إضغط لتفاصيل الإعلانات



Page 1 of 4 123 ... LastLast
Results 1 to 15 of 51
Share
  1. #1

    Default مساعدة في تعلم Windows Server 2003!!!

    اهلا يا جماعة
    انا معنديش اي معلومات عن windows server 2003 و عايز اتعلم فيه المبادئ
    و لو فيه شئ مختصر افهم بيه الموضوع لان انا عندي انترفيو في الموضوع ده في خلال فترة بسيطة المفروض اني ابقي فاهم فيه و لو شويه علي الاقل
    شكرا مقدما


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2

    Default

    والله ربنا يوفق حضرتك ان شاء الله فى الانترفيو
    هو الانترفيو يوم ايه؟
    حاول تشوف الفتره الى قدامك وتزاكر على اساسه
    لان الموضوع اصله كبير
    حاول يكون عندك فكره عامه عن الموضوع هو طبعا هنا على المنتدى هاتلاقى حاجات كتيير مهمه هاتفيده
    دور فى موضوعات مايكروسوفت وان شاء الله ربنا يوفقك
    ومستنينك لما ترجع من الانترفيو تقولينا على الى حصل علشان كل الناس تستفاد

  7. #3

    Default

    وطبعا ياريت الباشمهندسين الى هنا فى المنتدى الى مروا بانترفيوهات فى الموضوع ده او شغالين فى نفس الموضوع يفيدونا برده

  8. Forum Ads:

  9. #4

    Default

    بمناسبه الموضوع الى الباشمهندس فتحه ده
    ممكن نستغله ونتكلم كلنا الى عنده معلومات عن انترفيوهات الى بتكون عن السيرفرات
    او شغال فى الموضوع ده
    او عنده معلومات عن اهم المواضيع الى لازم نكون لمنها علشان نعدى فى الانترفيوهات من النوع ده ياريت يقول

    فى البدايه طبعا لازم يكون عندك فكره عن السيرفر نفسه ايزاى تسطبه
    ايزاى تعمله دومين كنترولر وايزاى تخليه
    DNS
    وبعدين تعمل اكونت
    لUSERS
    وتدخلهم جوه الدومين بتاعك
    لازم يبقى عندك معلومات اهم حاجه عن كورس الانفرا
    ال
    dns
    dhcp
    ipsec
    كده يعنى ولا ايه ياجماعه
    يالا عايزين كل واحد يقول معلوماته ويفيدنا
    وشكرااااااااااااااااا

  10. #5

    Default

    انا معاكي في الموضوع ده يا ريت يا جماعة كل المهندسين الخبرة يساعدوا الاقل خبره في هذا الموضوع
    و ليكن كل واحد يقولنا علي الاقل تجربتة الموضوع ده
    ندعو الله ان يعم بالفايدة علي الجميع
    و لسه برضه محدش قالي

  11. Forum Ads:

  12. #6

    Default

    ما اصل الموضوع ده كبير ياباشمهندس انه يتلم كده بسرعه فا حضرتك قلنا تقريبا برده انت معلوماتك فيه واصله مثلا لحد امته
    والانترفيو بتاعك امته
    علشان تقدر تقسم الوقت الباقى
    هو حضرتك هاتلاقى هنا موضوع اسمه
    mcse
    ده فى كل الحاجات الى تخص السيرفر 2003
    بس هى حاجات كتيير فاحضرتك برده قلنا انت معرفتك بيهم لحد ايه وممكن حد هنا يقولك تكمل من اول فين
    وربنا يوفقك ان شاء الله
    هانستناك تحكيلنا الى حصل معاك فى الانترفيو ان شاء الله
    وربنا يوفقك يارب

  13. #7

  14. #8

    Default

    السلام عليكم
    انا كان عندى امتحان فى نفس الموضوع ده
    بس ياباشمهندس هو سالنى فى ايه فى الانترفيو
    عن
    operation master role ( fsmo)
    clustaring
    dns zone types
    trust between forest
    MOM
    SMS
    وقالى مشكله لو حصل عندك
    conflict ip
    وانتى اساسا مستخدمه
    dhcp
    فا ده طبعا نتيجه حد حط لنفسه ال ip static
    طب تقدرى تمنعى الموضوع ده ايزاى انه يحصل كونفليكت يعنى
    قالى فى حاجه بتخلى ال
    dhcp
    يشوف لو حد اخد
    static ip
    مش يوزعه تانى

    كده تقريبا مش فاكره والله فى حاجه تانيه ولا ه بس تقريبا دى كانت اغلب الاسئله وربنا يوفقك ان شاء الله

  15. #9

    Default

    بس يعنى المكان الى امتحنت فيه امبيرح كان عندى فيه اصلا تحريرى كده من اسبوع فا مش تقلوا معانا فى الانترفيو
    فاربنا يوفقك ان شاء الله واحنا مستنينك تقولنا عملت ايه فى الانترفيو
    ولو احتجت اى حاجه اكيد هاتلاقى كل الجروب هنا بيرد عليك واى خدمه

  16. #10

    Default

    متشكر جدا يا بشمهندسة و انتي بقي يا ريت اللي تفرحينا انك عديتي الانترفيو
    انا صراحة الشغل اللي متقدمله كله عن الموضوع ده و انا معنديش اي خبره في الويندوز سيرفر فأنا مش حاطط امل عليه اويي
    بس انا هشوف الحاجات اللي بعتيهالي و هقراها و ربنا يسهل.
    و صراحة انتي كده او كده ساعديني جامد و الجروب هنا زي الفل

  17. #11

    Default

    ربنا يوفقك يارب ياباشمهندس
    ابعتلى الميل بتاعك وانا ابعتلك عليه ملخصات كده تحاول تبص عليها
    وانا هاجاوبلك على الاسئله الى انا كتباها دى علشان مش تتوه وانت بتدور على الاجابات
    وابقى بص على الملخصات الى هابعتهالك ان شاء الله

  18. #12

    Default

    السلام عليكم
    ربنا يزفقك يارب ان شاء الله
    والله لو حضرتك مش تعرف اى حاجه عن موضوع السيرفرات انا احاول الخص فيه شويه بسرعه كده يارب اقدر افيد باى حاجه

    اولا حول اللغه بتاعت المنتدى من اسفل الصفحه للغه العربيه

    فى البد ايه لازم تكونوا عارفين ان الهدف ال ئيسى من اى network انك تعمل مشاركه للموارد الى عندك resource sharing
    يعنى تبدلوا ملفات مع بعض او خدمات او اى حاجه تانيه

    تانى حاجه لازم الفرق يكون واضح بين ال
    WOrk group and domin
    طبعا الاول الى هو ال wourk group
    ده الى اسمه شبكه الند بالند او PEER TO PEER بمعنى محدش احسن من حد فى الشبكه وده صعب جدا انك تكون مدير شبكه فى اى شركه وتكون النيتورك فيها WORKGROUP ليه بقى علشان انت لو مدير شبكات وعايز تعمل اى حاجه على مستوى الاجهز هاتضطر انك تعدى على الشبكه جهاز جهاز وتعمل فيه الى انت عايزه ودى طبعا مشكله بالنسبه ليك

  19. #13

    Default

    علشان كده انت لازم يكون عندك DOMIN ده النطاق الى هاتقدر تتحكم فيه من مكانك يعنى من السيرفر الى انت قاعد عليه تمام كده

    يعنى ايه سيرفر ده جهاز كمبيوتر عادى خالص بس طبعا امكانيات الهاردوير بتاعته سواء رامات بقى او هاردات او بروسيسور لازم يكونوا كويسين جدا والجهاز العادى ده انت بتنزل عليه windows server 2003 مثلا علشان تقدر تنزل عليه ال service الى انت هاتستخدمها علشان تتحكم فى كل الاجهزه من مكانك وده الفرق الجوهرى بين ال work group و ال domin
    الفرق التانى ان ال database بتاعت الاجهزه الى join ل workgroup بيكون جوه ال SAM للماكنه نفسها ده فايل جوه الجهاز نفسه لو عملت مثلا ACCOunt ب user name و password بيتخرن فى ال sam

    انما فى وقت لما يكون عندك domin كل الداتا بيز بتكون جوه ال AD وده اول مسطلح لازم تكون عارفه الى هو ال ACTIVE DIRECTORY
    وده فى كل المعلوما عن كل الاجهزه الى جوه الدومين كده تمام

  20. #14

    Default

    فا الكورس ده طبعا كبير جدا مايكروسوفت بمنزلاه الى هو طبعا ال MCSE الى هو بتكون فى الاخر
    SYSTEM Engineer
    وده عباره عن 7 اجزاء اول حاجه بيكلم عن جزء ال xp طب ليه بيكلمك عن ال xp لأن طبعا اجهزه الموظفين الى هايكونوا فى الشركه كلهم هاتكون xp
    تانى جزء جزء ال windows server 2003
    وده الى عايزه اقول فيه شويه حاجات
    لازم طبعا تكون عارف ان اول جهاز هاتعلمه فى الدومين هو ال DC الى هى معناه domin controller الى هو الجهاز الى هاتتحكم بيه فى باقى الاجهزه الى فى الدومين سواء باقى الاجهزه دى هاتكون سيرفرات او ويندز اكس بى عادى
    تمام كده تسطيب الويندز سيرفر مش صعب قوى يعنى يشبه لحد كبير الويندز العادى بس ال administrator بيتاع ال dc هو الادمن بتاع الدومين كله
    طب حضرتك بعد ما هاتسطب ال ويندز سيرفر ده كده بقى سيرفر عادى بس مش dc علشان تخليه dc
    start_______run _____dcpromo
    كده انت فتحه ال wizard الى بتسطب منه ال dc وهو برده عادى جدا مافيش فيه اى حاجه هاتحدد فيه اسم ال دومين وليكن هانسمه
    egyeng.local
    واول dc هاتنزله لازم تكون منزل معاه ال dns طبعا لازم لازم هو ممكن ماتنزلوش بس يعتب technically غلط وهانعرف فيايده ال dns بعدين لو قدرت اكمل ان شاء الله
    كده انت بقى عندك دومين وعليه dc وdns

  21. #15

    Default

    انا بعت لحضرتك حبه حاجات كده بس انا هاحاول اكتبلك برده اهم الحاجات الى لازم تكون عارفها
    ربنا يقدرنى يارب واقدر افيدك ان شاء الله والناس هنا كمان يساعدوكى واعزرنى لو فيه اى تقصير فى الشرح انا اول مره احاول الخص اى حاجه وكمان انا مش بشتغل يعنى مش عندى خبره ومش معايا الكورس بس عارفه عنده اجزاء كويسه يعنى تقدر تقول مذاكره من حاجات كده يعنى
    فا انا هاحاول والله الخص اهم الاجزاء الى ممكن تتسال فيها ولو حضرتك مثلا عارف فى الكورس حاجات قولى علشان مش الخصها واحاول اركز على الحاجات الى حضرتك مش عارفها
    هو الانترفي بتاع حضرتك تقريبا امته ان شاء الله

Similar Threads

  1. Replies: 2
    Last Post: 18-01-2011, 05:42 PM
  2. Windows Server 2003 Clustering
    By Mohamed Fouad in forum Microsoft
    Replies: 10
    Last Post: 11-10-2010, 02:56 PM
  3. Replies: 2
    Last Post: 27-02-2009, 08:12 PM
  4. Replies: 2
    Last Post: 22-12-2008, 09:38 PM
  5. Mscs Clustering On Windows Server 2003
    By Mohamed Fouad in forum Microsoft Certifications
    Replies: 4
    Last Post: 23-03-2008, 12:00 AM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب