكن يتغاضى عن هذه الرخصة والفكرة للزواج مرة اخرى خوفا على مشاعر زوجته وحبا لها وتضحية من اجلها ودى بتختلف حسب شخصية وطبيعة الراجل ومش معنى كده ان لو اتجوز تانى يبقى عمل حاجة غلط
8 متخافوش يابنات إحنا مش لاقين ناكل اصلا فى الزمن ده علشان نتجوز 2 ريحوا نفسكم من الموضوع خالص ومتشغلوش نفسكم بيه على الاقل عشرين سنة قدام
وبجد موضوع شيق ومهم جداااااااااااا

[Mohamed Fouad]

شكرا على رأيك يا باشمهندس

[questionman]

يا جماعة فعلا ممكن يكون الراجل اتجوز على مراتة عشان اسباب و عيوب فى الست مش لازم ابدا يكون راجل مزواج او بيتجوز عشان مزاجة . ممكن يكون فية حالات كتير الراجل مظلوم . مش دايما نجيب اللوم على الراجل احنا دايما مظلومين كدة من الستات وشكرا