إضغط لتفاصيل الإعلانات



Results 1 to 6 of 6
Share
  1. #1

    Default من غير ما الصعايده يزعلوا والله ده هزار

    واحـدصعيدي اشترى بي ام دابليو بمواصفات خاصه فيها كمبيوتر يصلح اي خلل بدون ما
    يروح الوكالة
    الصعيدي حب يجرب
    صدم من عند الباب الأيمن - رد الكمبيوتر: يا أيها الباب ارجع كما كنت !
    رجع صدم من عند الباب اليسار - رد الكمبيوتر: يا أيها الباب الآخر ارجع كما
    كنت
    الصعيدي أعجبته الحكاية وقام طار من فوق الجسر المعلق
    رد الكمبيوتر: يا أيتها النفس المطمئنة ارجعي إلى ربك راضيه مرضيه
    ________________________________
    من سيربح المنطلون
    : المذيع : يا مرحب بالرجالة فى المنطجة و فى كل المناطج اللى جامبينا
    أهلا و سهلا بيكوم و حلجة جاديدة من برنامج الفوازير (من سيربح البنطلون)
    طبعا زى ما كُلاتنا عارفين المسابجة عبارة عن مجموعة أسئلة اللى هيجاوبها كلاتها صح هيربح من البرنامج جايزة عبارة عن منلطون جينز مجاس تلاتة واربعين

    : زى ما حضاراتكوا شايفين معايا ده مش أى بنطلون .. مش أى منلطون .. إنما واضح إنه منلطون بانتاكور
    أعزائى المشاهدين نسينا نفكر حضاراتكوم إن عندنا 3 وسائل مساعدة
    الأولى : الإتصال بصديق
    التانية : حدف إجابتين
    السابعة : رأى الجمهور
    ها و معانا أول متسابج .. و نجول ألوه
    بسطاوى : أباه .. تجول ألوه إيه .. مانى جاعد جدامك أهاااااو http://img.aljasr.com/icon.aspx?i=icon_smile_sad
    المذيع : أووووباى عليك يا شيخ .. والله وجوداك زى عدمك يا شيخ
    المهم .. جول ..نتعرف بيك .. جول
    seniora ali:

    بسطاوى : أممممممممم .. أطلب رأى الجامهور
    المذيع : ماشى
    بسطاوى : إحذف الأول إجابتين
    المذيع : أبااااااه عليك .. تحذف مين يا مغفل .. متيبجاش ميتخلف أووومال
    ياااد بيجولاك إستعين بصديج يكون بالادياتاك .. يعنى عارف أسراراك و يعرف ماراتاك ياااااك
    بسطاوى : أيوة أيوة .. أستعين بدرويش http://img.aljasr.com/icon.aspx?i=icon_smile_approve
    seniora ali: المذيع : ااااااه مفيش إلا درويش .. عارفه الفجرى ده
    خلاص .. الكانتارول روم .. يا كانتارول .. إنت يا كانتارول خليك إمعايا آنى أيوة
    إتصلنا بالذفت اللى إسمو درويش دا .. و إياك يكون عاندينا رصيد
    الو .. إزيك ياعم درويش
    seniora ali: بجا يا راااجل يا جزمة بجالى حلاجتين باجولك إبعت الجمعية يا رااااجل
    المهم .. جوداماك عشرين يوم من أول ما بسطاوى يبدأ الكلام
    إتفضل يا بسطاوى
    بسطاوى : ألوه .. إزيك يا دارويش
    درويش : إزيك يا باسطاوى
    بسطاوى : كيفاك يا ويلد .. و كيف البهايم اللى حاداك
    seniora ali: درويش : آنى تمام .. و البهايم اللى حادايا كيف البهايم اللى حداك يا بسطااااوى
    بسطاوى : بجولاك إية يا درويش .. المذيع إهنيه عاوز يعرف إسمى إية .. أجوللو إية
    درويش : طب ما تجوللو على إسمك يا بسطاااوى
    بسطاوى : أبااااااى عالغباوةى .. ماااانى لو أعرف كنت جولتله و مكنتش إتصلت بيك مالأول
    المذيع : يا جماعة كدا الوجت بيمر .. فات أسبوعين لحد ديلواك

    :
    درويش : أجوللاك !!!!!
    بسطاوى : أيوة
    درويش : جوللو بسطاوى يا بسطااااااوى
    بسطاوى : متأكد ؟؟؟
    درويش : أها !! .. طبعا يا بسطااااوى
    المذيع : ها .. جالاك إية يا بسطاوى ..ها

    :
    بسطاوى : إية .. خبرك إية إنتا http://img.aljasr.com/icon.aspx?i=icon_smile_blackeye
    المذيع : بجولاك .. جالك إسمك إية يا بسطاوى .. ها
    بسطاوى : إية إية .. خبرك إية
    لاااع آنى مش هغامر .. وة هنسحب
    المذيع : غوووور .. غووووور يا فاجرى http://img.aljasr.com/icon.aspx?i=icon_smile_evil
    تحيه كابيرة جاوى من السادة المشاهدين للمتسابج الغبى و نسمعله أحلى سلام ذئاب الجبل

    :

    جالو عالينا ديابة و إحنا يا ناااس غباوة ... يا مغنواتى غنى حكايتنا بالحلااااااواااا
    واجًييييييييييف
    أعزائى المشاهدين .. نيجى معاكوا بعد الفاصل مع المتسابج التانى
    خليكو معانا
    ..........
    أوعى حد يسيب الغيط
    _____________________________
    : البرنامج التافهه ... انا والنجوم وهواك جامده موووووت
    : الحب

    ذلك الشعور السهلبيسي الذي يزغزغ عقول البشر

    و يهشك قلوبهم
    مستمعينا لسه بنتكلم عن الحب وحلقتنا النهارده عن

    الاستهبال في الحب

    معاكم اسامه منير علي نجوم fm مزيكا علي كيف كيفك

    :
    في.. انا و البطيخ و هواك

    من دلوقتي ولمدة ساعتين
    مستنين تليفوناتكم علي 6066
    او علي 8555022
    او علي ايميل البرنامج
    علي هواك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها
    :
    دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
    و الشعور دا متولد و منبثق من الاحساس التواجدي الكوني في اللامركزيه العصبيه للقلب
    و دايما بتقابلنا مواقف كلها استهبال في الحب

    ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
    وخصوصا اننا جيل موبايلات و انتوا عارفين ان انا عندي 21 سنة فحاسس بيكم و حاسس بمشاكل الجيل كلها ...
    :
    اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
    تقولك انت بتستهبل يا حبيبي اتلم ( سويرس ) يشوفنا
    :
    او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
    و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
    فتضطر تصالحها بكارت ب 5 و تستهبل .. تلاقيها بتصرخ في وشك و تقول
    انت بتستهبل؟؟
    اقل من 200 متورنيش خلقتك
    :
    و حبيبك اللي ييجي في اوقات يعمل فيها عالم فلك و يقولك انا بقرا الكف
    و يفضل ماسك في كف ايدك ولا كأنه شاف ايدين قبل كدا
    و في الاخر تقوليله
    انت بتستهبل ؟؟ حد يشوفنا
    :
    مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
    وممكن مغص كلوي
    مستمعينا مستني تليفوناتكم علي 6066
    او علي 8555022
    او علي ايميل البرنامج
    علي هواك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها ياما زحلقها
    :
    نستقبل اول اتصال تليفوني و نقول الوو

    الوو
    الووو
    الووووو

    انتى يا حاجه
    :
    واضح ان الخط قطع

    - الوو ايوا يا اثامه

    اهلا نتعرف بيكي ..

    - بثمه من بنــــــــــــــــها

    اهلا بيكي يا بسمه ياريت تعلي صوتك شويه

    - معلش يا اثامه اثل انا بتكلم من تحت البطنية ..
    : مفهوم طبعا عشان محدش يقفشك و انت بتتكلمي
    بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

    - بص يا اثامه اولا انا بموت موت موت جدا في البرنامج بتاعك و والله مش بفوت ولا حلقة منه ابدا خالث
    و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..

    :
    هو بيضحك وفاتح بقه زي الحمار اهوه و بيقولك
    مرسي ليكي يا بسمه
    - يا اثامه انا بكلمك عشان الحلقة بتاعتك النهارده مخثوث عشاني
    انا كنت بحب واحد و انا في 2 ابتدائي و فضلنا نحب بعض للجامعة
    جميل
    :
    - اهـء اهـء اهـء
    لا اهدي يا بسمه و قوليلي ايه اللي حصل

    - يا اثامه اخد كل حاجة كل حاجة

    اححمم
    حتى الموبايل
    خد الموبايل يا بسمه
    - يا اثامه بقولك كل حاجة
    اهـء هـء هـء
    :
    طيب اهدي يا بسمه
    بصي يا بسمه
    الحب شعور متبادل بين اتنين
    مينفعش طرف واحد من غير الطرف الاخر و لازم الاتنين يكونوا متفاهمين و متعاونين
    هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
    برغوته الجديدة حل المشكله
    :
    مستمعينا نسينا نقول ان تايد من رعاة البرنامج
    مع تاااااايد في الغسيل مفيش مستحييل

    بشكرك يا بسمه علي اتصالك و بهديلك اغنية السوبر ستار
    يا قاعدة علي الترعه و بتغسلي المواعين
    جاتك ستين وكسه أخدتي أيه من الغسيل
    :
    نص ساعة اعلانات ..
    انا و البطيخ و هواك برنامج للحب و عن الحب
    مع اوووووسامه منير

    الحب
    لحظات من الامل متولدة في وسط غابات الغضب البشري الجارف المتعارض مع احداث الحياة
    فالحياة بدون حب
    كالشجرة بدون قرود ..
    :
    مستمعينا لسه بنتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..
    BUZZ!!!

    d الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

    هاه ؟؟ عشره رصيد

    طيب اشطه يا حتوم .. اخوك بقا هاه
    نستقبل اتصال تليفوني و نقول الووو
    :
    الووو

    الوووووو

    يووووووه انتى يا بت

    الظاهر الخط قطع

    الوو ايوا يا اسامه

    اهلا نتعرف بيكي
    ياريت تعلي صوتك لان الصوت بعيد اوي

    _معلش اصل انا بكلمك من الحمام
    : انا اسماء من المنصورة

    اهلا بيكي يا اسماء
    سمر بتكلم النهادرة عن الاستهبال في الحب
    انت ايه رأيك في الاتستهبال عامة و خصوصا في الحب

    _اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

    ربنا يخليكي يا سماح ..

    :
    انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف

    مين يااسماء ؟؟

    _شلحف هو اسمه شادي بس انا بدلعه شلحف
    قام ضارب الواد اللي عاكسني بالحديد شاقق له دماغه
    : هو دلوقتي في السجن
    و انا بحبه اوي يا اسامه و مش عارفه اعمل ايه
    و اهلي بيضغطوا عليا مووووت مووووت عشان اتجوز واحد قد ابويا
    اسامه انا مش عارفه اعمل ايه
    أنا بحب شلحف أوي

    بصي يا سيدة

    _اسماء

    اه سوري
    :
    بصي يا اسماء

    بنقابل ناس في حياتنا بنحبهم و بيحبونا و ديما كتير بنكون شبهم و زيهم .. حتى الحب نفسه سعات بيحب انه يتكون على حبيب و حبيبه
    و حبيبك بيحبك و ان شاء الله يطلع بالسلامة
    بس تعرفي هو لو كان الحديده مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..

    :
    شكرا يا ساره على اتصالك و بهديلك اغنية السوبر ستار

    يا مسجون في لومان طره
    نفسي اكل معاك كوز دره

    :
    مستمعينا لسه بتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

    نص ساعة اعلانات
    :
    مستمعينا لسه بتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

    اس ام اس كتيرررر جدا النهاردة
    :
    هااي اسامه بحبك مووت... وبحب صوتك .. .. بجد وهدؤك بالكلام انا بحبك اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون..
    __________________

    :
    هاى يااسامة ازيك يا جميل
    البرنامج جميل جدا وانت كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
    بحبك يا تامر
    قصدي يا جابر
    حبيبتك شاهيناز
    :
    هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا
    حتى لو فضلت تقرقض في ضوافر رجليها ببقها ..
    __________________
    :
    هااي يا اسامه ازيك
    يا اسامه عاوز الايميل بتاعك بجد في مواضيع مهمه قوي عندي عاوز الحل ليها .. معلش يا اسامه بليز و الله يا اسامه انا تعبانه موووت و انت الامل الوحيد ليا ..

    :
    هااي اسامه يا احلي و اجمل صوت في الدنيا
    اسامه بليز ممكن حلقه عن الحب من طرف واحد اصل اخوك كهربائي سيارات ...
    بحبك مووووت يا سوكا
    :
    هااي يا اسامه انت اجمل و احلي صوت في الكون كله
    ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه
    خالص.. و هتنازل عن تمن الموبايل اللي ضربوا مني في الشهر اللي فات و باعه
    :
    اسامه اسامه اسامه
    ازيك يا جميل
    على فكره يا عم انت شوفلك حل .. حبيبتى بتحبك
    انا محمدين من دمياط .. بحبك قوى يا رضوى
    :
    هاااي يا اسامه ازيك عامل ايه
    انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى ... بحبك يا بعجررر
    __________________
    :
    هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد
    بحبك يا سندس ااوووي و نفسي اخد الرصيد اللي في موبايلك كله ..
    BUZZ!!!
    هاااي اسامه ازيك
    انا سنية من القاهرة
    انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره
    اسامه انا مش عارفه اعمل ايه انت املي الوحيد
    ________
    : هاااي ا س اس ازيك
    انا عيوشه من شبرا و بحب واحد من الصعيد
    و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه
    بحبك يا صميده موووت موت

    :
    الوقت بيمر معاكم بسرعة وقت حلقتنا انتهى و حاتم فرحان مش عارف ليه
    باين البنت بتاعت الدره حولت له رصيد تاني
    كان معاكم اسامة منير علي نجوم اف ام مزيكا علي كيف كيفك
    في انا و البطيخ و هواك من 12 لـ 2
    بشكر كل اللي كلمنا و اللي بتعت ا س ام اس
    مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
    مزيكا علي كيف كيفك
    برعاية

    وان تاتش
    ولعتين
    و مؤمن
    رويال كير
    وام اشرف
    وآبلز
    سوزان
    و كنتاكي
    و مصنع كوبايات ام سمير
    و كراسة الاول
    سلاح التلميذ
    وسوق السباعى
    مصنع كريمات ام وائل
    كوافير ام ابراهيم للسيدات و قسم خاص للمحجبات
    مزرعة دواجن ابو احمد لتسمين العجول
    نادى قحافه
    اديداس و بوما
    اميجو كوتشي بينور
    امريكانا الجودة
    لانشون حلواني الإخوان
    منظمة التحرير الفلسطينية
    مجلس الشعب
    سمنة البقرتين:
    _____________
    اسفه على الاطاله ويارب يعجبكم


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Jan 2008
    Posts
    106
    Rep Power
    13

    Default

    حلووووي اوي يا نسمه ودمها خفيف بس بلاش الصعايده المنتدي مليان صعايده ههههههههههههههه

  7. #3

  8. Forum Ads:

  9. #4

    Default

    علي فكرة يا هندسة الصعايدة اللي بينزلوا النكت دي بينزلوها
    updated
    كل يوم وانتو بتشتروا يعني الموضوع بيزنس وبس
    فهمان بجا

  10. #5
    Join Date
    Jan 2008
    Posts
    1,785
    Rep Power
    14

  11. Forum Ads:

  12. #6

Similar Threads

  1. مش انا والله
    By eng_mohamed.rabi in forum Engineers discussions
    Replies: 4
    Last Post: 25-01-2011, 09:22 PM
  2. من أجمل قصائد نزار قباني
    By eng_mohamed.rabi in forum Engineers discussions
    Replies: 2
    Last Post: 25-11-2010, 09:25 AM
  3. طلب ضروري والله
    By eng power in forum Mechanical
    Replies: 3
    Last Post: 23-06-2010, 08:48 PM
  4. والله ما كان الفراق اختيارى....
    By redheart in forum Engineers discussions
    Replies: 2
    Last Post: 07-10-2008, 11:16 PM
  5. Replies: 9
    Last Post: 01-06-2008, 09:43 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب