إضغط لتفاصيل الإعلانات



Page 1 of 14 12311 ... LastLast
Results 1 to 15 of 210
Share
  1. #1
    Join Date
    Jan 2008
    Posts
    1,785
    Rep Power
    14

    Default فضفضة من القلب للقلب

    اذيكوا ياشباب عاملين ايه
    افتكر الموضوع واضح من عنوانه
    الفكره بمنتهى البساطه بما اننا هنا كلنا اسره واحده واصحاب وبنحب بعض بجد

    ياريت لو حد حس انه تعبان مخنوق
    زهقان وقرفان
    يدخل هنا ويفضفض مهما كان الموضوع بسيط ومايستهلش
    بس لما هاتتكلم هاتستريح كتير وهاتفك عن نفسك بدل الكبت والحبسه اللى تخنق
    وكمان هاتلاقى هنا ناس كتير يسمعوك وينصحوك ويوجهوك صح

    ولو حاسس ان عندك مشكله ولو صغيره ادخل واحكيها
    وكلنا نتناقش فيها سوا واكيد هانوصل لحل سهل وسريع

    ولو حاسس انك فرحان ومبسوط شويتينن
    ادخل ياسيدى وفرحنا معاك وبالمره نقدملك تهانينا

    ياريت مهما كان الموضوع بسيط ادخل واتكلم
    واحنا هنا ولاد وبنات واعمارنا مختلفه يعنى اكيد هاتبقى المناقشه مثمره مهما كانت

    ياريت كل اما تدخل المنتدى تزور الصفحه دى اذا ماكانش عند مشكله ولا زعلان من حاجه ولا حتى فرحان
    ولا عندك اى حاجه تقولها يعنى بمعنى اصح اللى بتبات فيه بتقوم فيه
    على الاقل ادخل وشارك برايك فى حل مشكله حد غيرك
    او اسمعه لو زعلان
    او هنيه لو فرحان واديك تفرح معاه ياسيدى


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

  7. #3
    Join Date
    Jan 2008
    Posts
    1,785
    Rep Power
    14

  8. Forum Ads:

  9. #4

  10. #5
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

  11. Forum Ads:

  12. #6
    Join Date
    Jan 2008
    Posts
    1,785
    Rep Power
    14

  13. #7
    Join Date
    Feb 2008
    Location
    Saudi Arabia
    Posts
    467
    Rep Power
    13

    Default

    طيب انا مستعد اكون اول المفضفضين..

    بإختصار الدنيا بقت نار والاسعار ولعت اكتر من الاول والمفروض اني خاطب وهشتري شبكة رحت اشتريت دبلة ومعاهم حاجة اسمها توينز - والتوينز ده تقليعة طلعوها اصاب محلات الذهب علشان يخربو بيت الراجل كمان وكمان - المهم قطعو حوالي 1850 جنيه خطيبتي كانت معايا قالت للراجل الدبلة واسعة قالها ماهي لازم تكون واسعة شوية علشان المحبس والتوينز يقفلو عليهم واقتنعت خاطبتي بكدة وانا اقولها هاتيها اديق شوية قالت لاء عجباني كدة. مرت الايام وخطيبتي خست شوية فالدبلة بقت اوسع وبتقع من ايديها فقالتلي غيرها .قلتلها هوه انتي هتبتدي توجعي قلبي وتتعبيني من قبل الجواز؟قلت مش رايح. تاني يوم خدتها ورحت للراجل زي ال.... المهم كان عدى على الدبلة حوالي شهر وبعبط قلت للراجل ممكن اغير دي هيا هيا بس المقاس الاديق شوية قالي مينفعش انا اسف قلتلو ليه ما انت عندك زيها اهوه قالي اشتريها منك ماشي وانت تشتري مني الاديق قلتلو طيب مش عايز ابدلها ممكن تديقهالي وادفعلك تمن التدييق قالي لا والله اصل الموديل ده مش بيتديق. قلتلو يعني ارميها في الزبالة دي يعني والا اعمل فيها ايه قالي بيعهالي قلتلو اشتري قالي طيب انا هاخد منك الجرام على 128 جنيه وانت تشتري مني جرام الدبلة التانية ب 150 جنيه. قلتلو ايه ده دي سرقة علني قالي يا بيه اصلنا بنخصم الدمغة والمصنعية قلتلو وهيا الدمغة والمصنعية لما تخصمهم تشيل من كل جرام 22 جنيه؟ دا الدمغة كلها بتتكلف في مصلحة الموازين 4 جنيه قالي ماهي المصنعية 20 جنيه للجرام. قلتلو يعني مش هترجعها قالي لاء قلتلو طيب اديني صاحب المحل قالي باللفظ روح يا باشا متتعبش قلبنا احنا مش فاضينلك.

    هل الاستغلال وصل لهذا الحد؟ هل الجشع والطمع عملو فينا كدة؟ طيب انا هشتري شبكة كمان ايام اجيبها بكام لما يبقى جرام الدهب 150 جنيه؟

    سؤال اخر مهم للانسات المهندسات في المنتدى ده يعني يا مريم ويا بندقة جاوبوني

    هل ممكن على اعتبار ان معدل سعر الذهب زاد تقبلوا مننا كشباب وعرسان شبكة تكون صفيح؟ لاني سمعت ان الحديد كمان بقى غالي قوي.

    تحياتي
    Last edited by Mr.Mosty; 23-03-2008 at 01:29 AM.

  14. #8
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    ههههههههههههههههههههههههههههههههههههههههه والله يا مصطفى الحمد لله انك عرفت تشترى الدبلة اصلا فى غيرك مش عارف يشتريها حتى لو واسعة تحطلها ورقة وخلاص بقى

    بس بجد يعنى نداء لكل البنات
    انا مش هطلب منكم ترحموا اللى ان شاء الله هيتقدملكم و تخففوا من عليه علشان احنا عارفين الاجابة كويس
    مش عايزين حاجة احنا كقاية و احنا بنشترى راجل والكلام الحلو دا
    انا بطالبكم لما تبقوا ان شاء الله امهات فى هذا المجتمع لا يسوقكم الطمع والجهل اللى بقى فيه الاباء و الامهات فى طلباتهم الضخمة من الشباب اللى لسه بيبدئ حياته و ميفتكرش انه الشاب دا كان مولود فى نفس السنة اللى اتولد فيها علشان يبقى معاة فلوس قد اللى الاب دا جابها

    فيا امهات المستقبل ارحموا الشباب و اقتعوا الاباء اللى هو هنبقى احنا كمان فاحنا بنرجوا من الله يهدينا و يهدى كل البنات و الاباء والامهات و يشتروا الراجل لدينة وخلقة فهذا يكفى كبدايه و تيجلا بقى الشخصية و الطموح و و ونبنى معاهم مش نهد!!!!!!!!!!

    ومعلش يا مصطفى ربنا يوفقكم فى طريقكم ويوفقكم للى فيه الخير

  15. #9
    Join Date
    Jan 2008
    Posts
    1,785
    Rep Power
    14

    Default

    اولا بشكرك يامصطفى على انك اول واحد فضفضت

    فعلا ده مشكله كبيره وربنا يكون في عون الشباب ووالله يامحمد حكاية مش عايزين حاجه مش كلام والله

    بس المشكله بجد في الاهالي البنت دلوقتي غالبا مش كل البنات طبعا بس فعلا البنت بقى همها ترتبط بانسان تحبه ويقدرها مش اكتر

    لكن للاسف الاهالي لازم ليهم طلبات معينه ولازم الام بنتها مايجلهاش شبكه اقل من فلانه وحاجات مالهاش اي لازمه

    مع ان لو جيت تبص وقت بقى لما ابنها يجي يتجوز مش بتبقى عايزه تجيب لخطيبته حاجه وبتبقى مضايقه لو طلبوا شبكه غاليه مع ان هو ده نفس اللي هي عملته مع خطيب بنتها

    ياريت فعلا الاهالي يغيروا النظره ده مش في الذهب بس لا في كل الطلبات لو كل الناس فكرت وعملت زي ما الرسول قال كان زمان مشاكل الشباب كلها اتحلت والزواج بقى سهل

    وربنا معاك يامصطفى ويقدرك تجيب الشبكه وبقية مستلزمات الجواز وان شاء الله تدخل هنا وكلنا نبارك لك لما تجهز كل حاجه وتحدد الفرح

  16. #10
    Join Date
    Feb 2008
    Location
    Saudi Arabia
    Posts
    467
    Rep Power
    13

    Default

    متشكر يا بندقة على الدعم المعنوي ده ...

    وفعلا الأهالي بتغالي في اشياء كتير جدا جدا وبيبقى ساعات ليها داعي وساعات ملهاش وبرضو انا شايف ان كل شيء بالمعقول كويس وخير الامور الوسط ولو فيه تفاهم كل شيء بيتحل بس تلاقي ابو العروسة بيقول والله يابني احنا بنشتري راجل - ماهو صحيح بيشترو راجل بس الراجل ده هيبقى واقف عليهم بكام؟؟؟؟

    شكرا مرة تانية للناس اللي صعبت وهصعب عليهم .

    تحياتي

  17. #11
    Join Date
    Jan 2008
    Posts
    1,785
    Rep Power
    14

    Default

    العفو يامصطفى ومافيش حد صعبان على حد

    احنا هنا كلنا اخوات وبنفضفض ونقف جنب بعض

    وهو ده الهدف من الموضوع

    ومستنينك في فضفضه جديده بس تكون حلوه المره الجايه ان شاء الله

  18. #12

    Default

    الحقيقة يا مصطفى كل الشباب صعبانين عليه مش انت بس
    لكن لو بصيت لوجهة نظر الأهل هتلاقيهم في الأول بيتشددوا في طلباتهم عشان يتأكدوا ان الشاب ده شاري بنتهم
    و بالتدريج لما يثقوا فيه و يتأكدوا انه أهل لبنتهم بيساعدوه
    و هقولكم موضوع حصل قدامي لشاب ملتزم بنى نفسه من الصفر بدون أي مساعدة من حد
    لما نوى انه يتزوج اختار فتاة ملتزمة من أسرة ذات مكانة قدراً و مالاً و نسباً
    الشاب لما اتقدم لها كان طلبات والدها حاجة واحدة ان الشبكة متقلش عن شبكة أختها و بنات الأسرة لأنه بقى تقليد
    استلفه اعمل اي حاجة المهم لازم الشبكة بنفس المبلغ
    دي كانت البداية
    بعد كده شقتك تفرشها انت بالكامل زي السنة ما بتقول
    و مش مهم بالنسبة لنا هتفرشها ايه و مش هنسألك انت جبت فيها ايه خالص
    طبعاً الشاب اتصدم صدمة صعبة جداً و خاصة انه يا دوب كان المبلغ اللي معاه بسيط جداً
    فعرض عليه والد العروسة حاجة ؟؟؟؟؟
    هديلك شقة في عمارتي بمعنى أصح هأجرها لك باسمك و بتفع ايجار زي كل الناس
    و اطلب مني المبلغ اللي انت عايزة مهما كان هسلفه لك
    لحد هنا و هسألكم يا شباب ايه رأيكم في موقف والد العروسة ؟ و ايه المفروض اللي هتعمله انت لو في مكان الشاب ده؟؟؟؟

  19. #13
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

    Default

    طيب يا مصطفى طالما كده كده حتبيع ما تشوف محل تانى بيع الدبله الضيقه بأعلى سعر و اشترى
    الدبله الضيقه بأقل سعر بس لففها معاك عشان تختار دبله تكون على مقاسها و تحاول تتأكد انها على مقاسها

  20. #14
    Join Date
    Feb 2008
    Location
    Saudi Arabia
    Posts
    467
    Rep Power
    13

  21. #15
    Join Date
    Jan 2008
    Posts
    1,785
    Rep Power
    14

Similar Threads

  1. هل طيبة القلب = ضعف الشخصيه؟؟
    By bondo2h in forum Engineers discussions
    Replies: 9
    Last Post: 23-07-2010, 11:58 PM
  2. السبق القرآني في علم القلب
    By hopy_braya in forum Suna and Hadith
    Replies: 2
    Last Post: 26-06-2010, 09:42 PM
  3. قصه يبكى لها القلب قبل العين
    By نداء الاسلام in forum Suna and Hadith
    Replies: 1
    Last Post: 23-06-2009, 10:52 AM
  4. سبل تنقية القلب
    By adeleng in forum Engineers discussions
    Replies: 1
    Last Post: 15-06-2008, 10:00 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب