إضغط لتفاصيل الإعلانات



Results 1 to 6 of 6
Share
  1. #1
    Join Date
    Jan 2008
    Location
    Cairo
    Posts
    1,985
    Rep Power
    14

    Talking مــــدام رشـــــــا ....





    مـــــــــــدام رشـــا


    في المصلحة الحكومية العتيدة كان الأستاذ صبحي على مكتبه عندما دخل عليه أحد المواطنين وفي يده ملف من الأوراق.


    المواطن : حضرتك أستاذ صبحي مش كده ؟
    صبحي : أيوه أنا هو ، عايز ايه ؟
    المواطن : يا أفندم أنا جايب لجنابك الورق ده بتاع الشركة اللي أنا شغال فيها علشان تخلص لي الإجراءات ، المدير بتاعنا مستعجل عليهم قوي.
    صبحي يمسك ملف الأوراق بعدم اهتمام ويقول : ومستعجل ليه ، العجلة من الشيطان. والله مع الصابرين.
    المواطن : أكيد سعادتك ، بس الورق ده لو مااتعملش مش حانقدر نجيب شحنة اللحمة من الميناء ، ولو اتأخرت أكتر من كده على المركب حاتبوظ وتعفن ، هي أصلا صلاحيتها قربت تنتهي.
    صبحي : طيب وأنت دفعت المصاريف المطلوبة ؟
    المواطن : أيوه يا أفندم ، دفعتهم في الخزنة وده الإيصال.
    صبحي لا ينظر للإيصال ويقول : بس انت لسه ما دفعتش لمدام رشا !
    المواطن : مدام رشا مين يا أفندم ؟
    صبحي : يا فتاح يا عليم .. أنت أول مرة تيجي هنا ؟
    المواطن : معلش ، أصلي لسه جديد ومش عارف الإجراءات .. ممكن حضرتك تقولي مدام رشا مكتبها فين وأنا أروح أدفع لها على طول.
    صبحي يمد يده ويقول : يا بني آدم مدام رشا مش بتاخد الفلوس بنفسها. هاتها وأنا أوصلها لها.
    المواطن : طيب والفلوس دي ضمن المصاريف يعني ؟ أصل هما قالوا لي المصاريف كلها عشرة جنية وثلاثة قروش وطابع دمغة باربعين قرش ، وأنا دفعت كل ده خلاص.
    صبحي : خلاص ، سيبك من مدام رشا. أنا عايز الشاااااااااي .
    المواطن : طيب ما تنادي على الساعي يجيبه لك يا أفندم ؟
    صبحي : أنت عبيط يا استاذ والا بتستعبط ؟
    المواطن : طيب ليه الغلط ده ؟ هو يعني علشان أنا أول مرة أجي المصلحة تقوم تهزأني كده ؟
    صبحي : أنت شكلك أول مرة تيجي الحياة أصلا ، بص يا أستاذ ورقك ده شكله ناقص ، خده راجعه تاني وابقى تعالى بكره أو ما تجيش خالص أحسن !
    المواطن : ليه بس ؟ دا أنا مراجعه كله والموظف اللي هناك قالي انه كامل ومش ناقصه غير الختم اللي عند حضرتك.
    صبحي : كده ، هي حاجة نفسية .. حاسس أن فيه حاجة مش صح في ورقك. ومقدرش أختم على ورق مش مظبوط ، دي مسئولية. ياللا شيل الملف ده خلينا نشوف شغلنا.
    المواطن : يا افندم كل سنة وأنت طيب ، دا احنا في أيام مفترجة.
    صبحي : ايوه ، كويس أنك جبت المفيد ، كل سنة وأنت طيب ، هز جيبك بقى وطلع لنا قرشين نجيب بيهم حاجة للعيال .
    المواطن : اه ، يعني حضرتك عايز رشوة ! طيب ما تقول من الصبح يا أخي . وعمال تقول مدام رشا وعايز أشرب شاي. وكل ده وأنا مش فاهم ، أما أنا مغفل فعلا.
    صبحي يبتسم : شفت بقى . ياللا حصل خير. المهم أنك معايا على الخط دلوقت.
    المواطن : معلش يا صبحي بيه ، أصل أنا جديد زي ما قلت لك. سعادتك تأمر بكام ؟
    صبحي : مش حاتفرق كتير ، حاخد منك خمسين بس علشان أنت راجل طيب.
    المواطن يخرج خمسين قرش من جيبه ويقدمها لصبحي ، فيصيح فيه صبحي : خمسين جنيه يا بني آدم.
    المواطن : بس ده مش كتير شوية ؟
    صبحي : صدقني دول مش ليا ، أنا يادوب باوصلهم لمدام رشا. وعموما لو مش معاك دلوقت (يرمي الملف على الأرض) ابقى تعالى في يوم تاني.
    المواطن : لا ، خلاص اهم الخمسين جنيه.
    صبحي يضع النقود في الدرج ويلتقط الظرف من الأرض : أيوه كده ، دا أنت متعب . ماشتفتش في حياتي حد كده يا أخي. ماكان من الأول.
    المواطن : المرة الجاية حادفع فلوس مدام رشا من غير ما تفكرني يا صبحي بيه. بس أستأذنك في طلب صغير ؟
    صبحي : أنا تحت أمرك.
    المواطن : كنت عايز بس فاتورة بالخمسين جنيه علشان أديها للحسابات عندنا في الشركة ضمن مصاريف الورق.
    صبحي : أنت مجنون ؟ عايزني أديك فاتورة بالرشوة ؟ أنا من ساعة ما شفتك وأنا بقول أنك عبيط . اتفضل خد ورقك وفلوسك ومع السلامة.
    المواطن : ما هو انا مش حاعرف أقول لهم في الشركة الخمسين جنيه دي تحت بند ايه.
    صبحي : قول لهم بدل انتقال ، مصاريف نثرية ، وقعوا مني في الأتوبيس. أي حجة ، هو أنا حاعلمك شغلك كمان ؟
    المواطن : ما أنا لسه امبارح واقع مني في المايكروباص 100 جنيه . مش معقول النهاردة كمان أقولهم أني ضيعت خمسين ، حايقولوا عليا مهمل.
    صبحي : لا ، العفو ، أنت ناصح قوي. خد يا ابني ورقك واتفضل بره علشان أنا ورايا شغل ومش فاضي للهبل ده.
    المواطن يحمر وجهه ويخرج محفظته من جيبه ويقول : على فكرة أنا مش مواطن عادي ، أنا العميد شريف من المباحث الإدارية (يخرج كارنيه عليه صورته ويريه لصبحي) وأنت متلبس بطلب رشوة وأخذها من مواطن. حاعمل لك محضر وحارفعه لأعلى الجهات الرسمية !!
    صبحي يمتقع وجهه : يا نهار مش فايت ، أنا متأسف يا أفندم والله ماكنت عارف حضرتك . مع أن بتوع المباحث كلهم حبايبي.
    شريف : مش بقولك أنا جديد .
    صبحي : خلاص يا باشا ، الورق بتاعك اعتبره خلص وعليه بوسه كمان.
    شريف : بوسه ؟ أنت حاتصحابني واللا ايه . اتفضل خلص الورق ده وأنا رايح أعمل لك المحضر دلوقت.
    صبحي : ليه بس كده يا باشا ؟ دا أنا لسه واخد انذار من أسبوعين ، كده أنا حاتفصل ومستقبل حايضيع. أرجوك يا باشا ، أخر مرة والله.
    شريف : أنا كان ممكن أسامحك ، بس علشان قعدت تغلط وتقول علي عبيط وأهبل مش حارحمك.
    صبحي يكاد يبكي : أبوس أيدك يا باشا ، أنا اللي عبيط وابن ستين عبيط ، قولي أعمل ايه علشان ترضى وما تعملش المحضر ؟
    شريف : أنت معاك كام في الدرج ؟
    صبحي يفتح الدرج ويخرج النقود : احنا لسه أول النهار ، مافيش غير ألفين جنيه بس يا باشا. ممكن حضرتك تاخدهم بنفسك وتديهم لمدام رشا.
    شريف يضع النقود في جيبه : طيب ، مادام كده ، خلاص المحضر مش حايتعمل. بس ابقى فتح كويس وأنت شغال بعد كده يا واد يا صبوحة !
    صبحي : ألف شكر يا باشا ، ده كرم من سعادتك ، وأدي الختم أهو على الورق. أتفضل يا باشا ، دا أنت نورت المكتب ، ونورت المصلحة كلها ..


    * * * * * * * * * * * * * *

    - بس يا سيدي ، ده اللي حصل في المصلحة النهاردة الصبح.
    - يعني المغفل افتكر كارنيه التجنيد بتاعك كارنيه مباحث ؟
    - وطلع لي كل الفلوس اللي عنده كمان.
    - صبح صبح يا عم صبحي ! ومسمي الرشوة مدام رشا ؟
    - أصل موضوع الشاي والقهوة ده قدم خلاص.

    - ألفين جنيه في ساعة ونص ؟ بقولك ايه . المرة الجاية لما تروح المصلحة ابقى اسألهولي هي مدام رشا ما عندهاش بنت صغيرة مش مرتبطة ؟

    * * * * * * * * * * * * * * * * * * * * * * * * * * * * * * * * * * * *

    بجد الموضوع ده تحفه
    ياجماعه انا ماليش دعوه بتشابه الاسماء
    انتي فاهماني طبعا يا .......



    م ن ق وووووووووووووو ل


  2. Facebook Comments - تعليقـك على الفيس بوك يسعدنا ويطور مجهوداتنـا


  3. Forum Ads:

  4. Forum Ads:

    اضفط هنا لمعرفة تفاصيل الإعلانات بالموقع


  5. Forum Ads:

    -->

  6. #2
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    بجد موضوع رائع شكرا ليكى يا ريد هارت
    والكلام دا بقى كتير اوى و فى كل حتة واللى بيتظلم فى الموضوع الناس المحترمة و هى اللى بيطلع عينها و بيتقال عليهم مرتشين! والناس تموت فى تقطيع فروة الناس المحترمة
    ربنا الهادى الجبار

  7. #3

  8. Forum Ads:

  9. #4
    Join Date
    Nov 2007
    Location
    Arab world!
    Posts
    6,169
    Blog Entries
    4
    Rep Power
    10

    Default

    هههههههههههههههههههههه
    يا مروة بدل ما ندعى عليه ندعيلة ربنا يهديه يا رب
    ويا رب ميحصلش ابدا ونبقى منهم وربنا يبعدنا عن الحرام ان شاء الله

    بس دايما ادعى بالهداية مش تدعى عليهم يا مروة وربنا يتقبل دعواتنا علشان نرجع ونكون شعب محترم اللهم امين

  10. #5
    Join Date
    Feb 2008
    Location
    Saudi Arabia
    Posts
    467
    Rep Power
    13

    Lightbulb

    الموضوع ده جميل جدا يا ريد هارت مع ان مفيش حاجة جايبانه وارى الا الرشوة واللي بتتاخد عيني عينك.

    بس لما نيجي نشوف ايه سبب المشكلة دي؟ هل المصريين بطبعهم مرتشين والا دي ظروف خلت الناس بقت كدة؟

    وطبعا الظروف الهباب هيا اللي وراء كل المصايب واهمها الظروف الاقتصادية والمرتبات التعبانة والعلاوات السكة اللي بيدوها باليمين وياخدوها من فرق الاسعار بالشمال وطبعا موظف الحكومة عنده اولاد في المدرسة وعايز ياكل ويشرب ويلبس ويركب مواصلات طيب مع الدخل القليل ده الموظف يعمل ايه ؟
    اكيد هيسرق وينهب ويشفط من جيب الخلق ولكن نرجع ونقول لو رضي باللي ربنا قاسمهولو حتى لو قليل من غير ما يستغل وظيفته علشان يضغط على الناس ويرتشي ربنا هيباركله في المرتب وفي عياله انشاء الله.

    ملحوظة: قال الشيخ الشعراوي : ان اضطرتك الظروف انك تدفع رشوة علشان مصلحتك تمشي فإدفع ويأثم من اضطرك لذلك. بس مثلا عايز تشتري ارض تقوم تدفع مبلغ من تحت الطربيزة للشخص علشان يريسيها عليك لاء انت في الحالة دي مش مضطر تشتري ارض اساسا. اما اذا كان مثلا بيتك هيقع ومحتاج يتعينلك خبير من المصلحة والخبير مش عايز يتحرك الا لما ياخد فلوس لمدام رشا طبعا فإدفع لانك مضطر وتأثم في الموضوع ده مدام رشا واتباعها.

    تحياتي

  11. Forum Ads:

  12. #6
    Join Date
    Jan 2008
    Location
    Cairo
    Posts
    1,985
    Rep Power
    14

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

أقسام المنتدى

الروابط النصية

تابع جروبنا على الفيس بوك

صفحة Egypt Engineers على الفيس بوك

تابعنا على linkedin

جروبنا على الياهو جروب