إضغط لتفاصيل الإعلانات



Results 1 to 11 of 11
Share
  1. #1

    Default القفشة تحكم!

    من المصرى اليوم


    القفشة تحكم!

    بقلم أحمد الصاوى ٣/ ٤/ ٢٠١٠
    نشرت جريدة «الجمهورية» يوم الخميس الماضى، أنها علمت من مصادرها أن الدكتور زكريا عزمى، رئيس ديوان رئيس الجمهورية، تلقى خلال وجوده بألمانيا لمرافقة الرئيس مبارك فى رحلته العلاجية أكثر من مليون مكالمة تليفونية على هاتفه المحمول من مواطنين، سعوا للاطمئنان على صحة الرئيس.

    لا تتوقف عند معلومة تقولها «الجمهورية» بأن هناك مليون مواطن يعرفون رقم الهاتف المحمول للنائب المحترم الدكتور زكريا عزمى، لكن تعال لنمارس معاً لعبة الأرقام والحساب، ولنفترض أن متوسط زمن المكالمات التليفونية التى تلقاها زكريا عزمى ــ الجمهورية ــ دقيقة واحدة لكل مكالمة، وهو تلقى مليون مكالمة، اقسم مليون دقيقة على ٦٠ لتعرف عدد الساعات، ستجد الناتج ١٦٦٦٦.٦، بما يعنى أن عزمى تحدث فى هاتفه المحمول خلال ٣ أسابيع تقريباً هى كل المدة التى قضاها مع الرئيس فى ألمانيا، حوالى ستة عشر ألف وستمائة وستة وستين ساعة، وعندما تقسم هذا الرقم على ٢٤ ساعة هى كل المساحة الزمنية ــ اللى خلقها ربنا لليوم الواحد ــ ستجد الناتج ٦٩٤ يوماً.

    بالورقة والقلم يحتاج النائب زكريا عزمى ٦٩٤ يوماً، أى ما يقرب من عامين متصلين، لا ينام فيها، ولا يصلى، ولا يدخل «بيت الراحة» ولا يعرض أوراقاً على الرئيس مبارك، ولا يتحدث مع أحد، فقط يرد على هاتفه المحمول ليتمكن من الرد على مليون مكالمة تليفونية.

    ولو عدت وقلت إن متوسط المكالمة الواحدة ليس دقيقة، وإنما ٣٠ ثانية فقط، اقسم ٦٩٤ يوماً على اثنين، لتجد أن عزمى كان يحتاج ٣٤٧ يوماً ليرد على مليون مكالمة، ولو قدرت أن متوسط المكالمة الواحدة ربع دقيقة فقط أى ١٥ ثانية، بمعنى ألا يقول المتصل لعزمى «ألوه» ويدخل فى الموضوع مباشرة كما تفعل برامج التوك شو، فيقول لعزمى: «أنا أحمد من طنطا.. إزى الريس دلوقتى؟» فيرد عزمى: «الحمد لله.. مع السلامة».. ثم يغلق الخط، فهو يحتاج إلى ١٧٣ يوماً ونصف ليرد على مليون مكالمة هاتفية مدة كل واحدة ١٥ ثانية فقط لا غير.

    رغم أن هذا الخبر منشور فى العدد الأسبوعى لجريدة الجمهورية الصادر فى أول أبريل، فإن الجريدة لم تشر إلى أنه «كذبة أبريل» على سبيل المثال، لكنه جاء كخبر طبيعى وجاد فى صفحة طبيعية وجادة، الأمر الذى جعلنى وعدداً من زملائى نتحسس عقولنا ونجتهد لإيجاد مخرج حسابى يسمح بذلك،

    وللأمانة فقواعد الحساب قد تستوعب هذا الحديث فقط، لو تم احتساب المليون مكالمة «رنات»، بمعنى أن «يرن» مليون مواطن على زكريا عزمى فيفتح على كل واحد منهم لمدة ثانية واحدة، وفى هذه الحالة سيحتاج الرجل إلى ١١ يوماً ونصف تقريباً لفتح الخط وإغلاقه فوراً، بما يوازى نصف عدد الأيام التى قضاها مع الرئيس، دون حساب ساعات النوم أو العمل، أو «بيت الراحة».

    ما أقوله ليس انتقاصاً من عزمى وتقليلاً من دوره إلى جوار الرئيس، وليس إنكاراً لحقيقة اهتمام المصريين بصحة رئيسهم، وليس سخرية من أحد.. وليعذرنى أصدقائى وزملائى الأعزاء فى الجمهورية.. فهذه المرة «القفشة تحكم»!


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default


    الحقيقة انا مقرتش ولا سمعت عن الموضوع دا
    بس هو اكيد نسى يقول انها مجرد تشبية للعدد المهول اللى جالة من المكالمات مش مليون يعنى
    اكيد دا هيبقى الرد الطبيعى للراجل فى الموقف دا ومش لازم نقف للواحدة يا استاذ احمد يا صاوى

    يلا ربنا يكرمهم

    صحيح يا جماعة هو انتوا تفتكروا الريس هيكمل فى الانتخابات ولا يروح يريح شوية فى الامازون؟

  7. #3
    Join Date
    Jan 2008
    Location
    Cairo
    Posts
    1,985
    Rep Power
    14

    Default

    علي فكره يا جماعه
    بجد الواحد كان زعلان علي الريس فعلا انا عرفه وكلنا ان في حاجات مش حلوه في بلدنا بس بجد انا شايفه ان احسن واحد للبلد هو الريس بتاعتنا ويمكن يحصل التغيير اللي احنا عايزينه بس معتقدتش ان حد تاني هيخاف علي البلد ن الناس اللي عايزه ترشح نفسها
    انا عرفه ان كتير هيكون ضد كلامي بس ياريت لو كل واحد فكر فيها براحه كده البلد حصل فيها حاجات كتير بغض النظر عن ان في حاجات كتير عايزه لسه تتغير بس نفسي احنا كمان يكون لينا دور في بلدنا مش كل واحد دلوقتي اللي يهمه هوه شغله وبيته وبس

  8. Forum Ads:

  9. #4
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    يا ريد هارت انا عايز اقلك حاجة
    ان كل الوزاء و عيالهم وحتى اولاد الريس
    سافروا كلهم برة مصر لانهم خافوا يحصل للريس حاجة و بعدين الشعب يحاسبهم انتوا عملتوا ايه
    الله اعلم صحة الكلام دا ايه
    بس الكلام دا سمعتة من واحد ان واحد فى رئاسة الوزاراء هو اللى قال كدة
    وطبعا الاشعات سهل تنتقل فالله اعلم بصحة الموضوع دا
    بس يكفى سرقة وفساد فى البلد؟
    تفتكرى هما كانوا ليه خايفين الريس لو حصلة حاةج يتخاسبة مش دا معناه انه هو اللى حاميهم؟
    وحاميها؟؟؟؟ ايه؟

    بصى
    بغض النظر عن اى شئ احنا عايزين تغيير والتغيير مش هيجى الا بفكر جديد وواحد متمتعش بالسلطة ولا لسه حب المال؟
    دانا سمعت بلاوى والله اليومين دول بس كفاية كدة

    انا شخصيا مش معاه ابدا؟؟؟؟؟؟؟؟؟؟؟؟؟؟؟؟

    وكفاية فكرة اللى نعرفة احسن من اللى منعرفوش
    خلينا نقول

    هو انت شفت ولا جربت علشان تقول خليه واللى نعرفة احسن من اللى منعرفوش؟
    على كدة مفيش رجاله فى البلد دى غير واحد بس وهو الريس اللى يقدر عليها؟
    اكيد دا مش صح ولا ايه يا رجال المستقبل؟؟؟

  10. #5
    Join Date
    Jan 2008
    Posts
    1,785
    Rep Power
    14

    Default

    انا مش معاكي ياريد هارت ابدا
    مفيش حد جايب بلدنا ورا غير الريس كفايه الفلوس اللي بتضيع
    مصر بيدخله دخل كبير من القناه ولا من السياحه وغيره وغيره ماشاء الله
    لو كل ده بيستغل فعلا لصالح الشعب بلدنا حالها هايبقى احسن من كده كتير
    كل مسؤول بيلحق ياخد حاجه بياخدها
    بس ربنا يكون في عون الناس

  11. Forum Ads:

  12. #6

    Default

    أكيد أنا مختلف معاك يا ريدهات....الموضوع عمره ماكان إن في حاجات حصلت وحاجات لسة الموضوع بسيط...الريس بقاله أكتر من 25 سنة في الحكم..يعني شوفي مدى التقدم مقارنة بال فترة وفي نفس الوقت بصي ل حاجات تانية زي قوة العملة الشرائية ساعة مامسك الحكم ودلوقتي
    طبعا مش هأتكلم عن الدين الداخلي وال خارجي ولا عن الفساد ولا عن كرامة المواطن اللي بقت تحت الأرض
    طبعا كل ده ملوش دعوة بالبطالة وال محسوبية وإن أكتر من 30% من الشعب تحت خط الفقر
    يعني المعادلة بسيطة..هو عمل حاجات اد إيه في 25 سنة وبوظ حاجات اد إيه
    أما حكاية إنه خايف على البلد فـاحنا مش عارفين باقي المرشحين علشان نحكم عليهم بدون مانديهم فرصة
    وفي النهاية أحب أقول إن مفيش بلد فيها ريس يقعد كل ده في الحكم..ليه هو بس اللي بيحب البلد وال باقيين لأ ...ولا هو بس اللي عارف المصلحة..بصراحة ده مش حب ده تملك و زي ما ب يقولوا..ديكتاتورية

    هما اللي بيقولوا واحنا مالناش دعوة

    يجعلوا عامر
    Last edited by mohamadoz; 05-04-2010 at 09:10 PM.

  13. #7
    Join Date
    Jan 2008
    Location
    Cairo
    Posts
    1,985
    Rep Power
    14

    Default

    بجد يا جماعه انا عرفه تقصدوا ايه وانا معاكو بس ياتري واحد عاش بره مصر مثلا طول حياته هيعملها ايه ولا هيعمل للشعب ايه اعتقد لو مطلوب فعلا تغيير بجد لازم يكون واحد عاش في البلد دي وحس بكل حاجه فيها مشي في شارع وكل مكان وشاف ايه اللي البلد محتاجه ليه مش مجرد ان واحد قال انا عايز اغير البلد واقف مع الشعب واحل مشاكله انه هوه كده
    لازم حد يكون بيحب الشعب بيحب تراب البلد دي ويخاف عليها اكتر من نفسه ومشاكل الشعب اهم حاجه عندكو وكمان لازم يعمل لينا كيان واحترام بين دول العالم

  14. #8
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    طيب ومين قال ان البرادعى ولا زويل مش بيحبوا البلد دى ولا بيخافوا عليها؟
    صحيح هما مداقوش طعم الفقر ولا البهدلة زى ما كتير شافها؟
    بس ليه متقوليش من وجهة نظر تانية انه شاف تجارب ناجحة و ممكن ينفذها هنا فى مصر؟
    طيب بلاش دا كله كفاية ان احنا اللى نبقى مختارين الريس بتاعنا مش هو اللى جاى على دماغنا؟
    وان الدستور هيتغير و يبقى اقصى حكم هو فترتين فقط
    يعنى حتى لو البرادعى معملش حاجة هيمشى بعد فترتين
    وانا شخصيا مش شايف ان البرادعى هو الافضل لكنه الافضل حاليا
    الراجل عندة علم و قوة ادارة و هيغير اشياء كتير.

    ليه منجربش يا جماعة ونشوف الراجل هيعمل ايه و احنا بعد كدة نقدر نحاسبة؟
    ليه نقبل يا ريدهارت ان الانتخابات تتزور كل مرة؟ وكان قدام عينى نتايج الانتخابات
    وصوتى انا شخصيا مكنش موجود لاحد المرشحين كان عدد المرشحين صفر
    مع انى صوت للمرشح دة و لكنه صفر
    شوفى كام واحد تانى صوتوا لنفس المرشح والنتيجة التخيلية صفر؟

    كمان هما مش هيسمحوا للبرادعى ولا عمرو موسى ولا غيرة انه يترشح لانه مش هيلحق

    فى كروش فى البلد دى مش هتسكت لانها لو سكتت هتنفضح و هتتاكل او تهرب من البلد

  15. #9

    Default

    Quote Originally Posted by redheart View Post
    بجد يا جماعه انا عرفه تقصدوا ايه وانا معاكو بس ياتري واحد عاش بره مصر مثلا طول حياته هيعملها ايه ولا هيعمل للشعب ايه اعتقد لو مطلوب فعلا تغيير بجد لازم يكون واحد عاش في البلد دي وحس بكل حاجه فيها مشي في شارع وكل مكان وشاف ايه اللي البلد محتاجه ليه مش مجرد ان واحد قال انا عايز اغير البلد واقف مع الشعب واحل مشاكله انه هوه كده
    لازم حد يكون بيحب الشعب بيحب تراب البلد دي ويخاف عليها اكتر من نفسه ومشاكل الشعب اهم حاجه عندكو وكمان لازم يعمل لينا كيان واحترام بين دول العالم
    أكيد المواصفات ده مش قصدك بيها الريس

  16. #10
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    Quote Originally Posted by mohamadoz View Post
    أكيد المواصفات ده مش قصدك بيها الريس
    +1

    Egypt!!

  17. #11
    Join Date
    Jan 2008
    Posts
    1,785
    Rep Power
    14

Similar Threads

  1. كيف تصبح مهندس تحكم ألى ناجح؟
    By Mohamed Fouad in forum Computer and control systems
    Replies: 1
    Last Post: 02-07-2011, 11:15 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب