"عودة يهود مصر المهاجرين"

--------------------------------------------------------------------------------

عارفين طبعاً ان مصر كان فيها "يهود" من قبل الثوره، وكانوا هم اصحاب "أكبر" واشهر المشاريع والمحلات التجاريه فى البلد وإللى لسه بتحمل اسماءهم لحد دلوقت؛ زى ريفولى وصيدناوى وشملا وغيرهم، وإللى لسه موجوده فروعها لحد دلوقت تقريباً فى كل محافظات مصر.اليهود دول هاجروا من مصر بعد الثوره و"باعو" ممتلكاتهم لـــ"مصريين" والأهم انها اتأممت بعد كدا وبقت من أملاك الدوله وبعضها "اتخصخص" حالياً وبقا من حق مستثمرين غير مصريين زى "عمر افندى" إللى اصبح ملك مجموعه سعوديه.

****لحد كدا ممكن نعتبره "عادى". لكن "الغير عادى" هو قرار أخده البعض من اليهود أو الصهاينه-حوالى 100 واحد وواحده- بـالعوده فى زياره إلى مصر وحطولها عنوان " مصر وحشتنا". لكن السؤال المهم والمُلح هو : هو هل إنت لما يوحشك حد وتحب تزوره تاخد معاك "المحامى" بتاعك؟؟؟ وكمان تعمل الزياره سريه والاهم تنظمها السفاره الاسرائليه وتجهز لها مؤتمر صحفى؟؟؟؟؟؟؟

ملايين علامات الاستفهام من 78.5مليون مصرى، الزياره دى وراها حاجه والناس دى مصر ما وحشتهمش لله فى لله، أكيد فى مصلحه، والأكيد ان فى كلام بيتقال عن انهم راجعيين يطالبوا بــ"استرداد" ممتلكاتهم إللى المصريين أخدوها.
يظهر انهم لقوا الحكايه سهله وكله بياخد من "التورتايه" من برا ومن جوا البلد، فقالوا اشمعنا إحنا!!!
فى مثل بيقول "كل خرابه ليها عفريت" والناس دول عفريت كل خرابه وبيطلعوا لأى حد يحسوا انه ممكن يفرط ولو فى "شبر" يستوطنوا فيه وبعد كدا الشبر يبقا بلد بحاله زى إللى احتفلوا بعيد تأسسها ال60 وتفضل سيادة الريس بتاعنا وبعت لهم "برقية تهنئه"بيه، الجبنا دول هدفهم "من النيل إلى الفرات" وعمرهم ما هيتنازلوا عنه...أخدوا الفرات والدور على النيل إللى ما وصلوله بالحرب فلبسوا عباءة السلم.
البلد مش ناقصه مصيبه زى دى تحصل دلوقت، وكلام بقا عن "هل من حقهم ولا لأ؟" المشاكل هتحصل مع الدوله ومع الافراد ومع المستثمريين إللى اشتروا بعض المنشآت دى. وممكن فعلاً يرفعوا قضايا وتتدخل عناصر اجنبيه تساندهم والناس دى ما بتغلب فى التمثيل والإدعاء وكسب التعاطف والدليل انها لسه بتستنزف ألمانيا والعالم لحد دلوقت وتدفعهم تمن حاجات ما حصلت.
المطلوب مننا كلنا إننا نقف ضد الزياره دى ، ويكون عنوانها " لا مرحباً بهم" تيمناً بالآيه الكريمه :" هَذَا فَوْجٌ مُّقْتَحِمٌ مَّعَكُمْ لَا مَرْحَبًا بِهِمْ إِنَّهُمْ صَالُوا النَّارِ"(59) سورة ص
الناس دى لو جايين بشكل ودى معندناش مانع لكن من غير المحاميين ومن غير مطالب ملهمش حق فيها
هيوصلوا يوم الجمعه 23 مايو 2008 ونازلين فى "ماريوت" القاهره ومستمرين لحد يوم 29 من نفس الشهر
لازم يعرفوا اننا فاهمين وفاقسين حركاتهم دى واننا مش هنسمح بيها
كلنا ننشر الرساله وإللى يقدر يراسل فندق الماريوت ويعلن احتجاجه على استضافتهم يا ريت يعمل كدا ويشارك معانا.
كان الأولى من الحكومه والخارجيه المصريه انها تعمل كدا وكان من الأولى خااااالص ان اسماء الشركات والمحلات دى تتغير من زمن بعيد زى ما كل حاجه اتغيرت.

أطيب تحياتى للجميع وخالص دعواتى للبلد دى ربنا يحفظها ويحميها من برا ومن جوا