إضغط لتفاصيل الإعلانات



Results 1 to 7 of 7
Share
  1. #1

    Thumbs up لزوجه طلبت الطلاق...فكيف كان ردة الزوووج-

    بسم الله الرحمن الرحيم



    حاجة
    بسيطة يا جماعة قبل ما تقروا القصة دي هي مش ضد المرأة و لكنها توضح ان المرأة بتتحكم فيهاعواطفها بشكل كبير فكانت احكام دينا العظيم التي لا تحتاج الى شهادة احد هي الأمثل دائما من اية قوانين تسن في اي بلد
    حاجة تانية قله من الرجال مثل هذا الرجل و ربنا يهدي كل الرجال ليكونوا مثله



    يروى عن أحد الإخوة أنه أثناء ذهابه للمنزل حصل بينه وبين زوجته خلاف ومشاجرة

    وهذا الشيء ليس بغريب ولكن هذه المرة طلبت الزوجة الطلاق من زوجها

    وهو الشيء الذي أغضب الزوج فأخرج ورقة من جيبه وكتب عليها .

    نعم انا فلان الفلاني أقرر وبكامل قواي العقليه

    أنني متمسك بزوجتي تمام التمسك ولا أرضى بغيرها زوجة !!!

    ووضع الورقة في مظروف وسلمها للزوجة وخرج من المنزل غاضباً ..

    كل هذا والزوجة لاتعلم مابداخل الورقة ,

    وعندها وقعت الزوجة في ورطة ..أين تذهب وماتقول؟وكيف تم الطلاق؟

    كل هذه الأسئلة جعلتها في دوامة وحيرة وفجأة

    دخل الزوج البيت ودخل مباشرة إلى غرفته دون ان يتحدث بكلمة واحدة ...

    فذهبت الزوجة إلى غرفته وأخذت تضرب الباب

    فرد عليها الزوج بصوت مرتفع ماذا تريديييييييييين؟؟؟

    فردت الزوجة بصوت منخفض ومنكسر ارجوك افتح الباب أريد أن أتحدث إليك !!!

    وبعد تردد فتح الزوج باب الغرفة واذا بالزوجة تسأله بأن يستفتي الشيخ

    وأنها متندمة اشد الندم لعل الذي صار غلطة وأنها لاتقصد ماحدث .

    فرد الزوج وهل أنت متندمة ومتأسفة على ماحدث ...

    فردت الزوجة نعم نعم والله إني ما أقصد ماقلت وإني نادمة

    أشد الندم على ماحدث !

    عندها قال الزوج إفتحي الورقة وانظري مابداخلها !!!

    وفتحت الزوجة الورقة ورأت مابداخلها فاخذت تـقبل الزوج وهي تقول:

    والله ان هذا الدين عظيم أن جعل العصمة بيد الرجل

    ولو جعلها بيدي كنت طلقتك 20 مرة


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2

    Default

    هما فعلا الستات فيها جاجة غريبه تفضل تقول
    طلقنى طلقنى طلقنى طلقنى طلقنى
    و اول ما يقول انتى طلاق تتنح و كأنها مفاجأة وتعقد تعيط
    طب ما انتى اللى طلبتى
    حاجة غريبة فعلا

  7. #3

  8. Forum Ads:

  9. #4
    Join Date
    Feb 2008
    Location
    Saudi Arabia
    Posts
    467
    Rep Power
    13

    Smile

    حصل هذا الموضوع معي شخصيا من قبل حيث انني كنت متزوج من قبل قبل زواجي الاخير من تلك الفتاة الرائعة والحريصة دائما على ارضائي.

    كلما حدث خلاف بيني وبين زوجتي السابقة تقوم بطلب الطلاق وكنت اترك المنزل واخرج خوفا من ان تخرج من فمي كلمه يتهدم بسببها بيتي. واعود عندما تكون هي قد نامت وننقطع عن الكلام مع بعضنا حتى يحدث شيء يدفعنا لذلك.

    حتى اتى يوم قالت فيه طلقني فقلت لها استهدي بالله وبلاش دايما تقولي الكلمة دي لانها غلط ممكن في مرة افقد اعصابي واقولها ونندم احنا الاتنين.

    فقالت لي اصل انت جبان وخايف تطلق ماهو انت لو كنت راجل كنت طلقتني....

    للحظة احسست ان الزمن توقف ولم اعد اسمع غير الجمله الاخيرة وفقدت اعصابي وزل لساني وقلتها.

    انهارت باكية وهي تقول هنت عليك كدة تطلقني ازاي جالك قلب تقولها. قلتلها انتي طلبتي حريتك وانا اديتهالك قالتلي انا اطلبها انما انت متنفذش.

    قلتلها انا اسف انتي شككتي في رجولتي والراجل اللي يسقط من نظر مراته مينفعش يكمل معاها لان كرامة البني ادم فوق اي شيء وفي حاجات تتفوت وفيه حاجات مينفعش تتفوت.

    قالت طب ردني قلتلها احنا لسة قدامنا 3 شهور نفكر فيهم في استمرار حياتنا مع بعض ونشوف ايه اللي هيحصل.

    المشكلة اننا لما نفكر في ايه الاسباب اللي وصلتها لانها تطلب الطلاق نلاقيه سبب تافه وهايف جدا لا يستدعي تهديدها بطلب الطلاق.

    عموما انا قررت اني اديلها مهلة 3 شهور تفكر مش لاني مكنتش عايز اعيش معاها بس كنت عايز اخليها تحس بانها قد ايه هتندم على انها بتكرر كلمة زي دي لو فعلا اتطلقت وبيني وبينكم انا نيتي كانت اني هردها بعد شهر واحد بس ولكن انا قلت اسيبها تتعذب شوية وتدوق مرارة الطلاق شوية علشان تتعلم متهددش بالكلمة دي مرة تانية.

    وفعلا بعد شهر كانت هيا وصلت فيه لحالة نفسية صعبة جدا رحت رديتها ولما رجعنا البيت سوى قالتلي انا مكنتش فاكرة ان الموضوع صعب بالشكل ده وكنت مستسهلة الكلمة بس لاقيت انها كلمة عدد حروفها قليل بس عواقبها بعد كدة قاسية جدا والست في الوقت ده بتحس انها وبنفس اللفظ بتاعها الست بتحس انها بعد ما بتطلب الطلاق لسبب هايف ويترمي يمين الطلاق فعلا بتبقى عايزة تضرب نفسها باقدم جزمة وانه بيبقى هاين عليها تترمي تحت رجل جوزها علشان يردها بس الكبر هوه اللي بيمنعها.

    المهم نصيحة لكل زوجة عايزة رضاء ربنا اوعي تهددي جوزك بكلمة طلقني لانه لو فقد اعصابه وطلقك فعلا فالخسران الوحيد في الموضوع ده هوه انتي ايتها الزوجة. واذا كان فيه اولاد فقد ظلمتي اولادك ايضاً بسبب سخافة فكرك وهبل تهديدك.

    تم الطلاق الفعلي بيني وبينها بعد كدة لاسباب قوية جدا.

    والحمد لله انا الان متزوج من انسانه رائعة بقولها دايما كنتي فين من زمان كان حاجات كتير اتغيرت.

    تحياتي

  10. #5

    Default

    شكرا يا مصطفى على النصيحة
    لكن لازم نعترف ان فيه اسباب منطقية بتدفع الزوجة انها تقولها
    المهم انها متكونش لحظة انفعال يتم فيها طلب مصيري زي ده
    و اكيد قرار الطلاق لازم يكون باتفاق بعد ترو و مناقشة بين الطرفين
    زي ما حصل في الزواج
    و يكون الطلاق زي ما أمر ربنا باحسان

  11. Forum Ads:

  12. #6
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    قدر الله وما شاء فعل
    الحمد لله يا مصطفى و ربنا يكرمك مع زوجتك و يوفق كل الناس فى زواج سعيد وهادئ ان شاء الله

  13. #7
    Join Date
    Dec 2007
    Location
    Cairo, Al Qahirah, Egypt, 115351105145884, Cairo, Egypt
    Posts
    2,229
    Blog Entries
    1
    Rep Power
    15

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب