السلام عليكم و رحمه الله وبركاته:

ناتى مع بعض اليوم لنرى احدى عجائب الكولرماستر فى ابداعها و براعتها فى التبريد مع ال HYPER 212 PLUS

.المشتت ال back panel
التي سنراها مع بعض فيها لزقه خضراء فوقها لزقه شفافه و مكنتش عارف أعمل اليه كنت محتار أشيلها ولا لأ ! و لغايه مع عرفت اني أشيل اللزقه الشفافه فقط و أترك الخضراء

نأتى مع الصور:









بعد ازاله المشتت القديم:




بعد تركيب البراكيت اللى فى ظهر البورده:











سنلاحظ هنا أن الأماكن البارز من البراكيت لا تمس البورده لان cm عملها لانتل و amd فال4 معادن البارزه للتركيب على بورد الانتل أما السطح الكبير للتركيب على amd

ودى صوره أوضح:




هذا قبل وضع المعجون كنت بعمل test الأول:








انا للأسف كنت خايف أصورللكم بعد ماوضعت المعجون على المعالج انه ينشف فرحت مركب المشتت على طول:







و هنا تم وضع المروحه الثانيه اللى كانت فى الباب بتدخل هواء للمعالج على المشتت بتسحب هواء من المشتت لترميه فى الخارج كما نصحنى بعض الأعضاء.



أولا : المميزات :

1) قدره على اضافه مروحه ثانيه

2) صوت هادى جدا حتى مع المروحه الثانيه التى بدون الكاوتش

3) قدره على التبريد عاليه

4) المروحه اللى جايه معاه تتراوح سرعتها من 600-2000 لفه و هى 12سم

ثانيا : العيوب:

1- صعوبه التركيب بالنسبه للمبتدئين أمثالى

2-الكاتلوج شرحه زباله و مش موضح كل حاجه

3- مش موضحين أد ايه من المعجون نحطه على المعالج

4- و أنا بركبه اجبرت على أنى أضغط عليه بطريقه مرعبه و ده مقلقنى

5- الفيديو اللى واضعينه على youtube مش موضح أى من الحاجات المهمه اللى الواحد كان فى أمس الحاجه الى معرفتها.




نجى للمهم : هذا الكلام مهم جدا لكل مبتدئ لازم يقراءه بعنايه و أنا مستعد أساعده فى أى حاجه!

1) انا أنصح بشده اذا كنت غير محترف فى تركيب المشتتات أو المعالج و تنظيفه من المعجون أنا أنصحك بشده أنك توديه لأخصائى يركبهوللك أو خليه يجيللك البيت (أنا كنت هأعمل كده لو كنت عارف ايه اللى هواجه من مصاعب)
2) اذا أصريت أن تركبه بنفسك فيجيب عليك أن يكون معك أحد يساعدك و يكون مقدر موقفك مش أى حد يعنى فى حالتى انا كانت والدتى جزاها الله كل خير (قولوا أمين)
3) لا تسكب كل المعجون على المعالج حتى لو انت كنت شايف ان اللى أنت حطيطه غير كافى يعنى أخرك كنت تحط نصف أو أقل من النصف من الأنبوبه

4) لازم تخلى باللك و انت بتشيل المشتت الأساسى لأنه بيكون ملزوق بطريقه غريبه فالطريقه هى أنك بعد ماتفك الكليبسات بتاعته تقهد تحركه ليمين و شمال يمين و شمال براحه خالص و اوعى خلى بالك انك لا تشده لفوق علشان لو شديته لفوق جامد ممكن المعالج يطلع من مكانه و السنون تتنى فخلى باللك


5) لما تيجى تشيل البراكيت بتاع القديم هتلاقيه سهل خالص بس لا تنخدع و انت بتركب الجديد لانه مش سهل و لازم تخلى بالك كويس أوى من الرسم اللى فى الشرح من اتجاه المسمير اللى بتتدخل علشان تثبت البراكيت ليها طريقه معينه فى الدخله بتاعتها


6)لازم تعمل كذا اختبار قبل تركيبه علشان تعرف الوضعيه الصح

7) أنا الكيسه بتاعتى قايلين أنك ممكن تعمل كل ده و البورده متركبه فى الكيسه فهذا كلام غير صحيح بالمره لأنه فعلا مستحيله

8) لازم يكون معاك مفك محترم و طويل و ماجنتيك (magnatic) علشان مهم أوى

9) لازم تركب المشتت الأول قبل تركيب المراوح علشان تعرف تربط المسامير بتاعته

10) مهمه أوى دى: الصاموله الكبيره اللى جايه معاه لربط ال4صواميل فى البراكيت لازم تربطها بايدك أولا ثم المفك ايدك لوحدها غير كافيه

انتهى هنا التحذيرات التى كنت أتمنى أن أحد يقولهالى



المشاكل التى واجهتنى:

1) قمت بوضع المعجون كله و بالتالى تسرب بعضه الى جانب المعالج و استغرق منى مسح الأجزاء الزياده من المهجون فى الأماكن اللى قدرت أوصلها حوالى ساعه ونصف

2) المفك اللى كان معايا المفروض انه ماجنتيك بس فجأه أصبح مفك عادى فالمسامير اللى فى البورده من ناحيه المشتت كانت من الصعب الوصول اليها

3)الضغط على المشتت لتركيبه كان صعب جدا و أنا خايف جدا لغايه دلوقتى فهل هذا طبيعى ولا لأ؟
الموضوع منقول