إضغط لتفاصيل الإعلانات



Results 1 to 6 of 6
Share
  1. #1

    Default الوهم داء ودواء

    زمان وأنا صغير كنت بزعل جدا لما حد يقولي إن الدرس الفلاني صعب أو المسئلة الفلانة صعبة
    لأنه كدة بيكون بنى حاجز بيني وبين هذا الدرس أو هذه المسألة
    لأنه أوهمني إن الموضوع صعب ,,,,, فلازم ألاقي فعلا إن الموضوع صعب
    ومع الوقت ومعرفشي ليه إتقلبت الآية
    بقى اللي يقولي إن الموضوع ده صعب أو المسئلة الفلانة صعبة أقول
    كويس جدا يبقى الموضوع يستحق التحدي
    لما جيت أختار القسم اللي أنا عايزه في الكلية … قالوا ابعد عن قسم ميكانيكا لأنه أصعب قسم في الكلية واللي بيخشه بيموت من البهدلة
    قلت : طيب كويس يبقى الموضع يستحق العناء
    قالوا : هتدرس فيه كل الأقسام ومواد ملهاش نهاية
    قلت : أنا قبلت التحدي
    الحقيقة هو كل اللي كنت بعمله كنت بحاول أكسر الحاجز اللي الناس عمالة تبنيه بيني وبين القسم اللي أنا ميال ليه أصلا
    لأن لو دخلت القسم ده وأنا مقتنع أنه أصعب قسم ,,,,, فعلا هيكون أصعب قسم ومش هقدر أجيب تقدير فيه
    والحقيقة اللي أنا اتعلمته في الخمس سنين بتوع هندسة ممكن نلخصه في جملة واحدة
    مفيش حاجة صعبة

    كنت متخيل إن موضوع الوهم ده معايا أنا لكن اكتشفت إنه شغال مع الناس كلها
    ولاد خالتي لما أروح عندهم بيجبولي المساءل اللي واقفة عليهم أشرحها لهم
    لاحظت إن لمجرد إن السئلة يتكتب فوقها ” مسائل للمتفوقين ” ميقدروش يحلوها
    والغريبة إن المسئلة لا تختلف عن اللي فبلها واللي هما لسة حلنها من شوية

    حتى عند الدكتور
    لو أنت مكسح وعيان وعندك أمراض الدنيا كلها والدكتور ضحك عليك وقالك أنت معندكشي حاجة
    هتتحسن حالتك بنسبة كبيرة
    دا لو ما قمتش تجري زي الحصان

    وبمناسبة الدكتور
    تعالوا نتعرض لحادثة حصلت معايا
    بس أنا محتاج أعرفكم على الدكتور / محمد السيد
    في الحقيقة الدكتور محمد السيد هو مدرس لغة عربية في الفترة الصباحية
    وفي الفترة المسائية بيطلع على العيادة بتاعته ” الدكان ” يستقبل الحالات اللي جاية
    اللي عنده حتة عايز يخيطها
    اللي عينه فيها مشكله يصلحهاله
    عنده حاجة غريبة طلعة في رجله يشلها له
    ممكن نقول أخصائي استئصال وجراحة عامة

    نرجع للحكاية بتاعتنا
    من مدة كبيرة …………..أوي
    كنا على السطح بتاع البيت بتاعنا كلنا
    أنا وأحمد وخالد ومحمد وحسين وهاني
    وكان معانا بندقية عصفر بنلعب بيها ونتعلم عليها النشان
    طبعا كان إخواتي الكبار بس هما اللي بينشنوا وإحنا ( أنا وأحمد ) واقفين نتفرج عليهم
    ولما شبطنا بقة ولازم ننشن معاكم قالوا كل واحد يعمل دور وينزل
    أنا نشلت دوري ووقفت في جنب
    وجه دور أحمد أخويا
    وتقريبا أحمد واخد الموضوع هزار أو لعبة أو حاجة من هذا القبيل
    فجأة أحمد اتلفت ليا ونشن عليا ………………….. وطخ
    الدنيا غرقت دم
    مصدر الدم من العين
    النيا اتقلبت
    ده يجري الجهه دي وده يجري هنا ومحدش عارف هيعمل أيه ولا حتى أيه اللي حصل
    خادوني ورحنا للدكتور / محمد السيد ” السالف ذكره “
    محمد السيد : الحمد لله قدر ولطف … الطلقة بينها وبين العين خمسة ملم
    وبدأ محمد السيد يعمل العملية على الحي
    ماسك مقص وقاعد يقطع ويفتح علشان يطلع الطلقة
    وطبعا أنا بصرخ تحت إيده
    ولكن لا حياة لمن تنادي
    ولما صعبت عليهم أوي
    قالوا : حطلوا بنج يا أستاذ محمد
    جاب الأستاذ محمد بخاخ عنده من سنة 1952 وتقريبا مفهوش هوا أصلا
    وجه على الجرح وعمل فس…. فس …. فس “البنج كان بخاخ “
    ورغم إني واثق إن علبة البنج فاضية … اتوهمت وحسيت إن الالم بجد خف
    لكن المشكلة أن الأستاذ محمد هو كمان اتوهم وافتكر أنه حط بنج
    وبدأ يشتغل بشدة ” أيوة مش أنا حطيت بنج “
    والحمد لله انتهت العملية وتم نزع الطلقو وغيرلي على الجرح وروحت
    وأنا برده موهوم أنه حط بنج
    ههههههههههههههههههه
    اللي أقصده من الموضوع
    حاول تستغل الوهم لصالحك وأوعى يستغلك
    يحكي أن تاجرا كبيرا من تجار الأندلس يدعي حسن كان رجلا شريفا ذائع الصيت
    ولكنه كان بخيلا
    فأراد أصحابه أن يعاقبوه مرة فاتفقوا عليه
    فلما خرج التاجر في الصباح وكان يلبس عباءته الزرقاء وفوقها غطرة بيضاء
    فقابله الأول فقال له : صباح الخير يا حسن …. ما أجمل غطرتك الحمراء
    قال حسن : إنها بيضاء
    فقال الأول : بل حمراء
    فتركه حسن وانصرف
    وقابله الثاني فقال له : صباح الخير يا حسن ……وما أجمل غطرتك الخضراء
    فقال حسن : ويحك إنها بيضاء
    فقال الثاني : بل إنها خضراء
    وإنصرف الثاني … وأخذ حسن ينظر إلى غطرته ويقلب لونها ويقول في نفسه : بيضاء …. نعم بيضاء
    وصنع معه الثالث والرابع نفس ما صنعه الأول والثاني
    يقول الراوي : فكنا نرى هذا الرجل ” يعني التاجر ” مجنونا يمشي عاريا في الطرقات

    أوعى الوهم يستغلك


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Jan 2008
    Posts
    1,785
    Rep Power
    14

  7. #3

  8. Forum Ads:

  9. #4

  10. #5
    Join Date
    Jan 2008
    Location
    Egypt
    Posts
    3,946
    Blog Entries
    1
    Rep Power
    16

    Default

    موضوع جميل اوى
    وطريقة السرد فيه
    بطريقة الحكى والقصة اروع واروع
    جميل اوى ياعبود
    تسلم ايدك

  11. Forum Ads:

  12. #6

    Default

    أوعى الوهم يستغلك



    شكرا على القصص

    انا بحب القصص اوى خصوصا قبل النوم

    ههههههههههههه

    شكرا

Similar Threads

  1. مشاغل الحياة بين الوهم والحقيقة
    By نداء الاسلام in forum Engineers discussions
    Replies: 4
    Last Post: 10-12-2011, 10:15 PM
  2. Replies: 0
    Last Post: 10-11-2011, 11:41 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب