إضغط لتفاصيل الإعلانات



Results 1 to 2 of 2
Share
  1. #1
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

    Talking افندينا لـ احمد فؤاد نجم

    افندينا لـ احمد فؤاد نجم


    افندينا أنعم علينا بعلاوة
    تجيب كيلو جبنة وعلبة حلاوة
    آتاري العلاوة مجرد أتاوة
    و احنا علينا الكلام اختلط
    *****
    عشان في البداية حسبناها خير
    و قلنا نواية حتسند يا زير
    و حسنة حتمنع بلاوي كتير
    و كنا حقيقي في غاية العبط
    *****
    في لحظة افتكرنا ان لينا حقوق
    و نمنا و صحينا لقينا الخازوق
    و قبل اما ! حتى يا عالم نفوق
    لقينا اللي لسه حناخده اتشفط
    *****
    أفندينا يعني في لحظة تجلي
    تعطف تلطف و قرر يخللي
    مساحة الغلابة تزيد ستة مللي
    و ياكلو بدال التراب الزلط
    *****
    أفندينا أعلن صدور القرار
    و قبل اما ينجح في أي اختبار
    فوجئنا بزفة و مولد و زار
    قصايد.. جرايد.. برامج.. يفط
    *****
    تؤكد بأن الحكومة.... بذكاء
    و من حزمة واحدة قضت ع الغلاء
    و لابد يبقى لدينا... انتماء
    و ناكل و نشرب و نلبس خطط
    *****
    عبال النمو اللي قالوا عليه
    و حايشينه عنا مانعرفش ليه
    ماتلمح مكانه في مراية عينيه
    و نقدر ندوق منه... حتى نقط
    *****
    مادام كل حاجة تمام ع الورق
    مفيش أي داعي عشان ال! قلق
    و لو مش مصدق خلاص اتفلق
    ورقـنا اللي صح وكلامك غلط
    *****
    قاللي مواطن عليم بالخبايا
    أفندينا قرر تزيد الجباية
    عشان شعبه جاحد قليل الرباية
    بياكل و ينكر زي القطط!
    *****
    اذا الشعب صدى بفعل البارومة
    حاتعمل حسابه ف ايه الحكومة
    وهي اللي جاهزة بكرباج وشومة
    عشان لوفي واحد في عقله اتخبط
    *****
    تعيش مصر دايما في عز و جمال
    يعيش المواطن شـديد الاحتمال
    و آمن تماما من الاشــــتعال
    و أقصى ما عنده.... ينكت فقط



    احمد فؤاد نجم




  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2

Similar Threads

  1. ايه احلى حاجه في مصر
    By bondo2h in forum Engineers discussions
    Replies: 10
    Last Post: 17-10-2008, 05:10 AM
  2. هو فيه احلى من دول
    By hopy_braya in forum Engineers discussions
    Replies: 2
    Last Post: 28-09-2008, 10:43 AM
  3. أنا مصرى-أحمد فؤاد نجم‏
    By NeSqUiKa in forum Engineers discussions
    Replies: 4
    Last Post: 10-05-2008, 06:40 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب