إضغط لتفاصيل الإعلانات



Page 1 of 2 12 LastLast
Results 1 to 15 of 17
Share
  1. #1

    Default الاستهتار

    السلام عليكم ورحمه الله وبركاته
    انا حبيت اعرض عليكم مشكلتي يمكن تقدروا تساعدوني
    المحافظه هنا في الشهر اللي فات نزلت مسابقه في شركه المياه
    روحت قدمت ذي اي حد
    فجاه امبارح بيتصلوابكل اصحابي اللي قدموا معاي ومش اتصلوا بيا
    قلت ممكن يكون التليفون كان مشغول او مكنتش موجوده اي عذر يطمني انهم اتصلوا بيا
    وفجات بعد كده انهم استبعدوا اسمي من اسماء اللي هيجروا مقابله
    بسال ليه متاصلتوش بيا قالوا منعرفش اصل رئيس مجلس الاداره هو اللي اختار الاسماء دي
    طيب يا جماعه علي اي اساس اختارهم يردوا يقولوا منعرفش
    فكلمت ناس بتشتغل هناك وفجات ان الموظف اللي بيدخل الاسماء علي الكمبيوتر نسي يدخل اسمي
    وبكل بساطه نسي يدخل اسمي ضمن الناس اللي هتعمل لهم حصر بحيث يمتحنوا
    بصراحه كانت صدمه ليا وانهرت في البكاء وروحت الشركه وخليت مهندس هناك يقابل الرئيس
    وقال انه هيشوف اللي عمل كده بنفسه بس تاني يوم مش نفس يوم الامتحان
    ورحلوا المهندس علشان يقول له تاني علي اساس انه قاله تعالالي تاني يوم
    وللاسف قاله انا مش فاضي دلوقتي بعدين
    شوفته ازاي الاستهتار وعدم الدقه في العمل ممكن يؤثروا عاي مستقبل اي حد لمجرد ان الموظف نسي
    وبالفعل اصحابي الحمد لله امتحنوا وربنا يكرمهم جمعيا ان شاء الله
    انا حبيت بس اعرض عليكو الظلم اللي وقع عليا
    علي الرغم انه مش ذنبي ولا غلطتي
    بس للاسف كده تعتبر المسابقه دي ضاعت عليا علي الرغم ان تقديري اعلي تقدير في كل الناس اللي بعتلهم في تخصصي اتصالات
    وهل يا تري هتنزل اي مسابقات تاني علي الرغم ان دي هيا المسابقه التانيه اللي نزلت بعد السكه الحديد في سنه
    ارجوكم ان الي يقرا رسالتي يا ريت يقولي اي حل لاني بجد مظلومه ومصدومه
    والسلام عليكم ورحمه الله وبركاته

    من مواضيع mohandsa heba :



  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Jan 2008
    Location
    Egypt
    Posts
    3,946
    Blog Entries
    1
    Rep Power
    16

    Default

    ازيك يا بشمهندسة هبة
    اولا انا عايزاكى تتأكدى من شىء مهم
    وانا حاساكى مؤمنة بالله وعارفة كدة لوحدك
    ان كل شىء بأمر الله وبقدر الله وان اللى كاتبه ربنا ليكى أكيد هتاخديه
    ويمكن انتى مالكيش نصيب فى المسابقة دى لان ربنا مقدر لك حاجة احسن وأفضل من الجميع
    بمشيئته وقدره وأكيد ربنا مقدر ذلك لحكمة منه وأكيد مش هتاخدى الا اللى ربنا كاتبهولك وبس
    وأصبرى لان الصبر أحسن طريقة لنيل الأفضل
    وأخرته جميلة والفرج اللى آخر الصبر بيكون لانهائى ولا حدود له
    لان ربنا بيديكى هدية جزاء صبرك على الابتلاء
    وهاديكى مثال لكدة من تجربتى الشخصية:
    انا يا ستى بعد لما اتخرجت زيك كدة
    عرفت ان هيبقى فيه كورسات كمبيوتر
    هتبتدى فى معامل الكلية بتاعتى
    وانا كان وقتها مش عندى جهاز كمبيوتر ومش عندى خبرة كفاية بالتعامل معاه
    وكنت محتاجة جداااااااا الكورسات دى لان دكتور من دكاترة الكلية بتاعتى كان يعرفنى
    وكان بيشرح للناس بنفسه قاللى تعالى واحضرى كدة ودى
    لكن بردة قدمى ورقك علشان ممكن تشتركى وتدخلى تاخدى الكورسات
    وفعلا قدمت ورقى فى مكتب سكرتيرة رئيس الجامعة ومش هانسى ابدا الست دى
    كان اسمها عائشة تقريبا واخدت منى الورق فعلا
    وقالتلى هنبقى نتصل بيكى
    ولما طالت المدة وعرفت من الناس ان الكورسات شغالة استغربت ان ما حدش اتصل بيا
    ولعلمك كانت كورسات اوفيس يعنى حاجة عبيطة طبعا بالنسبة لى دلوقتى
    لكن كانت وقتها مسألة حياة او موت
    لانى عايزة اتعلم كمبيوتر علشان اكون مؤهلة للبحث عن وظيفة
    المهم لما رحت سألت انا ووالدى ودخلنا للست دى
    وانا فاكرة كويس جداا انها ما احترمتشى وجود الراجل الكبير ولا حتى قالتله اتفضل اقعد
    المهم قلتلها ليه حضرتك ما اتصلتوش بيا
    قالتى خلاص كل الاماكن خلصت
    قلتلها لا انا اعرف ان لسة فيه اماكن فى المواعيد كذا كذا
    وطبعا الدكتور بتاعى هو اللى كان قايللى
    قالتلى لا مفيش أماكن
    قلتلها طب كلمى الدكتور كذا واعرفى منه
    قالتلى لا واتفضلى حضرتك ومفيش أماكن
    وطبعا اسلوبها كان وحش قدام والدى
    وانا كنت مقاوحة معاها ومارضيتشى امشى
    وهى قعدت تزعق وقعدت تقوللى قلتلك مفيش واتفضلى
    المهم خرجت انا ووالدى ورجعنا على الدكتور بتاعى فى الكلية
    وطبعا استغرب من اللى احنا حكيناه انا ووالدى
    وقعد يشكر فى الست وذوقها وأدبها
    بس طبعا الذوق والأدب ده ما بيظهرشى غير فى الكوسة
    ما علينا الدكتور اتصل بيها وقعد يكلمها ويهديها
    لانها ياحرام كانت اعصابها تعبت منى
    المهم فى النهاية الدكتور عرف منها انى لا يمكن هاقدر اشترك فى الكورسات دى
    لانى خريجة هندسة ولانها معمولة اكتر لخريجى الكليات الغير هندسية
    طبعا وقتها كان احساسى كأن نهاية العالم حصلت
    وحسيت بالقهر والظلم والاضطهاد والكوسة والمحسوبية
    وكل كل حاجة
    وفضلت صابرة لعل ربنا يعوضنى خير منها
    وفعلا يا هبة ربنا عطاؤه كبير وفرجه أكيد قريب
    بعد سنتين من تخرجى سمعت عن منحة وزارة الاتصالات وتكنولوجيا المعلومات
    وكانت منحة شبكات شوفتى بقة ياهبة
    منحة شبكات مش أوفيس عبيط كنت هاموت نفسى عشانه
    وكنت وقتها بشتغل بالعقد فى هيئة حكومية
    وكان شرط المنحة ان اتنين موظفين يضمنونى فى 10000 جنيه لضمان اتمام المنحة للنهاية
    طبعا كلنا عارفين الشرط المهبب ده
    وكان هو بالنسبة لى الشرط المستحيل اللى لا يمكن تنفيذه
    تخيلى فضل ربنا وكرمه عليا لانه كاتبلى انى ادخل المنحة دى
    علشان هو اراد انه يكافأنى على صبرى تفتكرى حصل ايه
    ؟؟؟؟؟؟؟؟
    والله العظيم ياهبة انا لغايت دلوقتى مش مصدقة
    لان اللى حصل والله ما كنتش متوقعاه
    تفتكرى فيه حد فى الزمن ده ممكن يضمنك حتى فى 10 جنيه
    ولو نقول حد قريبك احتمااااااااال ضعيف جداااااااا فى هذا الزمن الأغبر
    لكن لما تيجى من الأغراب يبقى ايه ده تفتكرى؟؟؟
    يبقى اسمها ارادة الله وقدرته ومشيئته
    هو الذى يقول للشىء كن فيكون
    ياهبة الاتنين الموظفين اللى ضمنونى فى ال10000 جنيه عشان المنحة
    كانوا مهندسين كبار بيشتغلوا فى نفس الهيئة الحكومية اللى انا بشتغل فيها بالعقد
    وكانوا بيشكروا دايما فى اخلاقى و انضباطى والتزامى فى العمل وكانوا يعرفوا والدى
    معرفة عادية يعنى كمان مش أصحابه اوى
    لكن هم كانوا بيتوسموا فيا التفوق والنجاح وكانوا حاسين من كلامى عن المنحة
    انى استاهلها جدااااا
    وفعلا تم المراد واشتركت فى المنحة والحمد لله خلصتها وخلصت كمان امتحانات مايكروسوفت على حسابى الشخصى كمان
    ومش هتصدقى دى كمان ان اليوم اللى اشتركت فيه فى المنحة وعرفت انى اتقبلت فيها
    كان هو نفس اليوم اللى استلمت فيه ورق تعيينى فى الحكومة
    شوفتى ياهبة فرج الله للمؤمن الصابر كبير وعظيم اد ايه
    ولولا مرتب شغل الحكومة اللى طبعا انا مش بحبه لانه لا يناسب المهندس
    لكن فلوسه هى اللى خلتنى اقدر اكمل امتحانات مايكروسوفت واحصل على شهادة
    MCSE
    وبعدها بسنة كمان اشتركت بمنحة جرافيك كمان بس كنت مسائى لانى من العاملين فى الحكومة
    ايه رأيك فى الحكاية دى يا هبة
    هل تفتكرى لو كانوا يخيرونى وقت ما كنت زعلانة وهاموت على كورسات الاوفيس
    بمنحتين الشبكات والجرافيك تفتكرى كنت هاختار ايه
    ؟؟؟؟؟؟؟؟؟؟؟
    قال تعالى
    "
    واصبر وما صبرك الا بالله ولا تحزن عليهم ولا تك في ضيق مما يمكرون
    "
    صدق الله العظيم
    سورة النحل - سورة 16 - آية 127


    عن ابن عباس رضي الله عنهما قال كنت خلف النبي صلى الله عليه وسلم يوما فقال
    "يا غلام إني أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك وإن اجتمعوا على أن يضروك بشيء لم يضروك إلا بشيء قد كتبه الله عليك رفعت الأقلام وجفت الصحف "
    رواه الترمذي
    وفي رواية غير الترمذي
    "احفظ الله تجده أمامك تعرف إلى الله في الرخاء يعرفك في الشدة واعلم أن ما أخطأك لم يكن ليصيبك وما أصابك لم يكن ليخطئك واعلم أن النصر مع الصبر وأن الفرج مع الكرب وأن مع العسر يسرا "
    Last edited by hopy_braya; 23-07-2009 at 11:28 AM.

  7. #3

    Default شكر خاص

    السلام عليكم ورحمه الله وبركاته
    اولا بحب اشكرك يا باشمهندسه
    hopy_braya
    بجد الف شكر ليكي وانا الحمد لله بقيت احسن لاني تذكرت ان كل امور المؤمن له خير
    ان اصابته سار فشكر فكان خيرا له وان اصابته ضراء فصبر فكان خيرا له
    وانا الحمد لله عارف اكيد في حاجه احسن ان شاء الله بس انا كنت مصدومه
    ولكن سرعان ما تذكرت ان كل حاجه رزق وربنا هواللي بايده ارزاق العباد
    فعلا والله انا صابره بس احيانا بتكون حالتي النفسيه مش كويسه
    بس مفيش بايدي حاجه غير اني اقول الحمد لله علي كل شئ
    ودي ارزاق الحمد لله
    بس بجد معقوله يكون اللي حصل معاكي ده
    في حد فعلا في الزمن ده بيضمن حد حتي ولو كان قريبه
    سبحان الله شوفي اللي حصل معاكي وكمان ناس اغراب
    فعلا الاخلاق الكويسه هي السبب الوحيد لنيل حب الناس وتقديرهم
    وانا فعلا اللي حصل ليا ده كان سبب اني متعلقش باي حاجه زياده عن اللزوم
    بس انا ذي اي حد تعب في الدراسه واجتهد كتير
    انا عايزه اقولك يا هوبي اني والله ما كانش في اي حاجه
    عندي غير الدراسه والمذاكره وتعرفي كمان اني مكنتش برضي انزل مع اصحابي
    فسحه علشان اروح واذاكر
    وانا متاكده ان شاء الله هيعطي كل واحد تعبه بس هيا مساله وقت
    باذن الله ربنا يكرمنا كلنا
    بجد اللي حصل ده علمني كتير وكمان تجربتك اتعلمت منها وربنا يكرمك ان شاء الله
    بس هسالك سؤال انتي كنتي بتجددي صبرك ازاي
    انا عارفه هو التقرب لربنا
    يا ريت تقوليلي علي حاجات اعملها للزياده اكتر
    وجزاكي الله خيرا
    وشكرا علي قريتك لرسالتي وردك عليها
    والسلام عليكم ورحمة الله وبركاته

    من مواضيع mohandsa heba :


  8. Forum Ads:

  9. #4
    Join Date
    Jan 2008
    Location
    Elmahalla Elkobra
    Posts
    375
    Blog Entries
    5
    Rep Power
    13

    Default

    قل لن يصيبنا إلا ما كتب الله لنا

    والدتي ديما تكرر الآية دي .... و المشاكل اللي حصلت في حياتي خلتني بقى عندي إقتناع رهيب إني مدام أنا مجتهد و براعي ضميري ... ديما الخير هو اللي هيحصل ....
    أنا في مواقف شخصية إتظلمت فيها من ناس قريبة مني ... و وقتها كنت بفكر إزاي انتقم من الناس دي .. بس فيه اللي قالي فوض أمرك لربنا ... و هو هيجبلك حقك ... مش عاوز أقول يا هبة إني جالي أكتر من حقي اللي كنت بحلم بيه بكتير ... و ده زي ما بقولك موضوع شخصي ... بس ربنا مش بيسيب حق حد مظلوم ....

    موقف تاني حصل معايا
    لما والدي توفى كنت بخلص ورق الجيش ... و كان في موظف في إدارة التجنيد موقفلي المراكب السايرة لحد ما خلاني قرفت من نفسي و من الشهادة وقلت وقتها مش عاملها حتى لو هادخل الجيش و سبت الملف مرمي في إدارة التجنيد لمدة شهرين و لما إتعينت في الكهرباء كان مطلوب مني شهادة التجنيد ... و طبعا كنت عارف اني هيطلع عيني مع الموظف ده تاني ... لكن لما روحت لقيت موظف غيره هو اللي موجود ... و مش عاوز أقولك إن الورق خلص بمنتهى السهولة مع إنه كان بقاله شهرين مرمي و مكنوش لقيينوا ... الغريب إن الموظف اللي قبل كده كان عاوز يديني شهادة باعفاء مؤقت ... يعني ممكن اخش الجيش تاني ... إنما الموظف التاني إداني إعفاء نهائي يعني مدخلش الجيش نهائي ... لأني حالتي كانت تنطبق عليها الشروط
    شوفي بقى لو كنت سمعت كلام الناس وقتها و جبت واسطة عشان الموظف الاولاني يخلص الورق بتاعي .... كان زماني في الجيش

    و في مواقف كتير حصلت معايا كنت متعصب منها لكن لما ربنا بيريد ... تلاقي النتيجة أحسن من اللي كنت موتقعاها بكتير
    فوضي أمرك لله و متزعليش ... مدام إنت مجتهدة فإعرفي إن الله لن يضيع أجر من أحسن عملا
    Last edited by Eng.Teefa; 24-07-2009 at 08:55 AM.

  10. #5
    Join Date
    Jan 2008
    Location
    Egypt
    Posts
    3,946
    Blog Entries
    1
    Rep Power
    16

    Default

    اولا العفو ياهبة ولا شكر على واجب
    لاننا كلنا هنا اخوات ولازم نقف بجانب بعض
    فى الأزمات ونساند بعض فى الشدائد
    وللمرة التانية والله العظيم فعلا فيه اتنين موظفين
    فى الهيئة الحكومية اللى كنت بشتغل
    فيها ضمنونى فى 10000 جنيه وهم اللى خلوا كمان جهة الشغل
    بتاعتهم تختم لى بختم النسر
    لانه كان مطلوب جدااااااا فى ورقة الضمان والاقرار
    اللى كنت لازم اكتبها على نفسى قبل دخول المنحة
    ثانيا بالنسبة لتجديد الصبر وعملت ايه
    بصى ياهبة انا بعد سنة من تخرجى توفيت أختى الصغيرة
    وكانت فى المرحلة الابتدائية وكانت عندها 9 سنين
    ومش عايزة اقولك كنا مرتبطين بيها اد ايه
    وكانت كارثة فظيعة بالنسبة لينا فى البيت لانها كانت
    طفلة وكانت آخر العنقود زى ما بيقولوا وكنا كلنا بنموت فيها
    وطبعا مش عايزة اعيد الكلام ان ربنا لما يبتلى الانسان
    بيختبر صبره وقوة تحمله على ابتلاؤه وساعتها بيكافئه على صبره خير الجزاء
    ومكافأة ربنا وقتها لينا على صبرنا على كارثة موت أختى
    انه جعل احدى صديقات والدتى تنصحها بالذهاب الى دار لتحفيظ القرآن الكريم
    علشان يخرجها من حالة الانكسار والحزن والانهيار اللى كانت فيه
    وفعلا اشتركنا فيه وساعتها عرفنا اد ايه كنا غافلين وجاهلين بأمور كتير فى ديننا
    لاننا عرفنا حاجات كتير ماكناش عارفينها فى الدين
    وع فكرة ده حال معظم الناس فى الحياة دلوقتى
    بتنجرف فى الدنيا ومشاكلها وبتنسى التقرب الى الله
    بصى ياهبة انا مش هاقولك مثلا انى لبست النقاب وانى بقيت من الأخوة
    واشتغلت داعية اسلامى ومشيت فى التيار ده
    لالا بالعكس الدار اخدنا منه اللى يخلينا نقدر نحقق التوازن والتعادل فى الحياة الدنيا
    يعنى اولا طبعا اتعلمنا أحكام تجويد القرآن الكريم وكمان حفظنا أجزاء منه
    وعرفنا أهمية اذكار الصباح والمساء وأهمية صلاة الفجر قبل الشروق
    واحكام الوضوء وطرق الصلاة الصحيحة والحفاظ على الصلاة والالتزام بيها فى مواعيدها
    واحكام الصوم والزكاة وكثير من دروس العقيدة
    وطبعا كل اللى اتعلمناه ده فيه اللى كنا جاهلين عنه او كنا بنعمله غلط قبل وفاة أختى
    شوفتى ياهبة ازاى أحيانا ابتلاء الموت بيدر خير على الانسان لا يعلمه الا عندما يراه بنفسه
    وانا بعترف انى انقطعت عن الذهاب للدار
    من بداية المنحة لان مواعيدها كانت بتتضارب مع مواعيده
    لكنى التزمت بكل اللى اتعلمته فيه وبقيت بعمله لوحدى
    و يكفى اننا عرفنا الطريق الصحيح وعرفنا ماكنا غافلين عنه فى الماضى
    يعنى فى النهاية يا هبة عايزاكى لو كنتى غافلة تحاولى تتقربى من ربنا أكتر
    وتلتزمى بكل اللى يرضيه عنك وخصوصا الصلاة وقراءة القرآن
    لازم أو من الأفضل ان يكون لك ورد يومى من القرآن الكريم
    تخصصى له وقت معين وتلتزمى بيه الى جانب أذكار الصباح والمساء التى لاغنى عنها
    لان ربنا قال فى كتابه الكريم
    "
    واستعينوا بالصبر والصلاة وانها لكبيرة الا على الخاشعين
    "
    سورة البقرة -- آية 45

    وانا متأكدة ان جزاء صبرك هيبقى خير باذن الله وبكرة هتحكيلنا
    على مكافأة ربنا ليكى على قوة تحملك وصبرك على ابتلائك
    هنا وفى نفس الصفحة ان شاء الله
    Last edited by hopy_braya; 24-07-2009 at 11:10 PM.

    MCP,MCSA,MCSE
    ACE,ICDL
    ******
    يا قارئ خطى لا تبكى على موتى
    ******
    فاليوم انا معك وغدا فى التراب فان عشت فانى معك وان مت فللذكرى
    ******

    من مواضيع hopy_braya :


  11. Forum Ads:

  12. #6

    Default

    السلام عليكم ورحمة الله وبركاته

    أختى وحبيبتى فى الله /هبة

    اعلمى ياحبيبتى ان كل شيء فى الحياةالدنيا دى قدر ورزق ,وكل واحد مقدر له رزقه وهو فى بطن

    أمه ,وانتى ما عليكى الا ان تأخذى بالاسباب فقط ,وتستبشرى خيرا

    وتأكدى ان ربنا كرييييم ماأخذ منك إلا ليعطيكى ,ويكفيكى أن تعلمى انه فى باب دائما وابدا مفتوح لك وهو باب ربنا الذى لا يغلق ,فإذا اغلقت كل الابواب فى وجهك ما عليكى الا ان تتوجهى الى فاطر السموات والارض ورب كل شيء ومليكه,وتأكدى أن الله لا يضيع أجر من أحسن عملا

    صغيرتى :انتى عارفه لى ربنا حرم الظلم ؟؟لان وقع الظلم على النفس شديد

    ولكن يابختك لانكى الان لكى دعوة لا ترد ابدا ,تأملى معى حديث رسول الله صلى الله عليه وسلم


    اعلم أن دعوة المظلوم مستجابة لا ترد مسلماً كان أو كافراً، ففي حديث أنس قال: قال رسول الله : { اتقوا دعوة المظلوم وإن كان كافراً؛ فإنه ليس دونها حجاب }. فالجزاء يأتي عاجلاً من رب العزة تبارك وتعالى، وقد أجاد من قال:

    لاتظلمن إذا ما كنت مقتدراً *** فالظلم آخره يأتيك بالندم

    نامت عيونك والمظلوم منتبه *** يدعو عليك وعين الله لم تنم



    وتأملى معى وعيد الله سبحانه وتعالى لكل ظالم فى قوله تعالى

    فتذكر أيها الظالم: قول الله عز وجل: وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ (42) مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء [ابراهيم:

    43،42]. وقوله سبحانه: أَيَحْسَبُ الْإِنسَانُ أَن يُتْرَكَ سُدًى [القيامة:36]. وقوله تعالى: سَنَسْتَدْرِجُهُم مِّنْ حَيْثُ لَا يَعْلَمُونَ (44) وَأُمْلِي لَهُمْ إِنَّ كَيْدِي مَتِينٌ [القلم:45،44]. وقوله : { إن الله ليملي للظالم فإذا أخذه لم يفلته }، ثم قرأ: وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ [هود:102]، وقوله تعالى: وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ [الشعراء:227].



    وتذكر أيها الظالم: الموت وسكرته وشدته، والقبر وظلمته وضيقه، والميزان ودقته، والصراط وزلته، والحشر وأحواله، والنشر وأهواله

    . تذكر إذا نزل بك ملك الموت ليقبض روحك، وإذا أنزلت في القبر مع عملك وحدك، وإذا استدعاك للحساب ربك، وإذا طال يوم القيامة وقوفك




    واعلمى وتأكدى ان كل واحد فينا فى حياته قاسى وعانى وكل حد فينا تلاقى عنده قصه ,بل قصص ولكن ماهى الا دنيا لا تساوى عند الله جناح بعوضه واخيرا وليس أخرا اصبرى واحتسبي واستبشرى خيرا وان شاء الله ربنا يكرمك يارب

  13. #7
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    والله انا اتأثرت بكلامكم كلكم
    كثير منا بيظلم وربما يظلم! لكن اهم شئ الصبر و الايمان بان الله لا يضيع اجر من احسن عملا و كتير منا فعلا لما بيصبر بيلاقى الخير قدامنا وبنعرف ان ربنا سبحانه وتعالى بيحبه بالرغم انه بيقصر فى حاجات كتير و بنغفل عنها!
    خير الخطائين التوابين!
    انصحك يا هبه و انصحكم و انصح نفسى بان نذكرنفسنا دايما اننا ما نعيش الا فى حياة دنيا! و هى قليلة قليلة قصاد الاخرة! و الدنيا ما هى الا اوقات حزن و اوقات سعادة ولن تشعرى بالسعادة الا اذا شعرتى بالحزن! ولن تعدلى بين الناس الا لو ظلمتى من اناس على مر الايام وسبحان الله!
    ذكرى نفسك دائما اننا فى دنيا واعفى عن الناس وادعى لهم بالهداية افضل من الدعاء عليهم!
    Last edited by hopy_braya; 24-07-2009 at 11:05 PM.

  14. #8

    Default

    السلام عليكم ورحمه الله وبركاته
    اولا انا بشكر كل الناس اللي قرات رسالتي وردت عليا
    متعرفوش والله انا ارتحت اكتر واكتر لما لقيت بجد ناس
    معرفهاش ولا شفتها ولكن حست بيا وردت عليا وكلامها ريحني
    بجد الف شكر ليكم كلكم
    انا متشكره جدا كلامكم بجد ريحني
    وكنت عايزه اقولك يا هوبي اني الحمد لله بصلي كل فرض في وقته وكمان صلاه الفجر حاضر
    وقيام الليل وليا كل يوم ورد قراني الحمد لله
    انا مش بمدح في نفسي بس هو ده اللي انا بعمله
    وهعمل ان شاء الله بكلامك واروح مكتب تحفيظ قران مع اني بحفظ الحمد لله مع نفسي
    بس علشان اعرف الاحكام وكمان حاجات تاني
    واخيرا بجد شكرا شكرا
    وربنا يكرمنا كلنا ان شاء الله
    والسلام عليكم

    من مواضيع mohandsa heba :


  15. #9
    Join Date
    Jan 2008
    Location
    Egypt
    Posts
    3,946
    Blog Entries
    1
    Rep Power
    16

    Default

    صدقينى ياهبة انا متأكدة ان كرم ربنا عليكى
    وجزاؤه ليكى على صبرك على ابتلائك وانتى قريبة منه كدة
    وبالشكل اللى انتى بتقوليه ده
    هيبقى كرم كبير جداااااااا وخير وفير بلا حدود
    لانك انسانة مؤمنة وقريبة من ربنا
    وبتقبلى على طاعته
    وان شاء الله عايزين نسمع عنك كل خير
    وأكيد احنا كأخوة وأخوات فى المنتدى
    اكتسبنا أخت جديدة وعزيزة علينا كلنا

  16. #10

    Default

    السلام عليكم ورحمه الله وبركاته
    الف شكر ليكي يا هوبي ولكل الناس اللي اهتمت برسالتي وردت عليا
    واكيد انا اتشرف اني اكون اخت ليكم في الله
    والسلام عليكم

    من مواضيع mohandsa heba :


  17. #11

  18. #12

    Default

    السلام عليكم ورحمه الله وبركاته
    يا جماعه عايزه اقولكوا اني كنت حكتلكوا علي مشكلتي
    وكنت زعلانه جدا وكمان بعيط اني ممتحنتش في شركه الميه
    والله كرم ربنا كبير عليا
    اني امتحنت في شركه الكهرباء
    وده كان حصل بعد مشكله مع الراجل المسؤل عن الامتحان
    وكمان هو فاكر اني انا السبب في المشكله دي وكان بيكلمني بقله ذوق جدا
    ووصل لحتي انه كان اتنرفز ع الاخر
    بس سبحان الله لما ربنا بيريد مفيش حد بيقدر يمنع اللي ربنا رايده
    كنت زعلانه ع شركه الميه سبحان الله عوضني بالامتحان في شركه الكهرباء
    بس ادعولي اني اتقبل ويعنوني بسرعه علشان دي بتاخد وقت
    اذا ما كانش في واسطه
    شوفتوا كرم ربنا كريم لما بيحرم حد من حاجه بيكون عمل ده الا
    اذا كان هيعيطه حاجه احسن
    ادعولي اني اتقبل في الشغله دي
    والسلام عليكم ورحمه الله وبركاته

    من مواضيع mohandsa heba :


  19. #13

    Default

    يااااااااااااارب ربنا يكرمك ياهبه ياااااااااااارب

    ويرزقك العمل الصالح

    ربنا كريم بس انتى قولى يارب,

    انا منتظرة انى ابارك لك على التعين ان شاء الله



    ربنا معاكى حبيبتى

  20. #14

    Default

    السلام عليكم ورحمه الله وبركاته
    شكرا ليكي يا نداء الاسلام
    وربنا يوفقنا كلنا اللي فيه الخير
    ومتنسيش تدعيلي في صلاه الفجر
    والسلام عليكم

    من مواضيع mohandsa heba :


  21. #15
    Join Date
    Feb 2008
    Posts
    532
    Blog Entries
    2
    Rep Power
    13

    Default

    يا بشمهندسه
    بدعيلك والله ربنا يكرمك ويوفقك فى الكهربا
    واحسنى الظن بربنا هيوفقك ان شاء الله
    "انا عند ظن عبدى بى وانا معه اذا ذكرنى"



    المهم بئه انى عاوز الحلاوه ان شاء الله لما تتعينى
    مش هتنازل عنها ابدا
    :d:d:d
    إذا كان عندك ملل من الدنيا وضيق في النفس وقلق وتفكير زائدين وخوف من المستقبل وعدم راحة في العيش ،، قل لا إله إلا الله محمد رسول الله ...
    فلديك نقص في الدين وستجده إن شاء الله بالصلاة والاستغفار وطاعة أوامر الله سبحانه وتعالى .

    Best Regards,
    MOHAMMED ELJOKER
    Security Engineer

    من مواضيع eljoker70000 :


Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب