إضغط لتفاصيل الإعلانات



Results 1 to 7 of 7
Share
  1. #1

    Default لو مهندس يبقي خلي بالك من نفسك

    الكاميرا الخفية 2009...... رمضان كريم
    بواسطة: طب بتوع الدقهلية ال 14 ذنبهم هم واهاليهم اية بس؟؟؟
    بتاريخ: الخميس، 6 أغسطس 2009 - 19:37
    يا اهل مصر ... يا كل أم وكل أب ....
    أمسك أعصابك واوعاك تطب...
    لو يوم سمعت او حتى شفت....
    حصار لبيتك بالدبابات...
    وجنود كتير برشاشات....
    وأمن دولة ومخابرات....
    وقالوا افتح ...
    يا ابو المهندس ...... يا ام الدكتور .....
    افتح ...
    ابنك معاه حاجات كثير.........!!!
    قنابل وسلاح ومفرقعات ... وسماد يوريا وفوسفات ...!!
    واى حركة ... البيت محاصر بالدبابات.....
    ومفيش مفر .... سلم سلاحك .. وبلاش تفر .....
    فى الحالة دية نصيحتى ليكم ... لكل ام ... وكل اب....
    امسك اعصابك وبلاش تطب ....
    امسك أعصابك ... وافتح بابك ...
    وانت يا امى البسى حجابك....
    وانت يا اختى البسى ثيابك....
    واللى عنده فلوس يخبيها ..... واى حتة دهبة يا امى دريها...
    وسيبوا السلاح والمتفجرات ....
    دى حاجات فى كل البيوت والحارات...
    مش عارف ليه يا امى كل ما راديو يتكسر....... تسيبى الشاسيه بتاعه.......
    انت مش عارفه ان دى دايرة الكترونية .....
    وبتستخدم فى العمليات الارهابية........
    ولا موتور الخلاط القديم اللى اتحرق .....
    لسة عيناه ليه ؟؟ ما ترميه فى الزبالة ويروح فى داهية ويتحرق....
    ده ممكن يركب فى صاروخ صغير !! .. ويفجر سفينة وتتحرق...
    وليه يا امى لما الضابط بيسألك ايه ده ؟ بتقولى صاروخ.....
    خلتيه انتفض .... والعساكر بقت تيجى وتروح....
    مش عارفه تقولى ...... شنيور .... او اى اسم أمور.....
    يا اهل مصر فى كل البيوت والحارات....
    خدوا بالكم .... وفتشو بيوتكم ..... واخلوها من المتفجرات....
    أى راديو قديم ... مروحة قديمة..... بلاى استيشن قديم.... تليفزيون قديم .... تلاجة قديمة .... بوتاجاز قديم.............. ارمــــــــــــوه
    قبل ما يجوا ياخدوكم وياخدوه........
    فى الحالة دية نصيحتى ليكم ... لكل ام ... وكل اب....
    امسك اعصابك وبلاش تطب ....
    ولما الضابط سأل ايه ده ؟..... قالوا لاب توب .....
    قال هاتوه ..... ردت امى ... ده بتاع اخوه.....
    وعليه شغله وابحاثه....... وكمان بيقول ده غالى قوى ...
    والنبى يا ابنى سيبوه.....
    مش عارف من حسن حظى ولا من سوء حظى انى كنت بره البيت......
    ارجع الاقى اخويا اتاخد..... واللاب توب وشنطتى مقلوبه... والبيت...
    الصدمة كانت شديدة ...... مش علشان اخويا ... مش حتصدقوا ...!! علشان اللاب توب... وشغلى اللى قربت اخلصه ... وكنت حسافر علشان افحصه...
    وقلت لنفسى اخويا احمد حخاف عليه ليه ؟؟؟؟
    دا لسه المحافظ مكرمه .. وكان ابويا موجود الله يرحمه....
    وعيونه كانت بتدمع من الفرحة.......
    وامى كانت هناك وكانت لابسة الطرحة....
    ابويا قالى قبل ما يموت ..... خلى بالك من اخواتك....
    وخليك فى حالك .... ولما المكافأة تيجى اوعى متديش لاخواتك....
    يا ابا مكافأة اية ..... بقالك 30 سنة ... فى 6 اكتوبر تقول لى الحكاية ديه...
    انك حاربت 7 سنيين من 67-74 ...
    وان الحكومة حتديك 10 فداديين....
    وكل سنه تجيب شهادة الجيش بتاعتك وتلمعها .....
    وتطلع اشاعة انهم حيدوك مكافأة وكمان بتبلعها....
    قالى يا ابنى ازاى وانا حاربت فى 73 وكنت حموت مرتين....
    لولا صاحبى حسنين شدنى.... والشاويش صالح الله يصلح حاله زقنى ...
    كان زمانى فيين.........
    وكمان ذى ما قال عمك سعيد .... المكافأة السنه دى اكيد....
    قلت له يا ابا مكافأتك عند ربنا .....
    مكافأتك مش موجوده هنا......
    وقلت أخويا احمد حخاف عليه ليه......
    دا لسه واخد الماجستير مع مرتبة الشرف .....
    وكل اللى اتاخدو معاه سمعتهم اشرف من الشرف...
    والبلد كلها تشهد لهم .... مفيش يوم حد زعل منهم ....
    دوول كلهم ولاد حلال وكانوا بيتبرعوا بدمهم ....
    والناس كلها بتحبهم.....
    لا عمرى كنت كاتب .... ولا كنت شاعر .....
    مش عارف ليه النهاردة جوايا بركان مشاعر...
    يمكن علشان ملقتش حد اكلمه....
    او حد يطيب بخاطرى ويفهمنى وافهمه.....
    وأخيرا بفضل الله لقيت مصباح علاء الدين....
    وفركته وطلعلى والعياذ بالله من الشيطان الرجيم....
    وبصلى وقالى ايه طلباتك ... يا مسكين ....
    قلت له نفسى افهم ايه الحكاية دية ....
    قالى دى حاجة بسيطة خالص .... متقلقش ...
    دا برنامج الكاميرا الخفية 2009 ...
    مقلب صغير وكله حيطلع قبل شهر 9
    والحلقات حتذاع فى رمضان وكل عام وانتم بخير
    وفى الحالة دية نصيحتى ليكم ... لكل ام ... وكل اب....
    امسك اعصابك وبلاش تطب ....



  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2

    Default

    أنا عارف إن الموضوع ملتبس على الناس لكن الموضوع ببساطة

    كلنا سمعنا عن ضبط خلية إرهابية في مصر وكانت بتخطط لأعمال إرهابية وضرب خطوط أنابيب قناة السويس والكلاب الفاضي ده

    الناس اللي أمن الدولة خدهم دول 6 منهم من البلد عندنا و7 من البلد اللي جنبنا

    وتهمتهم الوحدة إنهم ناس متدينين
    وعندنا في البلد كان بيضرب بيهم المثل
    ولا عمرهم أذوا حد ولا زعلوا حد

    والمصيبة إن معظمهم مهندسين

    أو بالأحري دي التهمة اللي عليهم

    لأنهم مدام مهندسين يبقى سهل على أمن الدولة يقول اللي هو عايزه

    إبحث في جوجل عن خلية الزيتون وأقرأ التهم الموجهه ليهم

    وأرجوك ما تضحكش

    قال أيه

    صنعوا طيارة بدون طيار
    وسيارة بدون سائق

    والله كلام ولا في الأفلام

    ونصحتي للكل المهندسين

    أوعى تتكلم في السياسة لأن شهادة التخرج بتاعتك لوحدها تهمة

    يعني لو ميكانيكا يبقى ممكن تصنع دبابات أو تفجر خطوط أنابيب

    ولو كهربا أو الكترونيات يبقى بطور أنظمة إلكترونية للتفجير عن بعد

    ولو بترول يبقى واقعتك سودة عايز تفجر خطوط الغاز اللي احنا بنصدره لاسرائيل

    ولو حتى كلية زراعة يبقى أنت أكيد استخدمت السماد الزراعي في صناعة المتفجرات

    أنا نصحت وأمري لله

  7. #3

    Default

    هههههههههههههههههه حلوه قوي ياباشمهندس عندك حق ممكن انسان يتهموه بحاجه ملهوش دعوه بيها لمجرد انه متدين او لمجرد انه مهندس بس عندي سوالين
    الاول هتستغني عن الاجهزه القديمه علشان متجبش لنفسك تهمه
    التاني هو حضرتك الي كاتب الكلام الي في الاول مكتوب بشكل متناسق !!1!

  8. Forum Ads:

  9. #4
    Join Date
    Feb 2008
    Posts
    532
    Blog Entries
    2
    Rep Power
    13

    Default

    جميييييييييييييييييييييييييييييييييييييله

    والله الواحد صعبان عليه بلده

    فينك يا مصر
    إذا كان عندك ملل من الدنيا وضيق في النفس وقلق وتفكير زائدين وخوف من المستقبل وعدم راحة في العيش ،، قل لا إله إلا الله محمد رسول الله ...
    فلديك نقص في الدين وستجده إن شاء الله بالصلاة والاستغفار وطاعة أوامر الله سبحانه وتعالى .

    Best Regards,
    MOHAMMED ELJOKER
    Security Engineer

    من مواضيع eljoker70000 :


  10. #5
    Join Date
    Jan 2008
    Location
    Egypt
    Posts
    3,946
    Blog Entries
    1
    Rep Power
    16

    Default

    معقولة وصلنا لكدة
    حسبى الله ونعم الوكيل

  11. Forum Ads:

  12. #6

    Default

    لا حول ولا قوة الا بالله
    حسبى الله وكفى وسمع الله لمن دعا
    وشكرا يامصر

  13. #7

    Default

    على رأى شاعر العاميه على سلامة

    خايف أصحى مالاقيش مصر
    -------------------------- ----


    ساعات بقلق بالليل
    يعني بالليل شوية كده
    قبل الفجر
    حسب الظروف كده
    بعد العصر

    خايف يوم أصحي..
    وأفتح الشباك..
    مالاقيش مصر


    ألاقيها لمت هدومها ومشيت
    لمت هدومها
    علي نيلها
    علي هرمها
    وطفشت
    وحلفت ميت يمين ماهي قاعدلنا
    ماهي زهقت..
    تعبت..
    إتخنقت
    أصلنا زودناها..
    أكننا استعمرناها..
    ورثناها


    مصر البنوتةالحلوة
    اللي زي القمر
    بقت عجوزة وشايبة
    وبان عليها الكبر


    خايف يوم أصحي..
    وأفتح الشباك..
    مالاقيش مصر



Similar Threads

  1. Replies: 57
    Last Post: 12-10-2011, 09:50 AM
  2. هل تحب نفسك
    By نداء الاسلام in forum Engineers discussions
    Replies: 4
    Last Post: 24-03-2009, 01:26 AM
  3. يبقى انت اكيد في مصر .. و صور من تصويري
    By Eng.Teefa in forum Engineers discussions
    Replies: 6
    Last Post: 21-07-2008, 11:42 AM
  4. فلسفة اللي بالي بالك
    By Eng.Teefa in forum Engineers discussions
    Replies: 2
    Last Post: 18-04-2008, 09:03 PM
  5. يبقى انت أكيد في مصر
    By bondo2h in forum Engineers discussions
    Replies: 14
    Last Post: 29-03-2008, 07:27 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب