إضغط لتفاصيل الإعلانات



Results 1 to 6 of 6
Share
  1. #1
    Join Date
    Jun 2010
    Location
    Cairo,Egypt
    Posts
    136
    Rep Power
    10

    Default من هو مثلك الاعلى

    بسم الله الرحمن الرحيم

    اولاً احب ان ابدأ معكم نقاش جميل هنتعرف بيه اكثر على مثل كل واحد فينا الاعلى سواء علماء او انبياء او اشخاص عادية

    وكل واحد يقول هو اتأثر بمين
    وانا احب ابدأ بالانسان اللى انا احترمة جداً جداً جداً بعد الرسول علية الصلاة والسلام
    واعتقد ان اعمالة هى من اهم الاعمال اللى لحد اليوم بنستخدمها

    السير اسحق نيوتن


    اولا نيوتن هو اللى جمع الميكانيكا وعلمها مرجع

    واحب اقول على معلومة بسيطة جداً
    ان الناس فاكرة ان اوروبا هما اللى اكتشفوا الميكانيكا
    او اللى وضعوا علم الميكانيكا
    لكن الحقيقة ان الفراعنة هما اللى بدأوا
    وده بسبب اداة بسيطة جداً اسمها
    البكرات والحبال
    كانت بتحل محل الكرينات والاوناش الهيدروليكية
    وكانوا بيرفعوا اى حاجة بيها
    وتعتبر البكرات والحبال من اهم الادوات الميكانيكية

    وبعدين العرب كان عندهم حاجة اسمها الحيل الهندسية

    والحيل الهندسية دية هى الميكانيكا
    والعرب اخترعوا التروس والقضبان المحورية
    وطوروا نظم الحبال والبكرات وقدروا يصنعوا منجانيقات
    بتضرب من مسافة 25 كيلو متر

    وبعد العرب جة نيوتن وابتدأ النهضة الميكانيكية دية

    بحاجة بسيطة جداً اسمها التفاضل

    التفاضل

    وده يعتبر اساس فى اى جهاز قياس
    سواء جوة طيارة او عربية او اى حاجة

    وكانت الفكرة البسيطة اوى لنيوتن فى التفاضل هى

    تعريف السرعة :
    معدل تغير المسافة بالنسبة للزمن
    وحتة معدل تغير دية نحط تحتها 100 خط
    لية؟ لأنها كلمة جديدة محدش سمعها قبل كده
    change rate

    فتحت ابواب كتير جداً جداً لحد اليوم لسة بيكتشفوا فيها
    معدل تغير درجة الحرارة بالنسبة للزمن
    معدل تغير السرعة بالنسبة للزمن
    معدل تغير الحجم بالنسبة للزمن
    معدل تغير الكتلة بالنسبة للزمن
    معدل تغير الاخلاق بالنسبة للزمن
    معدل تغير الذكاء بالنسبة للزمن
    معدل تغير الوفيات بالنسبة للزمن

    وكتير جداً جداً واحنا نعرفها بأسم المعادلات التفاضلية


    فمثلاً هما بيعملوا اية فى امريكا عشان يعرفوا عددهم بالفرد

    كتبوا معادلة تفاضلية للسكان
    وبعدين كل شوية لما يحبوا يعرفوا العدد وصل لكام
    يحلوا المعادلة ويعرفوا العدد
    لكن مش هيمشوا على رجليهم ويعدوا

    عايزين يعرفوا معدل زيادة درجة الحرارة كل سنه

    برضة عن طريق المعادلات التفاضلية


    يعنى كلمة واحدة من نيوتن عملوا بلاوى زرقاء فى الدنيا

    ده غير 3 قوانين الحركة

    حتى اليوم لما بنيجى نحسب مدى صاروخ

    بنحسبة بقوانين نيوتن
    بس بعد التعديلات اللى اجراها انيشتاين
    القوة تتغير مع العجلة فى حالة ثبوت الكتلة
    طيب فى حالة عدم ثبوت الكتلة ؟
    لأن الصاروخ اول مابيتضرب بيبقى محمل وقود
    وكل شوية الوقود دة بيقل ووزن الصاروخ بيقل
    يعنى الكتلة مش ثابته الكتلة بتتغير
    يبقى كده دخلنا فى معادلة تفاضلية تانية
    ان الكتلة بتتغير مع الزمن


    ده غير اعمالة اللى الزملاء قسم الكترونيات بيستخدموها من غير ما يحسوا

    زى الملفات والمكثفات والمقاومات
    طيب ازاى نيوتن اخترع المكثفات والمقاومات والملفات ؟
    طبعا كلنا سمعنا عن حاجة اسمها المساعدين بتاعت العربية
    dumber

    طيب المقاومة بتعمل اية؟
    واللى من وظيفتها انها تقلل القوة المتولدة من رد فعل الطريق
    وحاجة تانية اسمها الزنبرك
    spring

    مرة واحدة وتكون قوية
    ودية فكرة المكثف
    انه بيشحن وبيفرغ مرة واحدة
    اللى من وظيفته انه لما ينضغظ يخزن القوة وبعدين يولدها
    او انه يولد حركة اهتزازية وشكل رسمتها بيكون زى الاشارات
    sin waves


    برضة فية حاجة اسمها صناديق التروس
    طيب المحولات اللى بتعلى الجهد او بتقللة ؟
    زى الفتيس بتاع العربية
    زى مافية ملف ابتدائى وملف ثانوى
    فية ترس ابتدائى وترس ثانوى
    لو الترس الابتدائى اكبر من الثانوى
    يبقى انا عايز اولد حركة اعلى

    كل الحاجات دية بالظبط بيستخدمها مهندسين كهرباء واتصالات

    وكل الحاجات دية اللى وضع اساسيتها نيوتن
    ده غير الفلك والحاجات التانية اللى انا مش هرغى فيها عشان زهقت هههههههههه

    عشان كده انا معجب جداً بالشخص دة ومقتنع انه نفع البشرية كلها

    وعلى فكرة نيوتن لما قرأت قصة حياته كان شخص عادى جداً
    لكن كان بيحب بلدة جداً وكان كل غرضة انه يخليها قوة عظمى
    وكان كل حلمة انه بلدة تخرج من الزراعة وتبقى بلد صناعية
    وفعلاً حلمة اتحقق وبقت بلد الفلاحين بريطانيا العظمى




  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Jan 2008
    Posts
    1,785
    Rep Power
    13

    Default

    شكرا ليك يابشمهندس على المعلومات
    انا مثلي الاعلى هو افضل الخلق محمد صلى الله علية وسلم
    اللي مفيش افضل منه في البشرية كله واللي لازم كلنا نقتدي بيه
    ربنا يجمعنا بيه في جناته

  7. #3
    Join Date
    Jun 2010
    Location
    Cairo,Egypt
    Posts
    136
    Rep Power
    10

    Default

    طبعاً الرسول علية الصلاة والسلام هو اعظم عظماء التاريخ وهو قدوة كل مسلم على الارض
    وباريت با بشمهندسة تقولى عن حكمة تعلمتيها من هدى النبوة مثلاً او حاجة اتأثرتى بيها من قدوتك
    عشان نستفيد طبعاً

  8. Forum Ads:

  9. #4
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    موضوع جميل
    اكيد الواحد فى حياتة بيحاول يعمل زى ما الرسول صل الله عليه وسلم كان بيعمل ويتعامل مع الناس على قد ما يقدر وهو القدوة الواضحة وايضا انا مش بحط شخص بعينة فى الدنيا العلمية انما قدوتى هى الشئ الصالح والشئ اللى نجح فيه كل واحد ناجح شفتة فى حياتى ودا الاهم انك تجمع من كل الناس ما يميزهم وتحاول تعمل زية وتتفوق عليه اعتقد ان دا شئ افضل من ان تكون لى قدوة فى شخص انما القدوة فى العمل الصالح والناجح من كل شخص ناجح

  10. #5
    Join Date
    Jan 2008
    Location
    Egypt
    Posts
    3,946
    Blog Entries
    1
    Rep Power
    15

    Default

    وانا مع رأى البشمهندس محمد
    القدوة بكتسبها من كل شخص ناجح
    بيعمل عمل مفيد وصالح لكل الناس

  11. Forum Ads:

  12. #6
    Join Date
    Jun 2010
    Location
    Cairo,Egypt
    Posts
    136
    Rep Power
    10

Similar Threads

  1. مطلوب مهندسين كهرباء واتصالات للمجلس الاعلي للأثار
    By ahmedelshnawy in forum Communications and Electronics, Electrical power
    Replies: 7
    Last Post: 15-04-2009, 02:40 AM
  2. هل تريد ان تعرف من مثلك الاعلى
    By nesma saad in forum Engineers discussions
    Replies: 5
    Last Post: 24-01-2009, 09:23 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب